ສະມາຄົມປ້າຍລາວຮ່ວມງານວາງສະແດງປ້າຍ ແລະສິ່ງພິມທີ່ບາງກອກ

ວັນທີ 31 ມີນາຜ່ານມາ ທ່ານ ວົງນໍາ ວົງວິໄລ ປະທານບໍລິສັດ ຂຸນຕາປ້າຍ ປະທານສະມາຄົມປ້າຍລາວພ້ອມດ້ວຍຄະນະໄດ້ເດີນທາງເຂົ້າຮ່ວມງານວາງສະແດງເຄື່ອງຈັກ, ເຄື່ອງພິມ ແລະອຸປະກອນຮັບໃຊ້ໃນແວດວົງອຸດສາຫະກຳປ້າຍ,ງານພິມສຳລັບອຸດສາຫະກຳເຄື່ອງນຸ່ງຫົ່ມແຜ່ນແພຕ່າງໆ (Printech 2023) ທີ່ສູນວາງສະແດງອິມແພັກ (IMPACT Exhibition Center) ເມືອງທອງທານີ ບາງກອກ ປະເທດໄທ ໃນລະຫວ່າງວັນທີ 30 ມີນາ ຫາ ວັນທີ 2 ເມສາ 2023 ໂດຍການໃຫ້ກຽດຕ້ອນຮັບຂອງ ທ່ານ ກິດຕິພັດ ສຸດທິສໍາພັດ ຮອງປະທານສາຍງານສົ່ງເສີມ ແລະ ສະໜັບສະໜູນອຸດສາຫະກໍາສະພາອຸດສາຫະກໍາການຄ້າໄທ; ທ່ານ ນາງ ມິນທິຕາ ນິຕິກອນກຸລະນັນກໍາມະການຜູ້ຈັດການບໍລິສັດວັນທູວັນ (ເຈົ້າຂອງງານປຣິ້ນເທັກ), ມີປະທານບໍລິສັດຕິວານົນ ປຣິ້ນເຊັ້ນເຕີ້ ແລະມີບັນດາຫ້າງຮ້ານຜູ້ປະກອບການໃນດ້ານອຸດສາຫະກໍາການພິມເຂົ້າຮ່ວມ.

ໃນງານຄັ້ງນີ້, ເພື່ອເປັນການພັດທະນາ ເສີມສ້າງຄວາມຮູ້, ເຕັກນິກການຜະລິດ, ເຄື່ອງກົນຈັກ, ແລະສັນຫາໂອກາດອາຊີບໃໝ່ໆ ໃນການພັດທະນາຄວາມສຳພັນທາງທຸລະກິດກັບເພື່ອນທຸລະກິດປ້າຍໄທຊຶ່ງເປັນການຮີບໂຮມຜູ້ປະກອບການພິມທີ່ຫຼາຍທີ່ສຸດມາລວມກັນເພື່ອໃຫ້ຜູ້ສົນໃຈໄດ້ທ່ຽວຊົມງານໃນແຫ່ງດຽວລວມເຖິງນໍາສະເໜີເຕັກໂນໂລຊີທີ່ຈະມາຊ່ວຍຍົກລະດັບມາດຕະຖານພາຍໃຕ້ຫົວຂໍ້ ”Printtech Power Up“ ເປັນການຫຼຸດຕົ້ນທຶນການຜະລິດເພີ່ມມູນຄ່າງານ ແລະເພີ່ມຜົນກໍາໄລໃຫ້ທຸລະກິດ. ທັງເປັນໂອກາດໃຫ້ບັນດາຫົວໜ່ວຍທຸລະກິດໄດ້ມາພົບປະແລກປ່ຽນແນວຄວາມຄິດ, ຊ່ວຍເພີ່ມຕື່ມຄວາມຮູ້ໃນການຂະຫຍາຍຖານລູກຄ້າໃຫ້ກະຈາຍສິນຄ້າໄດ້ຢ່າງກວ້າງຂວາງ. ການວາງສະແດງສິນຄ້າຄັ້ງນີ້, ມີບໍລິສັດ, ຫ້າງຮ້ານເຂົ້າຮ່ວມຫຼາຍກວ່າ 120 ບໍລິສັດ.
ໃນໂອກາດນີ້, ຄະນະຜູ້ແທນສະມາຄົມປ້າຍລາວກໍໄດ້ໄປທັດສະນະສຶກສາທີ່ບໍລິສັດ ບໍລິສັດ ຕິວານົນ ປຣິ້ນເຊັ້ນເຕີ້.

แชร์