ເປີດສູນຈໍາໜ່າຍເຄື່ອງກົນຈັກກະສິກໍາ

ວັນທີ 1 ກຸມພາ 2023, ສູນຈໍາໜ່າຍເຄື່ອງກົນຈັກກະສິກໍາຊູມ​ໄລ​ອອນ (ZOOMLION) ແຫ່ງທໍາອິດໃນປະເທດ ສປປ ລາວ ໄດ້ເປີດຢ່າງເປັນທາງການທີ່​ບ້ານ​ໂຄກ​ສີ​ວິ​ໄລ ເມືອງ​ໄຊ​ທາ​ນີ ນະ​ຄອນຫຼວງວຽງ​ຈັນ ໂດຍມີຜູ້ຕາງໜ້າກະຊວງກະສິກໍາ ແລະປ່າໄມ້, ກະຊວງອຸດສາຫະກໍາ ແລະການຄ້າ, ຕາງໜ້າທູດເສດຖະກິດ ແລະການຄ້າ ແຫ່ງ ສປ ຈີນ ປະຈໍາ ສປປ ລາວ, ສະພາການຄ້າຈີນ ປະຈໍາ ລາວ, ສະພາການຄ້າຫູໜານ, ສະພາການຄ້າຟູຈ້ຽນ, ບໍລິສັດ ທາງລົດໄຟລາວ ຈີນ ແລະ​ພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ.

ທ່ານ XU GUOWU ປະທານບໍລິສັດ ພັດທະນາກະສິກໍາ ຊິວະນາໆພັນ ຊວນເຢ ຫູໜານ ຈໍາກັດ ທີ່ເປັນຄູ່ຮ່ວມມືຂອງບໍລິສັດ ZOOMLION ກ່າວ​ວ່າ: ການ​ເປີດສູນຈໍາໜ່າຍເຄື່ອງກົນຈັກກະສິກໍາ ZOOMLION ແຫ່ງທໍາອິດໃນປະເທດ ສປປ ລາວ ແມ່ນສະແດງບາດກ້າວອັນສໍາຄັນໃນຕະຫຼາດສາກົນຂອງການຮ່ວມມືລະຫວ່າງບໍລິສັດຊວນເຢ ແລະບໍລິສັດ ZOOMLION, ທັງເປັນການປະຕິບັດພັດທະນາຕະຫຼາດລາວຂອງຊວນເຢໄດ້ກາຍເປັນຕົວຈິງ ພາຍຫຼັງໄດ້ສໍາເລັດໂຕງໂສ້ອຸດສາຫະກໍາການຄົ້ນຄວ້າແນວພັນ, ການປູກຝັງ, ປຸງແຕ່ງ, ເກັບມ້ຽນ, ການຂົນສົ່ງ ແລະການຄ້າຂາຍ.

ການເບີດສູນຈໍາໜ່າຍເຄື່ອງກົນຈັກກະສິກໍາ ZOOMLION ແຫ່ງທໍາອິດໃນປະເທດ ສປປ ລາວ, ຈະຄ່ອຍໆສ້າງລະບົບບໍລິການຮອບດ້ານໂດຍມີການຈໍາໜ່າຍກົນຈັກກະສິກໍາ, ການສະໜອງເຄື່ອງອາໄລ່, ບໍລິການຫຼັງການຂາຍ, ບໍລິການທຶນ ແລະການໃຫ້ເຊົ່າ, ເພື່ອຊ່ວຍເອົາຍິ່ຫໍ້ກະສິກໍາທີ່ທັນສະໄໝ ແລະຜະລິດຕະພັນຈີນ ເຂົ້າສູ່ຕະຫຼາດລາວ.

ທ່ານ ZHANG CHI ຜູ້ອໍານວຍການຂອງບໍລິສັດ ກົນຈັກກະສິກໍາ ZOOMLION ກ່າວວ່າ: ບໍລິສັດກົນຈັກກະສິກໍາ ZOOMLION ໄດ້ສ້າງຂຶ້ນໃນປີ 2011, ແມ່ນຫົວໜ່ວຍທຸລະກິດທີ່ໃຫ້ການພັດທະນາສໍາຄັນຂອງກຸ່ມບໍລິສັດ ZOOMLION, ປະຈຸບັນໄດ້ກາຍເປັນທຸລະກິດແຖວໜ້າໃນຂະແໜງກົນຈັກກະສິກໍາຂອງຈີນ, ໄດ້ສ້າງສອງພາກສ່ວນທຸລະກິດຫຼັກຂອງເຄື່ອງຈັກກະສິກໍາອັດສະລິຍະ AI ແລະກະສິກໍາອັດສະລິຍະ, ໂດຍອີງ​ຕາມ​ຮ້ານ​ຂາຍ​ເຄື່ອງ​ຈັກ​ກະ​ສິ​ກຳ Zoomlion ສະໜອງຜະລິດຕະພັນກົນຈັກກະສິກໍາໃຫ້​ຊາວ​ກະ​ສິ​ກອນ​ທ້ອງ​ຖິ່ນ​ຄື: ເຂົ້າ, ສາ​ລີ, ອ້ອຍ ແລະພືດ​ອື່ນໆ​ໃນ​ຂະ​ບວນ​ການ​ຜະ​ລິດ​ທັງ​ໝົດ, ຊ່ວຍ​ຍົກ​ສູງ​ຄຸນ​ນະ​ພາບ​ຜະ​ລິດ​ຕະ​ພັນ​ກະ​ສິ​ກຳ ເພື່ອສະໜອງການບໍລິການທີ່ຖືກຕ້ອງ ແລະສົມບູນຍິ່ງຂຶ້ນ ໃຫ້ໄດ້ພັດທະນາກະສິກຳທັນສະໄໝໃນລາວ.

ພາຍໃຕ້ສະພາບການພັດທະນາຂອງຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ”, ການຮ່ວມມືລະຫວ່າງບໍລິສັດ ຊວນເຢ ແລະບໍລິສັດ ZOOMLION ໃນຄັ້ງນີ້ ຈະຊ່ວຍຊຸກຍູ້ການພັດທະນາຂະແໜງກົນຈັກກະສິກໍາຂອງລາວ, ຍົກສູງຄວມສາມາດໃນການແຂ່ງຂັນ, ຈະແໜ້ນໜາການຮ່ວມມືຂອງສອງປະເທດລາວ ແລະຈີນ ກ່ວາເກົ່າ.

แชร์