ຄະນະບໍລິຫານງານຊາວໜຸ່ມເມືອງຫາດຊາຍຟອງ ພົບປະຊາວໜຸ່ມ-ເຍົາວະຊົນ

ເພື່ອເປັນການສ້າງຂະບວນການຂໍ່ານັບຊົມເຊີຍວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 68 ປີ ແລະວັນສ້າງຕັ້ງຄະນະຊາວໜຸ່ມ ປະຊາຊົນປະຕິວັດລາວ ຄົບຮອບ 68 ປີ ທີ່ຈະບັນຈົບຄົບຮອບອີກວາລະໜື່ງໃຫ້ມີບັນຍາກາດເບີກບານມ່ວນຊື່ນ ແລະເປັນຂະບວນຟົດຟື້ນ.

ໃນວັນທີ 24 ມີນາ 2023 ຜ່ານມາ ຄະນະບໍລິຫານງານຊາວໜຸ່ມ ປປລ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ຈັດງານພົບປະຊາວໜຸ່ມ-ເຍົາວະຊົນທັນວາ ທົ່ວເມືອງຫາດຊາຍຟອງ ປະຈໍາປີ 2023 ພາຍໃຕ້ຫົວຂໍ້: ຊາວໜຸ່ມຍຸກໃໝ່ຂັບຂີ່ປອດໄພຫ່າງໄກສິ່ງເສບຕິດເປັນມິດກັບສິ່ງແວດລ້ອມຂຶ້ນຢູ່ທີ່ສວນວັດທະນະທໍາຊຽງຄວນ ບ້ານຊຽງຄວນ ເມືອງຫາດຊາຍຟອງ ນະຄອນຫຼວງວຽງຈັນ ໂດຍການເຂົ້າຮ່ວມຂອງສະຫາຍ ຄໍາແກ່ງ ດວງພະຈັນ ຮອງເລຂາພັກເມືອງ ຜູ້ຊີ້ນໍາວຽກງານອົງການຈັດຕັ້ງມະຫາຊົນເມືອງ ສະຫາຍ ນາງ ລັດດາພອນ ປອນສາຍຄໍາ ຮອງເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ ສະຫາຍ ບຸນລ້ຽມ ແກ້ວດວງສີ ເລຂາຄະນະບໍລິຫານງານຊາວໜຸ່ມ ປປລ ເມືອງຫາດຊາຍຟອງສະຫາຍ ນາງ ສ້ອຍສຸດາ ອິນເມືອງໄຊ ປະທານສວນວັດທະນະທໍາຊຽງຄວນພ້ອມດ້ອຍຄູ-ອາຈານ ແລະ ນ້ອງນັກຮຽນເຂົ້າຮ່ວມ.

ກິດຈະກໍາພາຍໃນງານຄັ້ງນີ້ປະກອບມີ 5 ກິດຈະກຳຄື: ກິດຈະກໍາຮັກສາສິ່ງແວດລ້ອມກິດຈະກໍາຖາມ-ຕອບ ຄວາມຮູ້ຮອບຕົວກິດຈະກໍາຕີກອບຊາວບ້ານກິດຈະກໍາແຂ່ງຂັນບົດລະຄອນສັ້ນ ກິດຈະກໍາແຂ່ງຂັນເດີນແບບແຜນເຊິ່ງມີບັນດາໂຮງຮຽນປະຖົມ - ມັດທະຍົມພາກລັດ ແລະເອກະຊົນເຂົ້າຮ່ວມຈຳນວນ 19 ໂຮງຮຽນ ເຊິ່ງແຕ່ລະກິດຈະກໍາໄດ້ສ້າງຄວາມເຂົ້າໃຈ ແລະປະກອບສ່ວນເຂົ້າໃນກິດຈະກໍາງານພົບປະໃນຄັ້ງນີ້ໃຫ້ມີບັນຍາກາດຟົດຟື້ນ ແລະມີເນື້ອໃນຢ່າງເລິກເຊິ່ງ.

• 28/03/2023