ຕວັກກີ ປະກາດສະຖານະການສຸກເສີນ ເປັນເວລາ 3 ເດືອນ

ຕາມຂ່າວຈາກນະຄອນຫລວງ ອັງກາລາ,ວັນທີ 7 ກຸມພາ 2023 ທ່ານ ເຣເຊັບ ເທຢິບ ເອີໂດກັນ (Recep Tayyip Erdogan), ປະທານາທິບໍດີ ຕວັກກີ ປະກາດ ສະຖານະການສຸກເສີນເປັນເວລາ 3 ເດືອນ ກວມເອົາ 10 ແຂວງ ໃນພາກໃຕ້ຂອງປະເທດທີ່ໄດ້ຮັບຄວາມເສຍຫາຍຢ່າງໜັກໜ່ວງຈາກແຜ່ນດິນໄຫວຮ້າຍແຮງຄັ້ງນີ້ເພື່ອເລັ່ງການຊ່ວຍເຫຼືອຈາກສູນກາງ ແລະທຸກພາກສ່ວນໃຫ້ເຂົ້າເຖິງປະຊາຊົນໃນພື້ນທີ່ປະສົບໄພພິບັດໃຫ້ໄວທີ່ສຸດເນື່ອງຈາກເຮືອນປະຊາຊົນ ແລະ ສິ່ງກໍ່ສ້າງໄດ້ຮັບຄວາມເສຍຫາຍ ເກືອບ 6.000 ແຫ່ງ ແລະຕົວເລກຫລ້າສຸດມີຜູ້ເສຍຊີວິດ ເພີ່ມຂຶ້ນກວ່າ 7.200 ຄົນ. ຂະນະນີ້ເຈົ້າໜ້າທີ່ທາງການປະກາດໄວ້ອາໄລ ເປັນເວລາ 7 ວັນ ແລະ ຍັງມີ 45 ປະເທດ ສະເໜີໃຫ້ການຊ່ວຍເຫຼືອຕວັກກີຢ່າງຮີບດ່ວນໃນດ້ານການກູ້ໄພ ແລະຄົ້ນຫາຜູ້ສູນຫາຍຈາກເຫດການແຜນດິນໄຫວຮຸນແຮງໃນຄັ້ງນີ້.

ຂ່າວ: ສະໄຫວ ລາດປາກດີ

• 07/02/2023