ສະຫຼຸບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ອົງການໄອຍະການປະຊາຊົນ

ໃນວັນທີ 14 ກຸມພາ 2023 ຢູ່ ໂຮງແຮມແລນມາກ ແມ່ຂອງລີເວີຊາຍ (Land Mark Mekong reverside)ໄດ້ມີ ກອງປະຊຸມສະຫຼຸບການຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງອົງການໄອຍະການປະຊາຊົນ , ໂດຍພາຍໃຕ້ການເປັນປະທານຂອງ ທ່ານ ໄຊຊະນະ ໂຄດພູທອນ ກໍາມະການສູນກາງພັກ ເລຂາຄະນະບໍລິຫານງານພັກ ຫົວໜ້າອົງການໄອຍະການປະຊາຊົນສູງສຸດ(ອອປສ), ມີບັນດາທ່ານ ຮອງຫົວໜ້າ ອອປສ, ຫົວໜ້າອົງການໄອຍະການທະຫານຂັ້ນສູງ, ຄະນະນຳຫ້ອງການ, ສະຖາບັນຄົ້ນຄວ້າ ແລະ ຝຶກອົບຮົມໄອຍະການ, ອົງການໄອຍະການປະຊາຊົນ ພາກ, ແຂວງ, ນະຄອນຫຼວງວຽງຈັນ, ເຂດ ແລະ ພະນັກງານໄອຍະການປະຊາຊົນຂັ້ນ I ທົ່ວປະເທດ ເຂົ້າຮ່ວມ.

ໃນວາລະຂອງກອງປະຊຸມ ທ່ານ ຄຳເພັດ ສົມວໍລະຈິດ ຄະນະປະຈໍາພັກ ຮອງຫົວໜ້າອົງການໄອຍະການປະຊາຊົນສູງສຸດ ໄດ້ຂຶ້ນຜ່ານສະຫຼຸບຕີລາຄາການຈັດຕັ້ງຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຂອງອົງການໄອຍະການປະຊາຊົນ ໂດຍຍົກໃຫ້ເຫັນຜົນສໍາເລັດ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ທິດທາງໃນຕໍ່ ໜ້າ ພ້ອມທັງ ໄດ້ພ້ອມກັນປະກອບຄຳເຫັນ ດ້ວຍເນື້ອໃນເລິກເຊິ່ງ.

ໃນໂອກາດດັ່ງກ່າວ ທ່ານ ໄຊຊະນະ ໂຄດພູທອນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດ ແລະ ໃຫ້ທິດຊີ້ນຳວ່າ ວາລະແຫ່ງຊາດດັ່ງກ່າວ ແມ່ນວຽກງານໜຶ່ງທີ່ມີຄວາມໝາຍຄວາມສຳຄັນ ຊຶ່ງພັກ- ລັດ, ສະພາແຫ່ງຊາດ, ລັດຖະບານ ກໍຄືອົງການໄອຍະການປະຊາຊົນສູງສຸດ ໃຫ້ຄວາມສຳຄັນ ແລະ ຕ້ອງສຸມທຸກກຳລັງແຮງ ໃນການຈັດຕັ້ງປະຕິບັດໃຫ້ມີຜົນສຳເລັດ. ພາຍຫຼັງ ມີຄໍາສັ່ງຂອງກົມການເມືອງສູນກາງພັກ ແລະ ສະພາແຫ່ງຊາດຮັບຮອງເອົາວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຢູ່ໃນກອງປະຊຸມສະໄໝວິສາມັນເທື່ອທີ 1 ຂອງສະພາແຫ່ງຊາດ ຊຸດທີ IX ສະບັບເລກທີ 04/ສພຊ, ລົງວັນທີ 10 ສິງຫາ 2021 ແລະ ທ່ານນາຍົກລັດຖະມົນຕີໄດ້ອອກຄໍາສັ່ງ ສະບັບເລກທີ 19/ນຍ, ລົງວັນທີ 4 ຕຸລາ 2021 ກ່ຽວກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ອົງການໄອຍະການປະຊາຊົນສູງສຸດ ກໍໄດ້ຮີບຮ້ອນຈັດຕັ້ງຜັນຂະຫຍາຍວາລະແຫ່ງຊາດດັ່ງກ່າວ ເຂົ້າໃນວຽກງານໄອຍະການປະຊາຊົນ ຕັ້ງແຕ່ຫົວທີ ໂດຍໄດ້ແຕ່ງຄະນະຮັບຜິດຊອບ, ສ້າງໂຄງການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດຂອງ ອົງການໄອຍະການປະຊາຊົນ ແຕ່ປີ 2021-2023, ສະບັບເລກທີ 024/ອອປສ, ລົງວັນທີ 28 ທັນວາ 2021 ຊຶ່ງຜ່ານການຈັດຕັ້ງປະຕິບັດຕົວຈິງ ອົງການໄອຍະການປະຊາຊົນ ສາມາດຍາດໄດ້ຜົນສໍາເລັດຫຼາຍດ້ານ ເພື່ອເຮັດໃຫ້ວາລະແຫ່ງຊາດດັ່ງກ່າວສຶບຕໍ່ໄດ້ຮ່ວມຈັດຕັ້ງປະຕິບັດຢ່າງມີປະສິດທິຜົນ,

ໃນຕໍ່ໜ້ານີ້ ຕ້ອງສືບຕໍ່ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ຕາມໂຄງການທີ່ອົງການໄອຍະການປະຊາຊົນສູງສຸດ ໄດ້ວາງອອກໃຫ້ສໍາເລັດຕາມແຜນການທີ່ວາງໄວ້ ເປັນຕົ້ນແມ່ນການຈັດຕັ້ງປະຕິບັດ 5 ໂຄງການ ແລະ 18 ກິດຈະກໍາໃຫ້ສໍາເລັດແຕ່ປີ 2021-2023; ສືບຕໍ່ສ້າງຄວາມເຂັ້ມແຂງໃຫ້ແກ່ພະນັກງານໄອຍະການປະຊາຊົນ ສືບຕໍ່ການສ້າງກົນໄກປະສານງານ ລະຫວ່າງ ອົງການໄອຍະການປະຊາຊົນທ້ອງຖິ່ນ ກັບອົງການສືບສວນ-ສອບສວນ ແລະ ສານປະຊາຊົນ, ປັບປຸງ ແລະ ສ້າງນິຕິກໍາໃຕ້ກົດໝາຍເພີ່ມທະວີວຽກງານພົວພັນຮ່ວມມືກັບ

แชร์