ຮົງກົງ ກຽມແຈກປີ້ຍົນ 500.000 ໃບ ດຶງດູດການທ່ອງທ່ຽວທົ່ວໂລກ

ຮົງກົງ ກຽມປີ້ຍົນແບບບໍ່ເສຍຄ່າ ມາແຈກຢາຍ ໃຫ້ນັກທ່ອງທ່ຽວທົ່ວໂລກ ຈຳນວນ 500.000 ໃບ ເພື່ອດຶງດູດ ນັກທ່ອງທ່ຽວ, ນັກເດີນທາງເພື່ອທຸລະກິດ ແລະນັກລົງທຶນ ຈາກທົ່ວໂລກ.

ສຳນັກຂ່າວ ຊິນຮວາຂອງ ສປ ຈີນລາຍງານ ເມື່ອບໍ່ດົນມານີ້ວ່າ ທ່ານ ຈອນ ລີ (John Lee), ຫົວໜ້າຄະນະ ຜູ້ບໍລິຫານ ເຂດບໍລິຫານພິເສດ ຮົງກົງ ຂອງ ສປ ຈີນປະກາດ ເປີດປະຕິບັດ ໂຄງການ“ສະບາຍດີ ຮົງກົງ” (Hello Hong Kong), ໂດຍກຽມປີ້ຍົນ ແບບບໍ່ເສຍຄ່າ ມາແຈກຢາຍ ໃຫ້ນັກທ່ອງທ່ຽວທົ່ວໂລກ ຈຳນວນ 500.000 ໃບ ເພື່ອດຶງດູດ ນັກທ່ອງທ່ຽວ, ນັກເດີນທາງ ເພື່ອທຸລະກິດ ແລະນັກລົງທຶນ ຈາກທົ່ວໂລກ. ນອກນີ້ຍັງມີນະໂຍບາຍອີກຫລາຍຢ່າງທີ່ເອື້ອຍອຳນວຍການເດີນທາງມາ ຮົງກົງ ສະດວກສະບາຍ ຍິ່ງຂຶ້ນ.

ຂະນະດຽວກັນ ເຈົ້າໜ້າທີ່ທາງການ ຮົງກົງ ກຽມຈັດກິດຈະກຳ ຂະໜາດໃຫຍ່ ແລະງານວາງສະແດງສິນຄ້າຂະໜາດໃຫຍ່ໃຫ້ຫລາຍຂຶ້ນເພື່ອກະຕຸ້ນອຸດສາຫະກຳລວມທັງການຈັດກອງປະຊຸມອົງການການທ່ອງທ່ຽວ, ຈັດກອງປະຊຸມສາກົນ ແລະ ງານວາງສະແດງສິນຄ້າໂດຍຊຸມຊົນທຸລະກິດ ແລະກຸ່ມວິຊາຊິບຈະສາມາດຕິດຕໍ່ກັບຫລາຍພື້ນທີ່ ທົ່ວໂລກ ແລະກິດຈະກຳອື່ນໆອີກ.

• 17/02/2023