ປຶກສາຫາລືການລົງທຶນດ້ານກະສິກຳແບບຍືນຍົງແຫ່ງຊາດ

ກອງປະຊຸມການລົງທຶນດ້ານກະສິກຳແບບຍືນຍົງແຫ່ງຊາດຄັ້ງທຳອິດຂອງ ສປປ ລາວ ຈັດຂຶ້ນວັນທີ 21 ເມສາ 2023 ທີ່ໂຮງແຮມລາວພລາຊາ ເປັນປະທານຮ່ວມຂອງ ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະປ່າໄມ້ ທ່ານ Nasar Hayat ຕາງໜ້າອົງການອາຫານ ແລະການກະເສດແຫ່ງສະຫະປະຊາຊາດ ພ້ອມດ້ວຍຂະແໜງການກ່ຽວຂ້ອງເຂົ້າຮ່ວມ.

ໂອກາດນີ້, ທ່ານ ທອງພັດ ວົງມະນີ ກ່າວໃນກອງປະຊຸມຄັ້ງນີ້ວ່າ: ການພັດທະນາກະສິກຳແບບຍືນຍົງແມ່ນໜຶ່ງໃນບັນດາຂົງເຂດຈຸດສຸມໃນການເຕີບໂຕຂອງແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ 9 ເປົ້າໝາຍການພັດ ທະນາແບບຍືນຍົງ (SDGs) ແມ່ນວິໄສທັດລວມຂອງພວກເຮົາໃນອະນາຄົດທີ່ໄດ້ວາງຂອບເຂດຄວາມຮັບຜິດຊອບໃຫ້ທຸກພາກສ່ວນກໍຄືລັດຖະບານພາກເອກະຊົນ ຄູ່ຮ່ວມມືພັດທະນາ ແລະ ພົນລະເມືອງທຸຄົນເພື່ອມຸ່ງໜ້າໄປສູ່ອະນາຄົດທີ່ຍືນຍົງ ແລະບໍ່ປ່ອຍປະໃຫ້ໃຜຢູ່ເບື້ອງຫຼັງເຊິ່ງກະຊວງກະສິກຳ ແລະ ປ່າໄມ້ໄດ້ມີການຊຸກຍູ້ໃຫ້ພາກເອກະຊົນລົງທຶນໃນລະບົບຕ່ອງໂສ້ມູນຄ່າໃນຂະແໜງກະສິກຳພ້ອມກັນນັ້ນລັດຖະບານໄດ້ສະເໜີສິ່ງຈູງ ໃຈເຊັ່ນ ນະໂຍບາຍການເສຍອາກອນມາດຕະການອຳນວຍຄວາມສະດວກທາງດ້ານການຄ້າການເຂົ້າເຖິງສິນເຊື່ອໃຫ້ແກ່ວິສາຫະກິດຂະໜາດນ້ອຍ ແລະ ຂະຫນາດກາງ (MSMEs) ນະໂຍບາຍການໄຫຼເຂົ້າ ແລະອອກຂອງເງິນທຶນລະຫວ່າງປະເທດ ເຊິ່ງສະແດງໃຫ້ເຫັນເຖິງລັດຖະບານໄດ້ໃຫ້ຄວາມສໍາ ຄັນໃນການອອກໃບອະນຸຍາດໃນຂະແໜງການປຸງແຕ່ງສະບຽງອາຫານ ແລະ ສິນຄ້າກະສິກໍາໃນກົດລະບຽບໃໝ່ນັ້ນຍັງໄດ້ລະບຸໄວ້ວ່າກິດຈະກໍາທີ່ມີຄວາມສ່ຽງຕໍ່າຈະບໍ່ຮຽກຮ້ອງໃຫ້ມີໃບອະນຸຍາດໃດໆ ຂະບວນການປະຕິຮູບການລົງທຶນໃນຂະແໜງກະສິກຳນີ້ຈະເປີດຊ່ອງທາງໃໝ່ໃຫ້ແກ່ບັນດາບໍລິສັດວິສາຫະກິດໃນ ສປປ ລາວ.

ປັດຈຸບັນ ສປປ ລາວ ກຳລັງມີການຫັນປ່ຽນຢ່າງກ້າວກະໂດດຈາກການເປັນປະເທດທີ່ມີຊາຍແດນຕິດຈອດກັນບໍ່ມີທາງອອກສູ່ທະເລມາເປັນປະເທດເຊື່ອມຕໍ່ຂອງບັນດາປະເທດຕ່າງໆດ້ວຍທາງລົດໄຟລາວ-ຈີນທີ່ເຊື່ອມຕໍ່ນະຄອນຫຼວງວຽງຈັນກັບ ສປ ຈີນ ແລະບໍ່ພຽງແຕ່ມີການເຊື່ອມຕໍ່ທາງລົດໄຟຄວາມໄວສູງລະຫວ່າງ ສປປ ລາວ ແລະ ສປ ຈີນເທົ່ານັ້ນແຕ່ໄດ້ເຊື່ອມຕໍ່ຜ່ານເຄືອຂ່າຍທາງລົດໄຟກັບທົ່ວພາກພື້ນເຮັດໃຫ້ມີໂອກາດທີ່ຈະເຊື່ອມຕໍ່ກັບຕະຫຼາດທົ່ວໂລກ ສປປ ລາວ ກາຍເປັນສູນກາງທາງດ້ານການຂົນສົ່ງ ຂອງແຫຼມອິນໂດຈີນທັງໝົດຢ່າງກ່າວກະໂດດໂດຍໄດ້ເປີດທາງສູ່ຕະຫຼາດໃຫຍ່ທີ່ສຸດໃນໂລກກໍຄື ສປ ຈີນ ໃຫ້ແກ່ຜູ້ຜະລິດສິນຄ້າກະສິກຳພາຍໃນປະເທດ.

ນອກຈາກນີ້ ສປປ ລາວ ຍັງໄດ້ຮັບອະນຸຍາດໃຫ້ຜະລິດຕະພັນທີ່ມີຕົ້ນກຳເນີດຢູ່ໃນປະເທດລາວມີສິດບຸລິມະສິດເຂົ້າສູ່ຕະຫຼາດຂອງສະຫະພາບເອີຣົບ ແລະລັດຖະບານລາວມີຄວາມຕັ້ງໃຈທີ່ຈະນໍາໃຊ້ຄວາມເຂັ້ມແຂງຂອງພື້ນຖານໂຄງລ່າງ ແລະຊັບພະຍາກອນທໍາມະຊາດຂອງປະເທດເພື່ອການເຕີບ ໂຕທາງດ້ານເສດຖະກິດແບບຍືນຍົງໂດຍອິງໃສ່ພູມສັນຖານຂອງປະເທດພື້ນຖານຊັບພະຍາກອນທໍາມະຊາດ ແລະ ເງື່ອນໄຂການເຮັດກະສິກຳໃຫ້ມັນເໝາະສົມກັບການພັດທະນາກະສິກຳທີ່ມີມູນຄ່າສູງ ແລະຫຼາກຫຼາຍຂຶ້ນ.

แชร์