ແຕ່ງຕັ້ງຮອງລັດຖະມົນຕີ ສສກ ຜູ້ໃໝ່ອີກ 2 ທ່ານ

  ທ່ານນາຍົກລັດຖະມົນຕີແຫ່ງ ສປປ ລາວ ໄດ້ອະນຸມັດແຕ່ງຕັ້ງຮອງລັດຖະມົນຕີກະຊວງສຶກສາທິການ ແລະກີ ລາຜູ້ໃໝ່ອີກຈຳນວນ 2 ສະຫາຍ ປະກອບ ມີສະຫາຍນາງ ຂັນທະລີ ສີຣິພົງພັນ ແລະ ສະຫາຍ ພຸດ ສິມມາລາວົງ.

  ໃນໂອກາດປິດກອງປະຊຸມຜັນຂະຫຍາຍເນື້ອໃນຈິດໃຈກອງປະຊຸມວຽກງານກວດກາທົ່ວປະເທດປະຈໍາປີ 2018 ເມື່ອວັນທີ 5 ເມສາຜ່ານມາທີ່ຫ້ອງປະຊຸມ ສະຖາບັນຄົ້ນຄວ້າວິທະຍາສາດການສຶກສາກະຊວງສຶກສາທິການ ແລະ ກີລາໄດ້ມີພິທີປະກາດການຈັດຕັ້ງຂັ້ນຮອງລັດຖະມົນຕີກະຊວງສຶກສາທິການ ແລະ ກີ ລາ,ໂດຍໃຫ້ກຽດເປັນປະທານຂອງສະຫາຍ ນາງ ແສງເດືອນ ຫຼ້າຈັນທະບູນ ກໍາມະການສູນກາງພັກເລຂາຄະນະພັກກະຊວງລັດຖະມົນຕີກະຊວງສຶກສາທິການ ແລະກີລາ ສະຫາຍ ທອງວັນ ທຳມະວົງ ຮອງຫົວໜ້າກົມຄຸ້ມຄອງລັດຖະກອນຄະນະຈັດຕັ້ງສູນກາງພັກ,ມີຮອງລັດຖະມົນຕີ,ປະທານກວດກາຄະນະພັກກະຊວ ງສຶກສາທິການ ແລະກີລາ, ເລຂາຄະນະພັກຮາກຖານ, ເລຂາໜ່ວຍພັກ, ຜູ້ຮັບຜິດຊອບກວດກາພັກກົມ, ຫົວໜ້າກົມ, ຮອງກົມ,ທຽບເທົ່າກົມ, ສະຖາບັນ, ສູນ, ບໍລິສັດ, ໂຮງງານ, ມະຫາວິທະຍາໄລ ແຫ່ງຊາດ, ວິທະຍາໄລ ແລະໂຮງຮຽນອ້ອມຂ້າງກະຊວງເຂົ້າຮ່ວມ.

 ໂອກາດດັ່ງກ່າວ, ສະຫາຍ ທອງວັນ ທຳມະວົງ ໄດ້ຜ່ານດຳລັດຂອງນາຍົກລັດຖະມົນຕີ ເລກທີ 96/ນຍ ລົງວັນທີ 15 ກຸມພາ 2019 ວ່າດ້ວຍການແຕ່ງຕັ້ງ ຮອງລັດຖະມົນຕີກະຊວງສຶກສາທິການ ແລະກີລາຈຳນວນ 2 ທ່ານ, ມາດຕາ 1 ແຕ່ງຕັ້ງສະຫາຍ ນາງ ຂັນທະລີ ສີຣິພົງພັນ ແລະ ສະຫາຍ ພຸດສິມມາລາວົງ ເປັນຮອງລັດຖະມົນຕີກະຊວງສຶກສາທິການ ແລະກີລາ, ມາດຕາ 2 ຫ້ອງວ່າການສຳນັກງານນາຍົກລັດຖະມົນຕີ, ຄະນະຈັດຕັ້ງສູນກາງພັກ, ບັນດາກະຊວງ, ອົງການຂັ້ນສູນກາງ ແລະອົງການຈັດຕັ້ງຂັ້ນທ້ອງຖິ່ນພ້ອມດ້ວຍທ່ານທີ່ໄດ້ຮັບການແຕ່ງຕັ້ງຈົ່ງຮັບຮູ້ ແລະ ປະຕິບັດຕາມດຳລັດສະບັບນີ້ເປັນຢ່າງດີ ແລະ ມາ ດຕາ 3 ດຳລັດສະບັບນີ້ມີຜົນສັກສິດນັບແຕ່ວັນລົງລາຍເຊັນເປັນຕົ້ນໄປ.

  ພ້ອມກັນນັ້ນ, ສະຫາຍນາງ ແສງເດືອນ ຫຼ້າຈັນທະບູນ ໄດ້ມີຄຳເຫັນ, ໂອ້ລົມ ແລະ ໃຫ້ທິດຊີ້ນຳໃນການປະຕິບັດໜ້າທີ່ວຽກງານໃນຕໍ່ໜ້າແກ່ທ່ານຮອງລັດ ຖະມົນຕີຄົນໃໝ່ທັງ 2 ທ່ານ ລວມໄປເຖິງພະນັກງານ-ລັດຖະກອນທັງໝົດຂອງກະຊວງສຶກສາທິການ ແລະກີລາເພື່ອໃຫ້ຕັ້ງໜ້າປະຕິບັດວຽກງານໜ້າທີ່ຢ່າງເຕັມທີ່ເຮັດໃຫ້ສຳເລັດໄປຕາມແຜນທີ່ວາງໄວ້ໃນຕໍ່ໜ້າ.

  ສຳລັບຮອງລັດຖະມົນຕີກະຊວງສຶກສາທິການ ແລະກີລາ 2 ສະຫາຍ ທີ່ຖືກແຕ່ງຕັ້ງໃໝ່ນີ້ ເປັນຕົ້ນແມ່ນສະຫາຍ ນາງ ຂັນທະລີ ສີຣິພົງພັນ ໃນໄລຍະຜ່ານມາແມ່ນເປັນຄະນະປະຈໍາພັກກະຊວງ,ທັງເປັນປະທານກວດກາຄະນະພັກກະຊວງ,ຜູ້ຊີ້ນໍາ 3 ອົງການຈັດຕັ້ງມະຫາຊົນ,ອະດີດຫົວໜ້າຫ້ອງການກະຊວງສຶກ ສາທິການ ແລະກີລາ. ສ່ວນສະຫາຍ ພຸດ ສິມມາລາວົງ ເປັນຄະນະປະຈຳພັກກະຊວງສຶກສາທິການ ແລະ ກີລາທັງເປັນອະດີດຮອງອະທິການບໍດີມະຫາວິທະຍາ ໄລແຫ່ງຊາດ.

ຂ່າວ: ອຳໄພວັນ

แชร์