ສູນກາງແນວລາວສ້າງຊາດລົງຊູກຍູ້ວຽກງານປຸກລະດົມ ແລະຊຸກຍູ້ວຽກງານການປ້ອງກັນ ແລະຄວບຄຸມພະຍາດໂຄວິດ-19 ແລະການໂຄສະນາປັບປຸງຊີວິດການເປັນຢູ່ຂອງແມ່ຍິງ ແລະເດັກ

ເພື່ອເປັນການສືບຕໍ່ປຸກລະດົມ ແລະ ຊຸກຍູ້ປັບປຸງຊີວິດການເປັນຢູ່ຂອງແມ່ຍິງ ແລະເດັກ ທ່ານ ເຍ່ຍເກີຢ່າ ໜໍ່ຈໍ່ຈົງຕົວ ຮອງປະທານສູນກາງແນວລາວສ້າງຊາດພ້ອມຄະນະໄດ້ລົງເຮັດວຽກຢູ່ແຂວງຊຽງຂວາງ ໃນວັນທີ 6 ກຸມພາ ປີ 2023.

ໃນໂອກາດມາເຮັດວຽກງານການປ້ອງກັນ ແລະຄວບຄຸມພະຍາດໂຄວິດ-19 ແລະ ການໂຄສະນາເຮັດວຽກຢູ່ແຂວງຊຽງຂວາງໃນຄັ້ງນີ້ ທ່ານ ເຍ່ຍເກີຢ່າ ໜໍ່ຈໍ່ຈົງຕົວ ຮອງປະທານ ສນຊ ໄດ້ພົບປະກັບ ທ່ານ ດວງໄຊ ທໍຢ່າບຼົ່ງ ຮອງປະທານແນວລາວສ້າງຊາດແຂວງຊຽຂວາງ ແລະ ພະນັກງານກ່ຽວຂ້ອງ. ໃນໄລຍະການພົບປະດັ່ງກ່າວ ທ່ານ ທ່ານ ດວງໄຊ ທໍຢ່າບຼົ່ງ ໄດ້ລາຍການສະພາບການປະຕິບັດວຽກງານການສືບຕໍ່ປຸກລະດົມ ແລະ ຊຸກຍູ້ວຽກງານການປ້ອງກັນ ແລະ ຄວາມຄຸມພະຍາດໂຄວິດ-19 ແລະ ການໂຄສະນາປັບປຸງຊີວິດການເປັນຢູ່ຂອງແມ່ຍິງ ແລະເດັກ ໂດຍສະເພາະແມ່ນການສື່ສານຄວາມສ່ຽງ ແລະການມີສ່ວນຮ່ວມຂອງຊຸມຊົນ.

ທ່ານໄດ້ກ່າວວ່າ: ໂດຍປະຕິບັດຕາມແຜນການໂຄສະນາການສື່ສານຄວາມສ່ຽງ ແລະການມີສ່ວນຮ່ວມຂອງຊຸມຊົນແນວລາວສ້າງຊາດແຂວງຊຽງຂວາງໄດ້ຮ່ວມມືຢ່າງໃກ້ຊິດກັບພາກສ່ວນກ່ຽວຂ້ອງ ໂດຍສະເພາະແມ່ນສະຫະພັນແມ່ຍິງແຂວງຊຽງຂວາງ ໄດ້ເອົາໃຈໃສ່ລົງປຸກລະດົມຊຸກຍູ້ຊຸມຊົນແຫ່ງຕ່າງໆ ຢ່າງສະໝໍ່າສະເໝີ. ເຖິງແນວໃດກໍ່ຕາມຍັງມີສິ່ງທ້າທາຍຫລາຍຢ່າງໃນການດຳເນີນກິດຈະກຳເນື່ອງຈາກຍັງຂາດອຸປະກອນ, ງົບປະມານ ແລະພາຫະນະທີ່ຈໍາປັນ ໃນການເດີນທາງໄປຊຸມຊົນເຂດຫ່າງໄກຊອກຫລີກ.”

ທ່ານ ເຍ່ຍເກີຢ່າ ໜໍ່ຈໍ່ຈົງຕົວ ຮອງປະທານສູນກາງແນວລາວສ້າງຊາດໄດ້ກ່າວຊົມເຊີຍແນວລາວສ້າງຊາດ ແຂວງຊຽງຂວາງ ຕໍ່ຜົນສໍາເລັດໃນການປຸກລະດົມ ແລະ ຊຸກຍູ້ວຽກງານາການປ້ອງກັນ ແລະ ຄວບຄຸມພະຍາດໂຄວິດ-19 ແລະການໂຄສະນາປັບປຸງຊີວິດການເປັນຢູ່ຂອງແມ່ຍິງ ແລະເດັກ ເຂດຫ່າງໄກຊອກຫລີກ. ຖືໂອກາດມາຢ້ຽມຢາມຄັ້ງນີ້ ທ່ານ ຮອງປະທານ ສນຊ ໄດ້ນໍາເອົາອຸປະກອນໂຄສະນາລວມມີເຄື່ອງ LCD project ພ້ອມດ້ວຍຈໍ ແລະ ຕູ້ລໍາໂພງເຄື່ອນທີ່ມູນຄ່າກວ່າ 10 ລ້ານກີບ ມາມອບໃຫ້ແນວລາວສ້າງຊາດແຂວງຊຽງຂວາງອຸປະກອນດັ່ງກ່າວແມ່ນໄດ້ຮັບການສະຫນັບສະຫນູນຈາກອົງການຢູນີເຊັບພາຍໃຕ້ໂຄງການການສື່ສານຕ້ານຄວາມສ່ຽງ ແລະ ການມີສ່ວນຮ່ວມຂອງຊຸມຊົນ (RCCE) ເຊີ່ງແມ່ນກິດຈະກໍາທີ່ດໍາເນີນການເພື່ອສົ່ງເສີມການສັກຢາວັກຊີນທັງສໍາລັບ Covid-19 ແລະການສັກຢາປ້ອງກັນປົກກະຕິ. ກິດຈະກໍານີ້ຊຸກຍູ້ໃນການສົນທະນາຊຸມຊົນມີຄວາມເຂົ້າໃຈທີ່ສົມບູນແບບກ່ຽວກັບ Covid-19 ແລະ ການສັກຢາປ້ອງກັນພະຍາດແບບປົກກະຕິ ກິດຈະກໍາດັ່ງກ່າວແມ່ນດໍາເນີນໂດຍສູນສື່ສານເພື່ອສຸຂະພາບ ແລະ ສຸຂະສຶກສາ ແລະສູນກາງແນວລາວສ້າງຊາດ.

ໃນໂອກາດມອບເຄື່ງໃນຄັ້ງນີ້ທ່ານ ດວງໄຊ ທໍຢາບະຣົ້ງ ຮອງປະທານແນວລາວສ້າງຊາດແຂວງຊຽຂວາງສະແດງຄວາມຂອບໃຈຜູ້ໃຫ້ທຶນສໍາລັບກິດຈະກໍາເຫຼົ່ານີ້ລວມທັງການສະຫນັບສະຫນູນອຸປະກອນແມ່ນລັດຖະບານອົດສະຕາລີ, USAID, ກອງທຶນສຸກເສີນຂອງອົງການ UNICEF ແລະອິຕາລີ.

ອົງການ UNICEF ແລະ ແນວລາວສ້າງຊາດໄດ້ເລີ່ມຕົ້ນການຮ່ວມມືໃນການປັບປຸງຊີວິດການເປັນຢູ່ຂອງແມ່ຍິງ ແລະໃນ ສປປລາວ ນັບແຕ່ ປີ 2016 ໂດຍການສ້າງຄູ່ມື ແລະເຜີຍແຜ່ວຽກງານໂພຊະນາການ, ວຽກງານສຸຂະອະນາໄມ, ຄວາມຮຸນແຮງຕໍ່ເດັກນ້ອຍ ແລະການພັດທະນາໄວເດັກ.

ໄລຍະຜ່ານມາ, ເມືອງຄໍາ ແລະເມືອງຫນອງແຮັດ ແລະຫ້ອງການແນວລາວສ້າງຊາດແຂວງຊຽງຂວາງ ແມ່ນໄດ້ຮັບການສະຫນັບສະຫນູນດ້ານອຸປະກອນຕ່າງໆ ເຊັ່ນ: ຄອມພິວເຕີ, Notebook, LCD projector, ລໍາໂພງເຄື່ອນທີ່ ແລະອື່ນໆສູນກາງແນວລາວສ້າງຊາດໃນໂຄງການຂອງປະເທດທີ່ຜ່ານມາແມ່ນຈໍາກັດຫຼາຍ.

ໃນໂອກາດການມາຮ່ວມເຮັດວຽກຢູ່ແຂວງຊຽງຂວາງ ໃນຄັ້ງນີ້ ທ່ານ ຕະບອງເພັດ ພຸດທະວົງ ຜູ້ຊ່ຽວຊານວຽກງານໂຄສະນາ ແລະສື່ສານມວນຊົນອົງການຢູນີເຊັບ ໄດ້ກ່າວຊົມເຊີຍຜົນສຳເລັດຂອງການໂຄສະນາວຽກງານການປ້ອງກັນ ແລະຄວບຄຸມພະຍາດໂຄວິດ-19 ແລະການໂຄສະນາປັບປຸງຊິວິດການເປັນຢູ່ຂອງແມ່ຍິງ ແລະເດັກ ໂດຍສະເພາະການສື່ສານຄວາມສ່ຽງ ແລະການມີສ່ວນຮ່ວມຂອງຊຸມຊົນ ແລະຫວັງວ່າຈະໄດ້ຮັບການຮ່ວມມືເປັນຢ່າງດີຕໍ່ໄປ. ອົງການຢູນີເຊັບແມ່ນມີຄວາມຫມຸ້ງຫມັ້ນທີ່ຈະໃຫ້ການສະຫນັບສະຫນູນສູນກາງແນວລາວສ້າງຊາດໃນການປະຕິບັດໂຄງການທີ່ສໍາຄັນດັ່ງກ່າວ.

แชร์