ເຈົ້າໜ້າທີ່ພາສີຈຸດນາເລົ່າ (ທາງແບ່ງຫຼັກ 20) ຍຶດລົດກະບະ TOYOTA VIGO 2 ຄັນບໍ່ຖືກຕ້ອງ

ໃນວັນທີ 1 ມີນາ 2023 ທີ່ຜ່ານມາ, ເຈົ້າໜ້າທີ່ພາສີ (ພສປ) ປະຈຳຈຸດປະສານງານນາເລົ່າ (ທາງແບ່ງຫຼັກ 20) ໄດ້ຮັບຂໍ້ມູນຈາກແຫຼ່ງຂ່າວພົນລະເມືອງດີມີລົດກະບະ TOYOTA VIGO 4ປະຕູ, ສີຟ້າ 01 ຄັນ, ບໍ່ໃສ່ປ້າຍທະບຽນແລ່ນຢູ່ເສັ້ນທາງເຂດເມືອງໜອງບົກ ແຂວງຄໍາມວ່ນ ແລະໃນເວລາດຽວກັນໄດ້ຮັບແຫຼ່ງຂ່າວມີລົດກະບະ TOYOTA 2ປະຕູແຄບ, ແລ່ນມຸ້ງໜ້າມາແຕ່ທາງເຂດເມືອງປາກກະດິງມາທາງເມືອງຫີນບູນ ແຂວງຄຳມ່ວນ.

ຈຶ່ງໄດ້ອອກຕິດຕາມ ແລະກວດກາ, ຜ່ານການກວດກາສອບຖາມເບື້ອງຕົ້ນເຫັນວ່າ: ເປັນລົດທີ່ນຳເຂົ້າບໍ່ຖືກຕ້ອງ, ບໍ່ມີເອກະສານຢັ້ງຢືນເສຍພາສີ-ອາກອນ ແລະພັນທະອຶ່ນໆ.

ດັ່ງນັ້ນ, ທາງເຈົ້າໜ້າທີ່ພາສີພະແນກສືບສວນ-ສອບສວນ ແລະປາບປາມການລັກລອບໜີພາສີ (ພສປ) ປະຈຳຈຸດປະສານງານນາເລົ່າ (ທາງແບ່ງຫຼັກ 20) ຈຶ່ງໄດນຳເອົາລົດທັງ 02 ຄັນມອບໃຫ້ພາສີ ປະຈໍາແຂວງຄໍາມ່ວນ, ເພື່ອດຳເນີນຕາມຂັ້ນຕອນຂອງກົດໝາຍ ແລະລະບຽບການຕໍ່ໄປ.
-----
cr:ກະຊວງການເງິນ.

แชร์