ຣັດເຊຍ ເປີດໃຊ້ເສັ້ນທາງລົດໄຟ ຍາວທີ່ສຸດໃນໂລກ

ເຈົ້າໜ້າທີ່ຣັດເຊຍ ໃຫ້ຮູ້ວ່ານະຄອນຫຼວງ ມົດສະກູ ຂອງ ຣັດເຊຍ ໄດ້ເປີດໃຊ້ເສັ້ນທາງລົດໄຟ ໃຕ້ດິນສາຍບີ໊ກ ເຊີຣເຄີລ ໄລ ຫລື ບີຊີແອລ (BCL) ທີ່ມີ ຄວາມຍາວ 70 ກິໂລແມັດ ຊຶ່ງເປັນເສັ້ນທາງຍາວທີ່ສຸດໃນໂລກ. ເສັ້ນທາງ ລົດໄຟໃຕ້ດິນນີ້ໄດ້ເລີ່ມກໍ່ສ້າງ ໃນລະຫວ່າງ ປີ 2011-2022.

ສຳນັກຂ່າວຊິນຮວາຂອງ ສປຈີນ ລາຍງານໃນວັນທີ 2 ມີນາວ່າ , ເຈົ້າໜ້າທີ່ຣັດເຊຍ ໃຫ້ຮູ້ວ່ານະຄອນຫລວງມົດສະກູ ຂອງ ຣັດເຊຍ ໄດ້ເປີດໃຊ້ ເສັ້ນທາງລົດໄຟ ໃຕ້ດິນສາຍບີ໊ກ ເຊີຣເຄີລ ໄລ ຫລື ບີຊີແອລ (BCL) ທີ່ມີຄວາມຍາວ 70 ກິໂລແມັດ ຊຶ່ງເປັນເສັ້ນທາງຍາວທີ່ສຸດ ໃນໂລກ. ເສັ້ນທາງລົດໄຟ ໃຕ້ດິນນີ້ໄດ້ເລີ່ມກໍ່ສ້າງໃນລະຫວ່າງ ປີ 2011-2022. ໂດຍເສັ້ນທາງ ໃນໄລຍະທຳອິດເປີດດຳເນີນງານ ໃນປີ 2018, ສ່ວນອີກ 20 ກິໂລແມັດ ຊຶ່ງມີໄລຍະທາງຍາວທີ່ສຸດໃນປະຫວັດສາດ. ລົດໄຟໃຕ້ດິນ ຂອງຣັດເຊຍ ເລີ່ມໃຫ້ບໍລິການໃນເດຶອນທັນວາ ປີ 2021.

ເສັ້ນທາງລົດໄຟໃຕ້ດິນ ສາຍບີຊີແອລ ປະກອບດ້ວຍສະຖານີ 31 ແຫ່ງ ໂດຍມີ 24 ແຫ່ງ ເພື່ອເຮັດໜ້າທີ່ເປັນຈຸດເຊື່ອມຕໍ່ 47 ຈຸດ ໄປຍັງສະຖານີທີ່ມີຢູ່ເດີມ ແລະສະຖານີ ທີ່ຈະເປີດໃຊ້ໃນອະນາຄົດຂອງ ຣັດເຊຍ. ເສັ້ນທາງນີ້ຈະເພີ່ມແຮງຊຸກຍູ້ໃຫ້ແກ່ການພັດທະນາຂອງປະເທດໃນອີກຫລາຍທົດສະວັດ ໃນຕໍ່ໜ້າ ແລະຈະຊ່ວຍຫລຸດ ປະລິມານ ການຈາລະຈອນຕາມຖະໜົນ ຫລາຍເຖິງ 15% ແລະ ຫລຸດຄວາມແອອັດ ໃນທາງລົດໄຟ ໃຕ້ດິນສູງສຸດ 25%.

แชร์