ປະກາດການຍົກຍ້າຍ-ແຕ່ງຕັ້ງຫົວໜ້າຫ້ອງ ແລະຮອງກົມ

ໃນວັນທີ 16 ກຸມພາ 2023 ກົມໃຫຍ່ການເມືອງປ້ອງກັນຄວາມສະຫງົບຈັດພິທີປະກາດການຍົກຍ້າຍ-ແຕ່ງຕັ້ງຫົວໜ້າຫ້ອງ ແລະຮອງກົມ ທີ່ຂຶ້ນກັບກົມໃຫຍ່ການເມືອງ ປກສ ໂດຍມີທ່ານ ພົນຕີ ວັນທອງ ກອງມະນີ ກຳມະການສູນກາງພັກ ຮອງລັດຖະມົນຕີ ຫົວໜ້າກົມໃຫຍ່ການເມືອງ ປກສ ບັນດາຄະນະພັກ-ຄະນະກົມໃຫຍ່ ກົມກອງອ້ອມຂ້າງກົມໃຫຍ່ ແລະ ນາຍຕຳຫຼວດ ທີ່ໄດ້ຮັບການແຕ່ງຕັ້ງ.

ທ່ານ ພັນເອກ ວັນໄຊ ຈັນທະສຸກ ຮອງຫົວໜ້າກົມພະນັກງານກົມໃຫຍ່ການເມືອງ ປກສ ຜ່ານຂໍ້ຕົກລົງຂອງລັດຖະມົນຕີກະຊວງ ປກສ ວ່າດ້ວຍການຍົກຍ້າຍ-ການແຕ່ງຕັ້ງນາຍຕຳຫຼວດ ທີ່ຂຶ້ນກັບກົມໃຫຍ່ການເມືອງ ປກສ ໃນນີ້ ໄດ້ປະກາດຍົກຍ້າຍ ແລະ ແຕ່ງຕັ້ງ ທ່ານ ພັນເອກ ວັນນະເລດ ບຸດຕະວົງ ຈາກຫ້ອງກຳມະບານ ໄປຮັບໜ້າທີ່ໃໝ່ ເປັນຫົວໜ້າຫ້ອງການເມືອງ ທ່ານ ພັນໂທ ຄຳຫຼ້າ ອິນທະວົງ ຈາກຫ້ອງກຳມະບານ ໄປຮັບໜ້າທີ່ໃໝ່ ເປັນຮອງຫົວໜ້າກົມນະໂຍບາຍ ທ່ານ ພັນໂທ ນາງ ນວນ ເທບພະວົງ ຈາກຫ້ອງການເມືອງ ໄປຮັບໜ້າທີ່ໃໝ່ ເປັນຫົວໜ້າຫ້ອງກຳມະບານ ທ່ານ ພັນໂທ ບຸນທະວີ ວົງສູນທອນ ຈາກກົມນະໂຍບາຍໄປຮັບໜ້າທີ່ໃໝ່ ເປັນຮອງຫົວໜ້າຫ້ອງກຳມະບານ ທ່ານ ພັນໂທ ພາແກ້ວ ວິພົນຮຽນ ຈາກຫ້ອງການ ກົມໃຫຍ່ການເມືອງ ໄປຮັບໜ້າທີ່ໃໝ່ ເປັນຮອງຫົວໜ້າອຳນວຍການໂຮງຮຽນວັດທະນະທຳຫຼັກ 67 ແຕ່ງຕັ້ງທ່ານ ພັນເອກ ວຽງໄຊ ທຳມະສິດ ເປັນຫົວໜ້າຫ້ອງການກົມໃຫຍ່ການເມືອງ ທ່ານ ພັນໂທ ແສງດາວ ວິຜາສຸກ ເປັນຫົວໜ້າສູນຮັບຕ້ອນ ແລະ ເຝິກອົບຮົມວິຊາສະເພາະສ່ວນຫົວໜ້າ ແລະຮອງທີ່ມີຢູ່ແລ້ວໃຫ້ຮັກສາໄວ້ຄືເກົ່າ.
ແຫຼ່ງຂ່າວຈາກ: ປສກ

• 16/02/2023