ປະກາດ 2 ບ້ານ ກຸ່ມເວີນຄໍາ ເປັນບ້ານວັດທະນະທໍາ

ພະແນກຖະແຫຼງຂ່າວວັດທະນະທໍາ ແລະທ່ອງທ່ຽວນະຄອນ ຫຼວງວຽງຈັນ (ຖວທ ນວ) ຈັດພິ ທີປະກາດຮັບຮອງເອົາບ້ານໂພນໄຊແລະບ້ານໂພນງາມກຸ່ມເວີນຄໍາເມືອງໄຊທານີເປັນບ້ານວັດທະນະທໍາທີ 86,87 ຂອງເມືອງ ແລະທີ 462,463 ຂອງນະຄອນຫຼວງ ວຽງຈັນ. ພິທີດັ່ງກ່າວຈັດຂຶ້ນທີ່ ບ້ານໂພນງາມ ໂດຍການເຂົ້າຮ່ວມຂອງທ່ານ ພອນຈັນ ແພງພູວັນຮອງພະແນກຖະແຫຼງຂ່າວວັດທະນະທໍາ ແລະທ່ອງທ່ຽວ ນວ, ມີຮອງເຈົ້າເມືອງໄຊທານີພ້ອມດ້ວຍຫົວໜ້າຫ້ອງການ, ແຂກຖືກເຊີນອໍາ ນາດການປົກຄອງພະນັກງານຄູ-ອາຈານພໍ່ແມ່ປະຊາຊົນ ແລະນັກຮຽນເຂົ້າຮ່ວມ.

ທ່ານ ນາງ ອານັນທິດາ ຊົງຈັກ ສິນເລຂາຄະນະພັກຮາກຖານກຸ່ມ ເວີນຄໍາໃຫ້ຮູ້ວ່າ: ກຸ່ມເວີນຄໍາເມືອງ ໄຊທານີ ປະກອບມີ 7 ບ້ານຄື: ບ້ານເວີນຄໍາ, ຈະເລີນໄຊ, ສາມສະອາດ, ໂພນໄຊ, ໂພນງາມ, ໜອງເຂັມ ແລະ ບ້ານໜອງໂນ, ຊຶ່ງໃນໄລຍະຜ່ານ ມາໄດ້ປະກາດໄປແລ້ວ 3 ບ້ານ. ສໍາລັບບ້ານໂພນໄຊ ແມ່ນມີເນື້ອທີ່ທັງ ໝົດ 567 ເຮັກຕາ, ມີ 649 ຄອບຄົວ, 698 ຫຼັງຄາເຮືອນ, ມີພົນລະເມືອງ 4.355 ຄົນ ໃນນີ້ອາຊີບ ທໍາການຜະລິດຈໍານວນ 60%, ຫັດຖະກໍາ 20%, ຄ້າຂາຍ 10% ແລະ ພະນັກງານ 10%, ຖືສາສະໜາພຸດແກມຜີ  50%; ສ່ວນບ້ານໂພນງາມມີເນື້ອທີ່ທັງໝົດ 570 ເຮັກຕາ, ມີ 201 ຄອບຄົວ, ມີ 217 ຫຼັງຄາ ເຮືອນມີພົນລະເມືອງ 1.252 ຄົນ ໃນນີ້ອາຊີບຕົ້ນຕໍຂອງປະຊາຊົນ ແມ່ນເຮັດນາ, ຖືສາສະໜາພຸດ 80%.

ຈາກນັ້ນທ່ານ ບົນລີ ແກ້ວມະ ນີວັນ ຫົວໜ້າຫ້ອງການ ຖວທ ເມືອງໄຊທານີ ໄດ້ຜ່ານຂໍ້ຕົກລົງ ການຮັບຮອງເອົາບ້ານໂພນໄຊ ແລະບ້ານໂພນງາມກຸ່ມເວີນຄໍາເປັນບ້ານວັດທະນະທໍາ, ຊຶ່ງຜົນການປະເມີນ ແມ່ນອີງໃສ່ 5 ມາດຖານ ແລະ5 ບາດກ້າວທີ່ກໍານົດໄວ້ຄື:  ໃນ 2 ບ້ານມີທັງໝົດ 850 ຄອບຄົວ ຊຶ່ງເປັນ ຄອບຄົວທີ່ໄດ້ຮັບຢັ້ງຢືນຄອບຄົວວັດທະນະທໍາແລ້ວຈໍານວນ 753 ຄອບຄົວ  ເທົ່າກັບ 88,58%  ໃນນັ້ນ ບ້ານໂພນໄຊມີ  649  ຄອບຄົວ ໄດ້ ຮັບຢັ້ງຢືນຄອບຄົວວັດທະນະທໍາ 557 ຄອບຄົວ ເທົ່າກັບ 85,82% ແລະບ້ານໂພນງາມ ມີ 201 ຄອບຄົວໄດ້ຮັບຢັ້ງຢືນຄອບຄົວວັດທະນະທໍາ 196 ຄອບຄົວ ເທົ່າກັບ 97,51% ພ້ອມນີ້ປະຊາຊົນຍັງມີການຮັກສາ ແລະສົ່ງເສີມມູນເຊື້ອວັດທະນະທໍາຮີດຄອງປະເພນີອັນດີງານຂອງ ທ້ອງຖິ່ນ ແລະຂອງບັນດາເຜົ່າ, ການພັດທະນາພື້ນຖານການຜະລິດ ແກ້ໄຂຊີວິດການເປັນຢູ່ຂອງປະຊາຊົນເຫັນວ່າມີການຂະຫຍາຍຕົວໄວວາ, ລະບົບການຈັດຕັ້ງຂັ້ນບ້ານໄດ້ ຮັບການປັບປຸງໃຫ້ໜັກແໜ້ນ ແລະຄົບຊຸດມີໜ່ວຍພັກແຂງຮູ້ນໍາພາຮອບລ້ານເປັນຜູ້ຊີ້ນໍາ ແລະບັນດາ ເງືຶ່ອນໄຂອື່ນໆອີກ.

ດ້ວຍເຫດຜົນດັ່ງກ່າວບ້ານໂພນໄຊ ແລະບ້ານໂພນງາມກຸ່ມເວີນຄໍາເມືອງໄຊທານີຈຶ່ງຖືກຮັບຮອງເປັນ ບ້ານວັດທະນະທໍາທີ 86 ແລະ87 ຂອງເມືອງໄຊທານີ ແລະບ້ານທີ 462, 463 ຂອງນະຄອນຫຼວງ ວຽງຈັນ.

ນສພ ເສດຖະກິດ-ສັງຄົມ

แชร์