ຈັນນະພາ ນັກທຸລະກິດຍິງ ຍຶດຖືອຸດົມການບໍລິຫານທຸລະກິດຄຽງຄູ່ວັດທະນະທຳລາວ

ທ່ານ ນາງຈັນນະພາ ວົງສະໝໍລະພູມ ປະທານບໍລິສັດ ຊີເອັນພີ ຂາອອກ-ຂາເຂົາຈຳກັດ ເປັນນັກທຸລະກິດຍິງລາວທີ່ສູ້ຊົນອົດທົນຜ່ານອຸກປະສັກຫຼາຍຢ່າງເຮັດໃຫ້ປະຈຸບັນເປັນທີ່ຮູ້ຈັກຂອງສັງຄົມໂດຍສະເພາະນັກທຸລະກິດໂດຍເອີ້ນວ່າເປັນຍິງຫົວໃຈເພັດທີ່ເພິ່ນມີອຸດົມການເຮັດທຸລະກິດຄຽງຄູ່ອະນຸລັກຮັກສາວັດທະນາທຳລາວ.

ທ່ານ ນາງຈັນນະພາ ວົງສະໝໍລະພູມ ໃຫ້ສຳພາດນັກຂ່າວເນື່ອງໃນໂອກາດວັນແມ່ຍິງທີ່ຈະມາເຖິງນີ້ພວກເຮົາຮູ້ວ່າ: ເນື່ອງໃນໂອກາດວັນແມ່ຍິງ ແລະວັນສ້າງຕັ້ງພັກຄົບຮອບ 113 ປີ ໃນນາມນັກທຸລະກິດປະທານບໍລິສັດຮູ້ສຶກພາກພູມໃຈທີ່ເກີດເປັນຄົນລາວ ແລະຊ່ວຍປະກອບປະສ່ວນປະເທດໃນປະຈຸບັນບົດບາດຍິງ-ຊາຍໃນສັງຖືວ່າແມ່ນມີຄວາມສາເໝີພາບກັນຫຼາຍກ່ອນເມື່ອກ່ອນນັກທຸລກິດສ່ວນໃຫຍ່ໃນຍຸກປະຈຸບັນຖືແມ່ຍິງເປັນອັດຕາສ່ວນເພີ່ມຂຶ້ນໃນສັງຄົມທັງພາຍໃນ ແລະຕ່າງປະເທດເຮັດໃຫ້ເປັນທີ່ຍ້ອມຮັບທົ່ວໂລກ.

ປະຈຸບັນຍຸກນີ້ເປັນຍຸກໄໝ່ພາຍໃຕ້ການນຳພາຂອງພັກ-ລັດ,ເພີ່ນມີນະໂຍບາຍສູງໃຫ້ສິດສະເໝີພາບຍິງ-ຊາຍບົດບາດຍິງ-ຊາຍ ເທົ່າທຽມກັນໝົດມີໂອກາດເທົ່າທຽມກັນໝົດເຊັ່ນ: ການຮຽນຮູ້, ການເຮັດທຸລະກິດ, ການນຳພາຕ່າງໆແມ່ຍິງສາມາດເປັນຜູ້ນຳພາບໍລິຫານວຽກງານໄດ້ເປັນທີ່ເພິ່ງຂອງອົງກອນໄດ້ ແລະສາມາດສ້າງລາຍໄດ້ເຂົ້າມາລໍ່ລ້ຽງອົງກອນໄດ້ທຸກພາກສ່ວນໃນການບໍລິຫານທຸລະກິດ.

ສຳລັບບໍລິສັດ ຊີເອັນພີ ຂາອອກ-ຂາເຂົາຈຳກັດ ເປັນບໍລິສັດຄຸດຄົ້ນບໍແຮ່ຊຶ່ງຕະຫຼອດໄລຍະຜ່ານມາທາງບໍລິສັດແມ່ນເຮັດທຸລະກິດດ້ວຍຄວາມຊື່ສັດຈິ່ງໃຈຕໍ່ສັງຄົມຊຶ່ງຄຽງຄູ່ກັບການເຮັດທຸລະກິດທາງບໍລິສັດແມ່ນອຸດົມການສ້າງຊ່ວຍພັດທະນາປະເທດຊາດໂດຍສະເພາະ 5 ປີຜ່ານມາທາງບໍລິສັດປະກອບສ່ວນ 2 ໂຄງການ ພັດທະນາ ເຮັດເຮືອນຊົງລາວເດີນທາງຫຼວງໂດຍມີການບູລະນະຕົບແຕ່ງ ແລະເຮັດຫາດດອນຈັນເປັນສະຖານທີ່ທ່ອງທ່ຽວທັງນີ້ກໍ່ເພື່ອເປັນການສ້າງສີສັນປະກອບສ່ວນດຶງດູດນັກທ່ອງທ່ຽວທັງພາຍໃນ ແລະຕ່າງປະເທດເຂົ້າມາທ່ຽວຊົມປະເທດລາວຫຼາຍຂຶ້ນ.

ສະນັ້ນໃນໂອກາດວັນສຳຄັນດັ່ງກ່າວກໍ່ຝາກເຖິງແມ່ຍິງລາວທຸກຄົນເກີດມາແລ້ວຕ້ອງສູ້ຊົນອົດທົນເຂັ້ມມື້ໜຶ່ງກໍ່ຈະປະສົບຄວາມສຳເລັດປະຈຸບັນພັກລັດເພິ່ນກໍ່ເປີດໂອກາດໃຫ້ສະແດງຄວາມຮູ້ຄວາມສາມາດ ຊຶ່ງຕະຫຼອດຜ່ານມາກໍ່ຂອບໃຈພັກ-ລັດທີ່ໃຫ້ການສະໜັບສະໜູນ ແລະເປັນທິດຊີນຳນຳພານັກທຸລະກິດ ແລະປະເທດຊາດມີຄວາມຈະເລີນຮຸ່ງເຮືອງສີວິໄລທ່ານ ນາງ ຈັນນະພາ ວົງສະໝໍລະພູມ ກ່າວ.

ແນວໃດກໍ່ຕາມທິດທາງແຜນການອານາຄົດຕໍ່ໜ້າທາງບໍລິສັດແມ່ນຈະຂະຫຍາຍທຸລະກິດ ອະສັງຫາລິຊັບ ເພື່ອເປີດໂອກາດຄົນທີ່ບໍ່ທັນມີທີ່ຢູ່ອາໄສ່ມີບ່ອນພັກເຊົ່າ.

แชร์