ໂຮງຮຽນແສງສະໄໝ ຈັດກິດຈະກຳງານ ສະແດງວິທະຍາສາດ

ວັນທີ 30 ມີນາ 2019 ໂຮງຮຽນອະນຸບານ, ປະຖົມ ແລະ ມັດທະຍົມຕອນຕົ້ນແສງສະໄໝໄດ້ຈັດກິດຈະກຳງານສະແດງວິທະຍາສາດ ໂດຍການເຂົ້າຮ່ວມຂອງທ່ານ ຄຳສິງ ດວງດາລາຫົວໜ້າຫ້ອງ ການສຶກສາທິການ ແລະກີລາເມືອງ ສີສັດຕະນາກ, ທ່ານ ແສງສະໄໝປະທານໂຮງຮຽນແສງສະໄໝ, ທ່ານນາງ ວຽງໄຊ ພິມມະແສງ ອຳນວຍການໂຮງຮຽນແສງສະ ໄໝບັນດາຄູອາຈານ, ຜູ້ປົກຄອງ ແລະນ້ອງນັກຮຽນເຂົ້າຮ່ວມຢ່າງ ຄຶກຄື້ນ.

ທ່ານ ນາງ ວຽງໄຊ ພິມມະ ແສງ ໄດ້ກ່າວວ່າ: ຈຸດປະສົງການຈັດງານຄັ້ງນີ້ກໍ່ເພື່ອໃຫ້ນ້ອງນັກ ຮຽນໄດ້ຮູ້ຈັກຄວາມໝາຍຄວາມສຳຄັນກ່ຽວກັບທາງດ້ານວິທະຍາ ສາດ, ຮູ້ຈັກທິດສະທິດລວມທັງໄປຫາພາກປະຕິບັດຕົວຈິງພ້ອມກັນນັ້ນກໍ່ເປັນການສ້າງປຸກຈິດສຳນຶກໃຫ້ນັກຮຽນໃຊ້ເວລາວ່າງໃຫ້ ເປັນປະໂຫຍດເພື່ອໃຫ້ຜູ້ປົກຄອງ ເຫັນຄວາມສຳຄັນໃນການສ້າງຊັບ ພະກອນມະນຸດ ຄ່ຽງຄູ່ກັນນັ້ນຍັງ ໄດ້ກ້າສະແດງຄວາມຮູ້ສາມາດຂອງຕົນທີ່ໄດ້ປະດິດເຄື່ອງຕ່າງທີ່ ປະດິດຂຶ້ນມາໃຫ້ຮູ້ວິທີການທົດສອບຕະຫຼອດຮອດການສະແດງອື່ນໆ.

ພາຍໃນງານຈະມີຫ້ອງວາງສະ ແດງທັງໝົດມີ 13 ຫ້ອງໃນນັ້ນຈະ ມີຫ້ອງພູມສາດ, ຄະນິດສາດ, ຟີຊິກ ສາດ, ເຄມີສາດ, ເຄື່ອງອຸປະກອນຫັດຖະກຳ, ສີລະປະກຳອື່ນທີ່ເປັນ ເຄື່ອງຈຳລອງວິທະຍາສາດທີ່ປະດິດຂຶ້ນຈາກນ້ອງນັກຮຽນນັ້ນເອງ ນອກນັ້ນຍັງມີກິດຈະກຳການສະ ແດງສິລະປະບົດຟ້ອນ, ຮ້ອງເພງ, ເດີນແບບ, ກິດຈະກຳມອບຂອງຂວັນລາງວັນຕ່າງໆໃຫ້ນ້ອງນັກຮຽນ.

ໂດຍ: ແພງຕາ

• 05/04/2019