ທະນາຄານອິນໂດຈີນ ເປີດໂຕ Brand Ambassador “ປ່າເຢັ້ງຊາ ລໍ່ Miss Universe Laos 2022”

ເມື່ອວັນທີ 8 ມີນາ 2023, ທີ່ສຳນັກງານໃຫຍ່ ທະນາຄານອິນໂດຈີນ ນະຄອນຫຼວງວຽງຈັນ ໄດ້ມີພິທີເປີດໂຕ Brand Ambassador ຄົນທຳອິດຂອງທະນາຄານ ເຊິ່ງກໍຄື ປ່າເຢັ້ງຊາ ລໍ່ Miss Universe Laos 2022.

ປ່າເຢັ້ງຊາ ລໍ່ ແມ່ນແມ່ຍິງທີ່ເຕັມໄປດ້ວຍພະລັງແຫ່ງຄວາມດີ ແລະຄວາມຕັ້ງໃຈໃນການຊ່ວຍເຫຼືອສັງຄົມ, ການຕໍ່ສູ້ກັບຄວາມທ້າທາຍ ແລະອຸປະສັກຕ່າງໆ ຈົນກາຍມາເປັນຜູ້ຍິງທີ່ເປັນແບບຢ່າງທີ່ດີໃຫ້ແກ່ເດັກນ້ອຍ, ແມ່ຍິງ ແລະເປັນແຮງບັນດານໃຈໃຫ້ກັບຫຼາຍໆຄົນ.

ທັງນີ້ທະນາຄານອິນໂດຈີນ ເປັນທະນາຄານທີ່ແນ່ໃສ່ການຮັບຜິດຊອບຕໍ່ສັງຄົມພາຍໃຕ້ “ໂຄງການ IB BANK ສານຝັນປັນຮັກ” ທີ່ໄດ້ແນ່ໃສ່ການສົ່ງເສີມບັນດາກິດຈະກຳທີ່ສ້າງສັນ ແລະ ເປັນປະໂຫຍດຕໍ່ສັງຄົມ ເຊັ່ນ: ກິດຈະກຳເພື່ອສຸຂະພາບ, ກິດຈະກຳສົ່ງເສີມຄຸນະພາບດ້ານການສຶກສາ, ເວທີສົ່ງເສີມຄວາມຄິດສ້າງສັນ ຂອງໄວໜຸ່ມ, ວຽກງານສິ່ງແວດລ້ອມ ແລະອີກຫຼາກຫຼາຍໂຄງການ.

ທະນາຄານອິນໂດຈີນລະບຸວ່າການເລືອກເອົາ ປ່າເຢັ້ງຊາ ລໍ່ ມາເປັນ Brand Ambassador ໃນຄັ້ງນີ້ກໍແມ່ນເພື່ອສານຝັນປັນຮັກ ແລະຜູ້ມີຄວາມຫວັງແບ່ງປັນນໍ້າໃຈ ແລະທາງທະນາຄານກໍພ້ອມແລ້ວທີ່ຈະຮ່ວມມືໃນການພັດທະນາສັງຄົມໄປພ້ອມໆກັນ.

แชร์