ສົ່ງແຮງງານລາວ 80 ຄົນໄປເຮັດວຽກຕາມລະດູການທີ່ເມືອງເມຍຢ່າງ ແລະຊັງຈອງ ສ. ເກົາຫຼີ

ໃນລະຫວ່າງວັນທີ 8 – 9 ກຸມພາ 2023 ທີ່ສະໜາມບິນວັດໄຕ, ນະຄອນຫຼວງວຽງຈັນ ກົມການຈັດຫາງານ ກະຊວງແຮງງານ ແລະສະຫວັດດີການສັງຄົມ ໄດ້ຈັດສົ່ງແຮງງານລາວ ໄປເຮັດວຽກລະດູການ ທີ່ເມືອງເມຍຢ່າງ ແລະເມືອງຊັງຈອງ, ສ.ເກົາຫຼີ ຈໍານວນ 80 ຄົນ ຊຶ່ງໄດ້ຈັດສົ່ງເປັນ ສອງວັນ ຄື: ວັນທີ 8 ກຸມມພາ 2023 ຈໍານວນ 47 ຄົນ ແລະວັນທີ 9 ກຸມພາ 2023 ຈໍານວນ 33 ຄົນ.

ເຊື້ອໜັ້ນວ່າແຮງງານລາວທຸກຄົນຈະພ້ອມກັນຍົກສູງນໍ້າໃຈຮັກຊາດ, ຮັກບ້ານເກີດເມືອງນອນມີຄວາມອົດທົນມີຄວາມດຸຫມັ່ນຂະຫຍັນພຽນມີລະບຽບວິໄນການເຮັດວຽກດີ ອົດທົນຕັ້ງໃຈເຮັດວຽກຕາມໜ້າທີ່, ພາລະບົດບາດທີ່ຕົນໄດ້ຖືກມອບໝາຍໃຫ້ສຳເລັດຕາມກຳນົດເວລາ ແລະ ຮໍ່າຮຽນຝຶກຝົນທັກສະນຳເອົາທັກສະ, ບົດຮຽນປະສົບການ ເຕັກນິກວິຊາການທີ່ທັນສະໄຫມຂອງປະເທດ ສ. ເກົາຫຼີ ເພື່ອນໍາເງິນມາແກ້ໄຂຊີວິດການເປັນຢູ່ຄອບຄົວ ແລະ ພັດທະນາປະເທດຊາດເຮົາ, ພ້ອມທັງເອົາໃຈໃສ່ປະຕິບັດລະບຽບວິໄນຂອງປະເທດ ສ. ເກົາຫຼີ ຫຼີກລ່ຽງຈາກກຸ່ມຄົນທີ່ບໍ່ດີ.

ຖ້າມີບັນຫາໃດກໍປະສານຕິດຕໍ່ຫາກົມຈັດຫາງານເພື່ອຫາວິທີແກ້ໄຂໃຫ້ຫັນເວລາເພື່ອຮັບປະກັນສິດຜົນປະໂຫຍດຂອງຕົນເອງ.

• 10/02/2023