ສະມາດໂຟນໜ້າຈໍພັບໄດ້ຈະມີລາຄາຖືກ ກວ່າເຮືອທຸງ

ຫົວເຫວີຍ (Huawei) ເປີດໂຕ Huawei Mate X ສະມາດໂຟນຈໍພັບໄດ້ເປັນອັນດັບຕົ້ນ ຂອງໂລກແຕ່ກໍມາພ້ອມກັບລາຄາ ທີ່ສູງເຖິງ 2.300  ເອີໂຣແນ່ນອນ ວ່າລາຄາລະດັບນີ້ບໍ່ແມ່ນລາຄາທີ່ຄົນທົ່ວໄປຈະສາມາດເຂົ້າເຖິງໄດ້ຢ່າງແນ່ນອນ.

CEO ຂອງ Huawei Mobile, Richard Yu ເຊື່ອວ່າການທີ່ບໍລິສັດເປີດໂຕສະມາດໂຟນພັບໄດ້ຄືດັ່ງ Huawei Mate X ຈະ ສົ່ງຜົນຕໍ່ວົງການສະມາດໂຟນຢ່າງ ແນ່ນອນ ແລະເຊື່ອວ່າຫຼາຍບໍລິສັດ ກໍຈະເລີ່ມລອກລຽນແບບ Huawei, ຢ່າງໃດກໍຕາມເນື່ອງຈາກສະມາດໂຟນພັບໜ້າຈໍໄດ້ຍັງເປັນເຕັກ ໂນໂລຊີໃໝ່ເຮັດໃຫ້ລາຄານັ້ນສູງ ເປັນທຳມະດາຄືດັ່ງ Huawei Mate X  ກໍມີລາຄາສູງເຖິງ 2.300 ເອີໂຣ ເຖິງແມ່ນວ່າໄລຍະທຳອິດ ສະມາດໂຟນໜ້າຈໍພັບໄດ້ຈະຍັງບໍ່ສາມາດເຂົ້າເຖິງຜູ້ໃຊ້ງານທຸກຄົນໄດ້ແຕ່ Huawei ເຊື່ອວ່າເມື່ອສະມາດໂຟນໜ້າຈໍພັບໄດ້ໄດ້ຮັບຄວາມນິຍົມຫຼາຍຂຶ້ນລາຄານີ້ກໍຈະເລີ່ມຖືກ ລົງຕາມກົນໄກຕະຫຼາດຈະສາມາດ ຫຼຸດລົງເຫຼືອ 1.000 ເອີໂຣ ແລະອາດຈະຫຼຸດລົງເຫຼືອ 500 ເອີໂຣກໍ ເປັນໄດ້ແຕ່ທັງນີ້ກໍຂຶ້ນຢູ່ກັບຄວາມຕ້ອງການຂອງຕະຫຼາດແລະການພັດທະນາເຕັກໂນໂລຊີເປັນປັດໄຈ ສຳຄັນນອກຈາກນີ້ Yu ຍັງມີການ ກ່າວເຖິງ Apple ວ່າຈະຍັງບໍ່ເປີດ ໂຕສະມາດໂຟນໜ້າຈໍພັບໄດ້ໃນປີນີ້ຢ່າງແນ່ນອນຫຼືແມ່ນແຕ່ປີໜ້າກໍຍັງຍາກຢູ່.

Yu ກ່າວຕື່ມວ່າສະມາດໂຟນໃນອະນາຄົດຂອງ Huawei ຈະມີການພັດທະນາຢ່າງຕໍ່ເນື່ອງບໍ່ວ່າຈະເປັນກ້ອງທີ່ດີຂຶ້ນແບັດເຕີຣີທີ່ໃຊ້ໄດ້ດົນແລະສາກໄຟໄດ້ໄວລວມ ທັງ AI ທີ່ຈະເຂົ້າມາມີບົດບາດ ຫຼາຍຂຶ້ນກວ່າທຸກມື້ນີ້.

ນສພ ເສດຖະກິດ-ສັງຄົມ

แชร์