ເກີດເຫດແຜ່ນດິນໄຫວຮຸນແຮງຢູ່ຕວັກກີ-ຊີຣີ ເສຍຊີວິດ 3.800 ຄົນ

ວັນທີ່ 6 ກຸມພາທີ່ຜ່ານມາໄດ້ເກີດເຫດແຜ່ນດິນໄຫວຮຸນແຮງໃນຮອບສັດຕະວັດຢູ່ທີ່ຕວັກກີ ແລະຊີຣີ ເຮັດໃຫ້ມີຜູ້ເສຍຊີວິດເພີ່ມຂຶ້ນຫຼາຍກວ່າ 3.800 ຄົນເນື່ອງຈາກເກີດແຜ່ນດີນໄຫວຊໍ້າຕື່ມອີກ 7,8 ຣິກເຕີ.

ຕາມຂ່າວຕ່າງປະເທດລາຍງານວ່າ ທ່ານ ຟູອັດ ອອກເຕ ຮອງປະທານາທິບໍດີຕວັກກີ ຖະແຫຼງວ່າເກີດເຫດແຜ່ນດິນໄຫວຮຸນແຮງຂະໜາດ 7,8 ຣິກເຕີ ໃນພາກຕາເວັນອອກສຽງໃຕ້ຂອງປະເທດ ພົບຜູ້ເສຍຊີວິດໃນປະເທດຢ່າງໜ້ອຍ 2.379 ຄົນ ແລະໄດ້ຮັບບາດເຈັບ 14.483 ຄົນ, ອາຄານບ້ານເຮືອນເປ່ເພ 5.606 ຫຼັງ ແລະເຈົ້າໜ້າທີ່ສາມາດຊ່ວຍເຫຼືອປະຊາຊົນອອກຈາກອາຄານເປ່ເພໄດ້ປະມານ 7.840 ຄົນ.

ຈຳນວນຜູ້ເສຍຊີວິດຈາກເຫດແຜ່ນດິນໄຫວຢູ່ຊີຣີໃນຄັ້ງນີ້ຢ່າງໜ້ອຍ 1.444 ຄົນ ແລະໄດ້ຮັບບາດເຈັບ 3.500 ກວ່າຄົນ ໂດຍພື້ນທີ່ທີ່ໄດ້ຮັບຜົນກະທົບໜັກສຸດຄື ພາກຕາເວັນຕົກສຽງເໜືອຂອງປະເທດ.

ຂະນະທີ່ການຊ່ວຍເຫຼືອຜູ້ປະສົບເປັນໄປຢ່າງຍາກລໍາບາກທ່າມກາງສະພາບອາກາດທີ່ໜາວເຢັນ ແລະຂາດແຄນເຄື່ອງມືຂະໜາດໃຫຍ່ທັງນີ້ອົງການອະນາໄມໂລກປະເມີນວ່າ ຈຳນວນຜູ້ເສຍຊີວິດອາດເພີ່ມຫຼາຍກວ່ານີ້ອີກ 8 ເທົ່າ.

แชร์