ຊາວຫວຽດນາມຈິ່ງນິຍົມຊື້ເຄື່ອງມືສອງກັນຫຼາຍຂຶ້ນ

ພຶດຕິກຳຂອງຜູ້ບໍລິໂພກຊາວ ສສ ຫວຽດນາມ ປ່ຽນແປງໄປຫຼັງຈາກເກີດການແພ່ລະບາດໃຫຍ່ຂອງພະຍາດໂຄວິດ-19 ໂດຍນິຍົມມາຊື້ສິນຄ້າມືສອງກັນຫຼາຍຂຶ້ນ.

ໜັງສືພິມຫວຽດນາມນີວລາຍງານວ່າ ພຶດຕິກຳການບໍລິໂພກຂອງຊາວຫວຽດນາມກຳລັງປ່ຽນໄປຫຼັງຈາກເກີດການແພ່ລະບາດໃຫຍ່ຂອງໂຄວິດ-19 ໂດຍຫຼາຍຄົນຫັນມາໃຊ້ສິນຄ້າມືສອງເພື່ອປະຢັດເງີນ ແລະສົ່ງເສີມຄວາມຍືນຍົງ, ສຳລັບສິນຄ້າທີ່ນິຍົມຊື້ 3 ປະເພດທຳອິດ ທີ່ມີການນໍາມາຈຳໜ່າຍເປັນຂອງມືສອງໄດ້ແກ່: ເຄື່ອງໄຟຟ້າຂອງໃຊ້ໃນເຮືອນ, ເຟີນີເຈີ ແລະລົດຈັກ ສ່ວນຄຳຄົ້ນຫາສູງສຸດ 3 ອັນດັບທຳອິດຄື: ລໍາໂພງ, ແລັບທອບ ແລະໂທລະພາບ.

ຜູ້ຊ່ຽວຊານທ້ອງຖິ່ນໃຫ້ຄວາມເຫັນວ່າກຸ່ມຜູ້ບໍລິໂພກມີອາຍຸນ້ອຍລົງ ແລະສົນໃຈປະເດັນສິ່ງແວດລ້ອມ ແລະການພັດທະນາທີ່ຍືນຍົງຫຼາຍຂຶ້ນ, ຄາດວ່າຕະຫຼາດມືສອງໃນຫວຽດນາມຈະມີມູນຄ່າເຖິງ 5,1 ຕື້ໂດລາພາຍໃນປີ 2026 ເນື່ອງຈາກຊາວຫວຽດນາມເລືອກຊື້ສີນຄ້າມືສອງກັນຫຼາຍຂຶ້ນ.

• 06/02/2023