ໂຮງຮຽນວິຣະຖາວອນ ຍັງສາມາດຮັກສາມູນເຊື້ອນັກຮຽນເກ່ງໄວ້ຢ່າງໜຽວແໜ້ນ

ຈາກຜົນສະຫຼຸບການສອບເສັງນັກຮຽນເກ່ງຊັ້ນປະຖົມສຶກສາ (ປ5) ແລະ ມັດທະຍົມສຶກສາຕອນຕົ້ນ (ມ4) ແລະມັດທະຍົມສຶກສາຕອນປາຍ (ມ7) ປະຈໍາສົກຮຽນ 2022-2023 ຂອງຫ້ອງການສຶກສາທິການ ແລະ ກີລາເມືອງ ສີສັດຕະນາກ ນະຄອນຫຼວງວຽງຈັນ (ນວ) ເມື່ອບໍ່ດົນມານີ້ ໃຫ້ຮູ້ວ່າ: ການສອບເສັງນັກຮຽນເກ່ງ ປ5 ມີນັກສອບເສັງເຂົ້າຮ່ວມທັງໝົດ 200 ຄົນ ຍິງ 122 ຄົນ ສອບເສັງໃນ 3 ວິຊາ ຄື: ວິຊາຄະນິດສາດ ພາສາລາວ-ວັນນະຄະດີ ແລະວິຊາໂລກອ້ອມຕົວ ຊັ້ນມ4 ມີນັກສອບເສັງເຂົ້າຮ່ວມສອບທັງໝົດ 138 ຄົນ ຍິງ 99 ຄົນ ແລະ ຊັ້ນມ7 ມີນັກສອບເສັງ 98 ຄົນ ຍິງ 52 ຄົນ ສອບເສັງໃນ 4 ວິຊາ ຄື: ວິຊາຄະນິດສາດ ຟີຊິກສາດ ເຄມີສາດ ແລະວິຊາພາສາລາວ-ວັນນະຄະດີ.

ຜ່ານການສອບເສັງ ຊັ້ນປ5 ວິຊາຄະນະນິດສາດ ອັນດັບທີ1 ໄດ້ແກ່ທ້າວ ໄຊຍະບັນດິດ ສີພັນວົງ ຈາກໂຮງຮຽນປະຖົມກຽດຕິສັກນານາຊາດ ວິຊາພາສາລາວ-ວັນນະຄະດີ ອັນດັບທີ1 ນາງ ພອນທິດາ ມີສີສຸກ ຈາກໂຮງຮຽນປະຖົມ ວິຣະຖາວອນ ແລະວິຊາໂລກອ້ອມຕົວ ອັນດັບທີ1 ນາງ ສຸພາພອນ ວົງມຸນຕີ ຈາກໂຮງຮຽນປະຖົມສະຖາພອນ.

ຊັ້ນມ4 ທັງ 4 ວິຊາ ແມ່ນນັກຮຽນຈາກໂຮງຮຽນມັດທະຍົມສຶກສາຕອນຕົ້ນ ວິຣະຖາວອນ ໄດ້ອັນ ດັບ1 ໄປຄອງ ຄື: ວິຊາຄະນິດສາດ ອັນດັບທີ1 ທ້າວ ວັນນະກອນ ກົມໄຊຊະນະ ວິຊາພາສາລາວ-ວັນນະຄະດີ ອັນດັບທີ1 ນາງ ພອນພິມົນ ວົງອ່ອນຈັນ ວິຊາຄະນິດສາດ ອັນດັບທີ1 ນາງ ສຸດາພອນ ສິຣິພັນທອງ ຈາກໂຮງຮຽນ ມຕົ້ນ ວິຣະຖາວອນ ວິຊາຟີຊິກສາດ ອັນດັບທີ1 ນາງ ສິຣິມະນີ ໄຊຍະເວດ ເຊິ່ງທັງໝົດ ແມ່ນມາຈາກໂຮງຮຽນ ມຕົ້ນ ວິຣະຖາວອນ.

ສຳລັບຊັ້ນມ7 ວິຊາຄະນະນິດສາດ ອັນດັບທີ1 ນາງ ວານິດາ ທິລາດ ຈາກໂຮງຮຽນ ມປາຍ ສີສັດຕະນາກວິຊາ ພາສາລາວ-ວັນນະຄະດີ ອັນດັບທີ1 ນາງ ພອນທິດາ ອິນສີຊຽງໃໝ່ ແລະ ວິຊາເຄມີສາດ ອັນດັບທີ1 ນາງ ແສງຈັນ ວົງພັນທອງ ເຊິ່ງທັງສອງແມ່ນມາຈາກໂຮງຮຽນ ມສ ວິຣະຖາວອນຈາກໂຮງຮຽນ ມສ ວິຣະຖາວອນ ແລະວິຊາຟີຊິກສາດ ອັນດັບທີ1 ສະມາເນນ ໜູແກ້ວ ເທບລາພົງ ຈາກໂຮງຮຽນ ມປາຍ ສົງໂສກປ່າຫຼວງ.

แชร์