ທ່ຽວສວນຈຳປາມຸງຄຸນ ຈະໄດ້ຫຼາຍກວ່າຄຳວ່າມ່ວນ

ປະຈຸບັນເມື່ອເວົ້າເຖິງການທ່ອງທ່ຽວ ຫຼື ສະຖານທີ່ທ່ອງທ່ຽວ ພາຍໃນບ້ານເຮົາກໍນັບມື້ເພີ່ມທະວີຫຼາຍຂຶ້ນ,ໃນນັ້ນມີທັງທຳມະຊາດ ສ້າງແລະມະນຸດເຮົາສ້າງຂຶ້ນ, ໂດຍ ແຕ່ລະສະຖານທີ່ກໍມີຄວາມງົດງາມທີ່ແຕກຕ່າງກັນໄປ, ບາງແຫ່ງກໍແອບແຝງແງ່ຄິດ,ຄວາມຮູ້ ແລະບົດຮຽນໃໝ່ເພື່ອໃຫ້ນັກທ່ອງທ່ຽວໄດ້ຮຽນຮູ້ ແລະນຳປັບໃຊ້ຢ່າງເຊັ່ນຜູ້ຂຽນໄດ້ ຍົກເອົາມາເວົ້າໃນມື້ນີ້ກໍເປັນອີກໜຶ່ງແຫ່ງທີ່ໃຫ້ທັງຄວາມຮູ້ອັນລ້ຳຄ່າຜ່ານທີ່ມາຂອງດອກຈຳປາດອກໄມ້ປະຈຳຊາດຂອງລາວ ເຮົານີ້ເອງຢູ່ສວນຈຳປາມຸງຄຸນ, ຊຶ່ງພາຍໃນ ສວນນອກຈາກຄວາມມ່ວນຊື່ນຍັງ ຈະໄດ້ຮູ້ກ່ຽວກັບດອກຈຳປາ 250 ສາຍພັນຈາກທົ່ວໂລກອີກດ້ວຍ.

ທ່ານ ນາງ ອຸທະກີ ຈຸລະມະນີ- ຄຳຜຸຍ ອຳນວຍການສວນຈຳປາ ມຸງຄຸນໃຫ້ຮູ້ວ່າ: ສວນຈຳປາມຸງຄຸນແມ່ນສະຖານທີ່ໜຶ່ງທີ່ເພິ່ນໄດ້ທຸ້ມເທເຫື່ອແຮງມາກວ່າ 10  ປີໃນການ ສະສົມແນວພັນແລະຂະຫຍາຍສາຍ ພັນດອກຈຳປານາໆພັນຈາກທົ່ວ ໂລກລວມແລ້ວ 250 ສາຍພັນເພື່ອໃຫ້ຄົນລາວໄດ້ຮູ້ກ່ຽວກັບໂລກທີ່ ກວ້າງຂຶ້ນຜ່ານດອກຈຳປາ ແລະ ດອກຈຳປາບໍ່ແມ່ນມີສະເພາະບ້ານເຮົາ, ແຕ່ວ່າມີຢູ່ທົ່ວໂລກຕ່າງແຕ່ຊື່ ເອີ້ນຂອງແຕ່ລະບ່ອນຈະແຕກຕ່າງ ກັນໄປ, ພ້ອມນັ້ນສາຍພັນກໍມີການ ປັບປ່ຽນເລັກນ້ອຍ, ແຕ່ດ້ວຍສາຍ ຕາອັນສະຫຼາດສ່ອງໃສຂອງບັນພະບູລຸດລາວທີ່ໄດ້ເບິ່ງກວ້າງເຫັນໄກ ແລະໄດ້ເຊີດຊູດອກໄມ້ຊະນິດນີ້ຈົນ ຍົກຂຶ້ນເປັນດອກໄມ້ປະຈຳຊາດຂອງລາວ, ເອົາຊື່ດອກໄມ້ຊະນິດນີ້ມາ ແຕ່ງເປັນບົດເພງເພື່ອສື່ເຖິງຄວາມງົດງາມຂອງດອກໄມ້ເພາະເປັນດອກໄມ້ທີ່ງົດງາມ ແລະມີອາຍຸຍືນຍາວ, ຮັກສາບໍ່ຍາກເໝາະສົມກັບສະ ພາບອາກາດຂອງບ້ານເຮົາ.

ທ່ານ ນາງ ອຸທະກີ ຍັງໃຫ້ຮູ້ອີກວ່າ:ສະເພາະປີນີ້ແມ່ນຈະພິເສດກວ່າທຸກປີເນື່ອງຈາກວ່າປະເທດເຮົາໄດ້ເປີດປີທ່ອງທ່ຽວລາວ-ຈີນ, ດັ່ງນັ້ນສວນຈຳປາມຸງຄຸນກໍໄດ້ກຽມຫຼາຍ ກິດຈະກຳເປັນຕົ້ນແມ່ນສ້າງເງື່ອນ ໄຂໃຫ້ຜູ້ເຂົ້າຊົມສາມາດເຂົ້າເຖິງ ທຸກຕົ້ນ, ຈັບໄດ້, ດົມໄດ້ແຕ່ຫ້າມເດັດ ດອກຈຳປາ ແລະດັ່ງທີ່ຮູ້ແລ້ວວ່າ ສວນຈຳປາມຸງຄຸນເປັນສະຖານທີ່ສະສົມຈຳປານາໆພັນຈາກທົ່ວໂລກ,ສະນັ້ນແຕ່ລະຕົ້ນຈຶ່ງໄດ້ຂຽນຊື່ ແລະທີ່ມາຂອງດອກຈຳປາຕິດໃສ່ນຳເພື່ອໃຫ້ຜູ້ເຂົ້າຊົມສາມາດຮູ້ໄດ້ເຖິງທີ່ມາແລະສາຍພັນ, ຄວາມຫອມ, ຄວາມງາມຂອງດອກຈຳປາ, ພ້ອມນັ້ນຍັງ ໄດ້ສ້າງຈຸດຖ່າຍຮູບເພີ່ມຫຼາຍຈຸດ ເພື່ອຕ້ອນຮັບປີທ່ອງທ່ຽວນີ້ ແລະ ທີ່ສຳຄັນໃນລະຫວ່າງວັນທີ 5-7 ເມສາ 2019 ທີ່ຈະມາເຖິງນີ້, ຊຶ່ງເປັນໄລຍະເປີດເທສະການເຂົ້າຊົມສວນກໍຄືລະດູການດອກຈຳປາບານ, ທາງສວນ ຈຶ່ງໄດ້ຈັດກິດຈະກຳຫຼາກຫຼາຍເຊັ່ນ: ສ້າງບັນຍາກາດຫຼິ້ນບຸນປີໃໝ່, ມີການຫົດນ້ຳ, ຟ້ອນລຳວົງລາວ, ຄ້ອງພວງມາໄລທີ່ເຮັດ ຈາກດອກຈຳປາໃຫ້ແຂກທຸກຄົນທີ່ເຂົ້າມາທ່ຽວໃນສວນ, ມີພິທີສູ່ຂວັນ ຕ້ອນຮັບປີໃໝ່ລາວ, ນອກນັ້ນຍັງມີກິດຈະກຳບໍລິການໃຫ້ນຸ່ງຊຸດລາວເດີມ, ໂດຍກິດຈະກຳນີ້ຈະມີໃຫ້ບໍລິການຈົນກວ່າຈະໝົດລະດູການຂອງດອກຈຳປາບານ, ຊຶ່ງຫາກໃຜສົນ ໃຈໄປໄດ້ທີ່ຖະໜົນ 450 ປີ, ບ້ານນາແຄ ເມືອງໄຊທານນີ ນະຄອນ ຫຼວງວຽງຈັນ, ໃກ້ກັບສະຖານີລົດ ໄຟລາວ-ຈີນ.

 

แชร์