ອຸປະຕິເຫດ ແລະຜົນຮ້າຍຈາກຄວາມລຶ້ງເຄີຍຕໍ່ການບໍ່ສວມໃສ່ໝວກກັນກະທົບ

ປະຈຸບັນ ສປປ ລາວ ເປັນໜຶ່ງໃນຈໍານວນຫຼາຍປະເທດທີ່ກໍາລັງພັດທະນາໂດຍສະເພາະດ້ານພື້ນຖານໂຄງລ່າງຖະໜົນ-ຫົນທາງ. ການພັດທະນາເສດຖະກິດ-ສັງຄົມແມ່ນໄດ້ຮັບການພັດທະນາຄຽງຄູ່ກັນໄປ ເຮັດໃຫ້ການໄປມາຫາສູ່ກັນໃນປະຈຸບັນ ມີຄວາມສະດວກສະບາຍຫຼາຍຂຶ້ນ, ປະຊາຊົນບັນດາເຜົ່າມີເສດຖະກິດດີຂຶ້ນ,ຄຽງຄູ່ກັບການພັດທະນາດັ່ງກ່າວນັ້ນ ບັນດາຜູ້ປົກຄອງຈໍານວນບໍ່ໜ້ອຍ ໄດ້ສ້າງເງື່ອນໄຂເພື່ອອໍານວຍຄວາມສະດວກໃຫ້ຕົນເອງແລະ ສະມາຊິກໃນຄອບຄົວໂດຍສະເພາະຜູ້ທີ່ອາໃສຢູ່ເຂດຕົວເມືອງໃຫຍ່ ດ້ວຍການສະໜອງຍານພາຫະນະປະເພດລົດຈັກໃຫ້ ເພື່ອຂັບຂີ່ໄປມາຕາມສະຖານທີ່ຕ່າງໆເປັນຕົ້ນ:ສໍານັກງານອົງການ ແລະ ສະຖານບັນການສຶກສາ ເຮັດໃຫ້ຈໍານວນຍານພາຫະນະປະເພດລົດຈັກນັບມື້ເພີ່ມຂຶ້ນໃນແຕ່ລະວັນເປັນຈໍານວນຫຼາຍແລະເກີດມີປະກົດການຈະລາຈອນແອອັດຢູ່ຕາມທ້ອງຖະໜົນໃນຕົວເມືອງໃຫຍ່ ທີ່ມີພົນລະເມືອງໜາແໜ້ນ. ຜູ້ຂັບຂີ່ລົດຈັດເຫຼົ່ານີ້ ສ່ວນຫຼວງຫຼາຍບໍ່ໃສ່ໝວດກັນກະທົບ, ບໍ່ມີໃບອະນຸຍາດຂັບຂີ່, ບໍ່ຮູ້ກົດລະບຽບຈະລາຈອນ ແລະ ບໍ່ຮູ້ການໃຊ້ລົດໃຊ້ຖະໜົນທີ່ຖືກຕ້ອງອັນເປັນສາຍເຫດພາໃຫ້ເກີດອຸບປະຕິເຫດໄດ້ງ່າຍ. ສໍາລັບນັກຂັບຂີ່ບາງຄົນທີ່ຍັງຖືເບົາບໍ່ສວມໃສ່ໝວກກັນກະທົບເວລາເກີດອຸບັດເຫດສ່ວນໃຫຍ່ແມ່ນເຮັດໃຫ້ຫົວຖືກກະທົບນໍາມາຊຶ່ງອາການບາດເຈັບທີ່ຮຸນແຮງກ້າວໄປເຖິງການເສຍຊີວິດຈາກອາການເລືອດຄ້າງໃນສະໝອງຍ້ອນສາຍເຫດຫົວໄດ້ຮັບການກະທົບພື້ນ.

ອີງຕາມສະຖິຕິການເກີດອຸບັດເຫດຕາມທ້ອງສະໜົນສະເພາະໃນໄລຍະສະເຫຼີມສະຫຼອງສົ່ງທ້າຍປີເກົ່າ 2022 ເເລະສະເຫຼີມສະຫຼອງປີໃໝ່ສາກົນ 2023 ຂອງກົມຕໍາຫຼວດຈະລາຈອນລະຫວ່າງວັນທີ 29 ທັນວາ 2022 ຫາ ວັນທີ 2 ມັງກອນ 2023 ທົ່ວປະເທດ ມີອຸບປະຕິເຫດເກີດຂຶ້ນ 190ກໍລະນີ, ພາຫະນະເປ່ເພ 323 ຄັນ, ຄົນໄດ້ຮັບບາດເຈັບ 311 ຄົນ ໃນນີ້ ເສຍຊີວິດ26ຄົນ ຊຶ່ງສ່ວນໃຫຍ່ແມ່ນຜູ້ຂັບຂີ່ຍານພາຫະນະປະເພດລົດຈັກ, ສາເຫດແມ່ນລະເມີດກົດລະບຽບຈະລາຈອນ ເປັນຕົ້ນ: ດື່ມສິ່ງມືນເມົາເເລ້ວຂັບຂີ່,ໃຊ້ຄວາມໄວເກີນກໍານົດ,ແຊງບໍ່ຮັບປະກັນ, ບໍ່ຮັກສາໄລຍະຫ່າງ ແລະສິ່ງສໍາຄັນແມ່ນບໍ່ໃສ່ໝວກກັນທະທົບຊຶ່ງເປັນພຶດຕິກໍາທີ່ນັກຂັບຂີ່ລຶ້ງເຄີຍມັກງ່າຍ, ເລີ່ນເລີ້ຂາດສະຕິເຮັດໃຫ້ເວລາເກີດອຸບັດເຫດເເລ້ວຫົວໄດ້ຮັບການກະທົບນໍາມາຊຶ່ງຄວາມເສຍຫາຍຫຼາຍສົມຄວນໃນຊີວິດ ແລະຊັບສິນຂອງຕົນເອງ ແລະສ່ວນລວມ.

ຕໍ່ກັບບັນຫານີ້ໃນໄລຍະຜ່ານມາກໍຄືປະຈຸບັນກົມຂົນສົ່ງກະຊວງໂຍທາທິການ ແລະຂົນສົ່ງ, ກົມຕຳຫຼວດຈະລາຈອນກະຊວງປ້ອງກັນຄວາມສະຫງົບ, ກົມສາມັນສຶກສາ ກະຊວງສຶກສາທິການ ແລະ ກິລາ ແລະ ພາກສ່ວນທີ່ກ່ຽວຂ້ອງໃນສັງຄົມໄດ້ສ້າງເງື່ອນໄຂຕ່າງໆຂຶ້ນມາໂດຍນໍາໃຊ້ງົບປະມານເປັນຈໍານວນຫຼາຍສົມຄວນເພື່ອຈັດຕັ້ງປະຕິບັດວຽກງານຕ່າງໆແນໃສ່ເພື່ອສະກັດກັ້ນ ແລະ ຫລຸດຜ່ອນຈໍານວນຍານພາຫະນະທີ່ແອອັດແລະ ຫຼຸດຜ່ອນການເກີດອຸບັດເຫດຕາມທ້ອງຖະໜົນໃນຫຼາຍຮູບແບບເປັນຕົ້ນ: ດ້ວຍການລົງໂຄສະນາເຜີຍແຜ່ຂໍ້ມູນຂ່າວສານ,ການແຈກຢາຍແຜ່ນພັບກ່ຽວກັບຜົນຮ້າຍ,ໄພອັນຕະລາຍຂອງການເກີດອຸບປະຕິເຫດທາງຖະໜົນລວມເຖິງວີທີຫຼຸດຜ່ອນອຸບັດເຫດຕາມທ້ອງຖະໜົນຢູ່ຕາມສໍານັກງານອົງການຂອງລັດ, ເອກະຊົນ, ຕາມຖະໜົນທາງ, ໂຮງຈັກໂຮງງານ ແລະໂຮງຮຽນແຫ່ງຕ່າງໆໃນຂອບເຂດທົ່ວປະເທດນອກຈາກນີ້ຍັງເອົາໃຈໃສ່ເນັ້ນໜັກໃຫ້ນັກຂັບຂີ່ລົດຈັກໂດຍສະເພາະຜູ້ທີ່ເປັນນັກຮຽນນັກສຶກສາໃຫ້ເອົາໃຈໃສ່ໃນການປະຕິບັດກົດລະບຽບຈະລາຈອນໃຫ້ຫຼາຍຂຶ້ນດ້ວຍການສຶກສາອົບຮົມການເມືອງແນວຄິດ, ການສ້າງກິດຈະກໍາເພື່ອປູກຈິດສໍານຶກໃນການຂັບຂີ່ເປັນຕົ້ນ: ກ່ອນອອກຈາກເຮືອນຕ້ອງກວດກາສະພາບເຕັກນິກລົດໃຫ້ລະອຽດ,ຕ້ອງມີເອກະສານຄົບ, ສີ່ງສໍາຄັນໄດ້ປຸກລະດົມໃຫ້ນັກຂັບຂີ່ເຫັນໄດ້ເຖິງຄວາມໝາຍຄວາມສໍາຄັນຂອງການໃສ່ໝວກກັນກະທົບ,ສ້າງພຶດຕິກໍາປະຕິບັດໃຫ້ເປັນນິໃສ ເນື່ອງຈາກວ່າໃນປະຈຸບັນນັກຂັບຂີ່ສ່ວນຫຼວງຫຼາຍຍັງຖືເບົາບໍ່ໃສ່ໝວກກັນກະທົບເວລາຂັບຂີ່ລົດຈັກເພື່ອປ້ອງກັນການສູນເສຍທັງຊີວິດແລະຊັບສີນຈາກການເກີດອຸປະຕິບັດເຫດແລ້ວຫົວຖືກກະທົບ...

ໂຄງການສະໜອງວັດຖຸອຸປະກອນເຂົ້າໃນວຽກງານໂຄສະນາເຜີຍແຜ່ ປູກຈິດສໍານຶກ ຄວາມປອດໄພທາງຫຼວງ

ດໍາເນີນໂຄງການໂດຍ: ກົມຂົນສົ່ງ, ກະຊວງໂຍທາທິການ ແລະ ຂົນສົ່ງ

แชร์