ກົງຢູຕິດອັນດັບໜຶ່ງນາຍແບບໂຄສະນາທີ່ມີຊື່ສຽງທີ່ສຸດ

ໂດ່ງດັງບໍ່ຢຸດເລີຍສຳລັບພະເອກກົງຢູ (Gong Yoo) ຂອງ ສ ເກົາຫຼີທີ່ຂຶ້ນແທ່ນນາຍແບບໂຄສະນາທີ່ມີສື່ສຽງທີ່ສຸດປະຈຳເດືອນ ມີນາຜ່ານມາ ເຖິງແມ່ນວ່າໃນໄລຍະນີ້ຈະບໍ່ມີຜົນງານຮູບເງົາເໝືອນກັບຄົນອື່ນໆກໍຕາມ.

The Korean Business Research Institute ໄດ້ອອກມາປະກາດລາຍຊື່ຄົນດັງຊາຍທີ່ມີຊື່ສຽງດ້ານການເປັນນາຍແບບ ໂຄສະນາຫຼາຍທີ່ສຸດປະຈຳເດືອນ ມີນາທີ່ຜ່ານມາ  ໂດຍມີການເກັບຜົນ ການສຳຫຼວດມາຕັ້ງແຕ່ວັນທີ 28 ກຸມພາເຖິງ 29 ມີນາ ແລະແນ່ ນອນວ່າກົງຢູ ກໍ່ໄດ້ຄວ້າອັນດັບໜຶ່ງໄປໄດ້ດ້ວຍຄະແນນດັດຊະນີ 1,31 ລ້ານຊຶ່ງເພີ່ມຂຶ້ນເຖິງ 158,28% ຈາກຄະແນນໃນເດືອນກຸມພາຜ່ານມາພ້ອມທັງຍັງມີຍອດການຄົ້ນຫາຫຼາຍທີ່ສຸດ ແລະຍັງໄດ້ຮັບການຕອບຮັບໃນແງ່ດີເຖິງ 85,14% ເລີຍ, ຕໍ່ມາອັນດັບ 2 ເປັນຂອງເຊຟ ແຕ່ງອາຫານຊື່ດັງເບກຈອງວອນ ກໍ່ໄດ້ຄະແນນດັດຊະນີຢູ່ທີ່ 785.214 ສ່ວນອັນດັບ 3 ຄືນັກສະແດງໜຸ່ມ ພັກໂບກອມໄດ້ຄະແນນດັດຊະນີ 684.332 ແລະມີຜົນງານຮູບເງົາ ຫຼ້າສຸດຄືເລື່ອງ Encounter ສ່ວນ ອັນດັບ 4 ທີ່ມີຊື່ສຽງໃນດ້ານນາຍແບບໂຄສະນາປະຈຳເດືອນມີນາຄື ຊົນຮີງມິນ, ອັນດັບ 5 ອິບຢອງຮຸນ, ອັນດັບ 6 ຄັງແດນຽວ, ອັນດັບ 7 ຣະຢູຈຸນຢອນ, ອັນດັບ 8 ຊາຊີງ ວອນ, ອັນດັບ 9 ອີດົງອຸດ ແລະ ອັນດັບ 10 ຢູແຈຊອກ.

 ນສພ ເສດຖະກິດ-ສັງຄົມ

แชร์