4 ປະເທດອາຊຽນສະໜັບສະໜູນ ໃຊ້ເງິນທ້ອງຖິ່ນ

 ວັນທີ 3 ເມສາທີ່ຜ່ານມາ 4 ປະເທດອາຊຽນສະໜັບສະໜູນໃຊ້ເງິນທ້ອງຖິ່ນເພື່ອຮັບມືກັບພາວະປັ່ນປ່ວນຂອງຄ່າເງິນໃນກຸ່ມປະເທດເສດຖະກິດເກີດໃໝ່ ແລະຫຼຸດການເພີ່ງພາເງິນໂດລາສະຫະລັດ.

ຕາມຂ່າວຕ່າງປະເທດລາຍງານວ່າ ທະນາຄານກາງຂອງໄທ, ອິນ ໂດເນເຊຍ, ມາເລເຊຍ ແລະຟິລິບປິນກຽມລົງນາມສະແດງເຈດຈຳນົງກ່ຽວກັບກອບການເຮັດວຽກການຊໍາລະເງິນສະກຸນເງິນທ້ອງຖິ່ນລະຫວ່າງກອງປະຊຸມຜູ້ວ່າການທະນາຄານກາງຂອງສະມາຄົມປະຊາຊາດ ແຫ່ງອາຊີຕາເວັນອອກສຽງໃຕ້ (ອາຊຽນ) ທີ່ຈັງຫວັດຊຽງໃໝ່ຂອງໄທ ໃນວັນທີ 5 ເມສາ ເພື່ອສົ່ງເສີມການຄ້າ ແລະການລົງທຶນ ຊຶ່ງການໃຊ້ເງິນທ້ອງຖິ່ນໃນບັນດາປະເທດສະມາຊິກອາຊຽນຈະຊ່ວຍປະຢັດຕົ້ນທຶນການເຮັດທຸລະກຳແລກປ່ຽນເງິນຕາຕ່າງປະເທດສຳລັບຂະແໜງທຸລະກິດ ທ່າມກາງຄວາມປັ່ນປ່ວນທີ່ສະກຸນເງິນໃນບັນດາເສດຖະກິດກ້າວໜ້າກຳລັງປະເຊີນ.

ຂະນະທີ່ເສດຖະກິດເກີດໃໝ່ຫຼາຍແຫ່ງກຳລັງປະເຊີນກັບຕະຫຼາດເງິນທີ່ບອບບາງຂຶ້ນແລະລັດທິກີດກັ້ນການຄ້າທີ່ຂະຫຍາຍເປັນວົງກວ້າງເຊັ່ນ ດຽວກັບກະແສເງິນທຶນໄຫຼອອກ.

ນສພ ເສດຖະກິດ-ສັງຄົມ

• 05/04/2019