ເມືອງວຽງທອງ ຍັງມີຄອບຄົວທຸກຍາກ 468 ຄອບຄົວ

ໃນປີ 2022 ເມືອງວຽງທອງແຂວງບໍລິຄຳໄຊສາມາດແກ້ໄຂຄວາມທຸກຍາກຂອງປະຊາຊົນໄດ້ 160 ຄອບຄົວ, ເຮັດໃຫ້ຄອບຄົວພົ້ນທຸກທັງໝົດ 4.800 ກວ່າຄອບຄົວເທົ່າກັບ 91,27%, ມາຮອດປັດຈຸບັນທົ່ວເມືອງມີບ້ານພົ້ນທຸກ 25 ບ້ານໃນ 34 ບ້ານທົ່ວເມືອງ.

ທ່ານ ໄຊພອນ ວ່າເຊັ່ງວື່ ຮອງຫົວໜ້າຫ້ອງວ່າການເມືອງວຽງທອງລາຍງານຕໍ່ກອງປະຊຸມສະຫຼຸບຕີລາຄາຄືນວຽກງານກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ ແລະ ວຽກງ 3 ສ້າງຕິດພັນກັບຂະບວນການແຂ່ງຂັນຮັກຊາດພັດທະນາປະຈຳປີ 2022 ທົ່ວເມືອງວຽງທອງ ໃນວັນທີ 20ກຸມພາ ນີ້ ໃຫ້ຮູ້ວ່າ: ທົ່ວເມືອງມີ 34 ບ້ານ,ມີພົນລະເມືອງທັງໝົດ32.448 ຄົນຍິງ 15.844 ຄົນ ມີຄອບຄົວພົ້ນທຸກທັງໝົດ 4.898 ຄອບຄົວເທົ່າກັບ 91,27%.

ໃນປີ 2022 ແກ້ໄຂຄອບຄົວທຸກຍາກໄດ້ 160 ຄອບຄົວ, ຄອບຄົວທຸກຍາກຍັງເຫຼືອ 468 ຄອບຄົວ ເທົ່າກັບ 8,72%, ປັດຈຸບັນມີບ້ານພົ້ນທຸກທັງໝົດ 25 ບ້ານ ເທົ່າກັບ 73,52%, ບ້ານທຸກຍາກຍັງເຫຼືອ 9 ບ້ານ ເທົ່າກັບ 26,47%,ມີຄອບຄົວພັດທະນາທັງໝົດ 4.423 ຄອບຄົວເທົ່າກັບ 82,42%,ສ້າງຄອບຄົວພັດທະນາໄດ້ 150 ຄອບຄົວ ແລະ ສ້າງບ້ານພັດທະນາໄດ້ 13 ບ້ານ ເທົ່າກັບ 38,23% ຍັງ 21 ບ້ານ; ບ້ານທີ່ບັນລຸຕາມມາດຖານເງື່ອນໄຂບ້ານພັດທະນາ ມີ 5 ບ້ານ ຄື: ບ້ານກົກຂາມ, ບ້ານທ່າແພ, ບ້ານເມືອງມ່ວນ, ບ້ານໂພນເມືອງ ແລະ ບ້ານວັງຫີນ,ປະເມີນບ້ານຈອມທອງເປັນສີສັນຕົວເມືອງນ້ອຍໃນຊົນນະບົດ ຕາມດຳລັດ 348/ລບ ບັນລຸແລ້ວ 15 ມາດຕະຖານ, ຍັງ 1 ມາດຖານຄືມາດຖານທີ 10 ລະບົບນໍ້າປະປາຊຸມຊົນ, ໄດ້ປະກາດບ້ານປ້ອງກັນຊາດເຂັ້ມແຂງທັງໝົດ 34 ບ້ານ ເທົ່າກັບ 100%, ປະກາດຮັບຮອງບ້ານວັດທະນະທຳ 2 ບ້ານຄື: ບ້ານນາຕັນ ແລະບ້ານໄຊບົວທອງ, ບ້ານວັດທະນະທໍາທົ່ວເມືອງທັງໝົດ 27 ບ້ານ ເທົ່າກັບ 79,41%.

ສຳເລັດການດຳເນີນກອງປະຊຸມໃຫຍ່ຄະນະພັກຮາກຖານ, ໜ່ວຍຮາກຖານ 25 ໜ່ວຍ ໃນຈຳນວນ 52 ໜ່ວຍ ທີ່ຂຶ້ນກັບອົງຄະນະພັກເມືອງ.
ຂ່າວ-ພາບ: ສາຍສະໝອນ

แชร์