ອັດຕະປືຈະສ້າງທາງຫຼວງທ້ອງຖິ່ນ ແລະທາງຫຼວງແຫ່ງຊາດຢູ່ເມືອງສະໜາມໄຊ

  ເພື່ອເຮັດໃຫ້ການພັດທະນາດ້ານເສດຖະກິດ-ສັງຄົມ ຂອງ ແຂວງອັດຕະປື ໃຫ້ມີໂສມໜ້າໃໝ່ທີ່ຈະເລີນຮຸ່ງເຮືອງຂຶ້ນເລື້ອຍໆຕາມແນວທາງຂອງພັກວາງອອກທັງຮັບປະກັບໃຫ້ແກ່ການຄົມມະນະຄົມ ແລະການຂົນສົ່ງໃຫ້ມີຄວາມສະດວກເຊື່ອມໂຍງກັບບັນດາແຂວງພາຍໃນປະເທດກໍ່ຄືບັນດາປະເທດອະນຸພາກພື້ນ, ດ້ວຍຄວາມພະຍາມຢ່າງຕັ້ງໜ້າຂອງພັກ-ລັດ ຕໍ່ກັບການພັດທະນາຟື້ນຟູພື້ນຖານໂຄງລ່າງ ແລະ ຈັດສັນອາຊີບໃຫ້ປະຊາຊົນເປັນຕົ້ນແມ່ນຢູ່ເມືອງ ສະໜາມໄຊທີ່ໄດ້ຖືກຜົນກະທົບຈາກອຸບັດຕິເຫດຄູກັ້ນນ້ຳເຂື່ອນໄຟຟ້າເຊປຽນ-ເຊນ້ຳນ້ອຍແຕກໃນປີທີ່ຜ່ານມາສະນັ້ນຈິ່ງມີຄວາມຈຳເປັນຕໍ່ກັບການສ້ອມແປງເສ້ັນທາງຫຼວງແຫ່ງຊາດ, ທາງຫຼວງທ້ອງຖິ່ນ ແລະວຽກອື່ນໆ ຢູ່ໃນເຂດທີ່ຖືກຜົນກະທົບກັບຄືນສູ່ສະພາບປົກກະຕິເທື່ອລະກ້າວ.

  ມາຮອດເດືອນມີນາປີ 2019 ພາຍຫຼັງທີ່ແຂວງອັດຕະປື ໄດ້ຮັບອະນຸມັດງົບປະມານຈາກບໍລິສັດກໍ່ສ້າງເຂື່ອນໄຟຟ້າເຊປຽນ-ເຊນໍ້ານ້ອຍ ເພື່ອນຳໃຊ້ເຂົ້າໃນວຽກງານການສ້ອມແປງຟື້ນຟູເສັ້ນທາງຫຼວງແຫ່ງຊາດ,ທາງຫຼວງທ້ອງຖິ່ນ ແລະວຽກອື່ນທີ່ຈຳເປັນໃນເຂດປະສົບໄຟຢູ່ເມືອງສະໜາມໄຊ,ຄະນະຟື້ນຟູພື້ນຖານໂຄງລ່າງ ແລະຈັດສັນອາຊີບ ແຂວງອັດຕະປືກໍ່ໄດ້ຈັດພິທີເປີດຊອງປະມູນໂຄງການກໍ່ສ້າງຢ່າງເລັ່ງດ່ວນໂດຍມີບັນດາບໍລິສັດເຂົ້າຮ່ວມປະມູນທັງໝົດ 110 ບໍ ລິສັດ, ຊຶ່ງມີ 17 ໂຄງການປະມູນປະກອບມີດັ່ງນີ້:

  ເສັ້ນທາງຫຼວງແຫ່ງຊາດເລກທີ 18 A ຊ້ວງທາງແຍກ 1 I ເມືອງສາມັກຄີໄຊ-ຂົວຫ້ວຍໂອດ ກມ 0+00-ກມ 12+ 500, ມີລວງຍາວ 12,50 ກິໂລ ແມັດ 2. ທາງຫຼວງແຫ່ງຊາດເລກທີ 18 A: ຊ້ວງທາງຂົວຫ້ວຍໂອດ-ຫ້ວຍກັນຈານ ກມ 12+ 500- ກມ 30+500, ມີລວງຍາວ 18 ກິໂລແມັດ; 3. ທາງຫຼວງແຫ່ງຊາດເລກທີ 18 A: ຊ້ວງທາງຂົວຫ້ວຍກັນຈານ-ຫ້ວຍແຍກທາງ 9041 (ບ້ານໂຄກກ່ອງ) ກມ 30+500-ກມ 37+500, ມີລວງຍາວ 7 ກິໂລແມັດ 4. ທາງຫຼວງແຫ່ງຊາດເລກທີ 18 A: ຊ້ວງທາງແຍກ 9041 (ບ້ານໂຄກກ່ອງ)-(ບ້ານໃໝ່ (ເຊປຽນ) ກມ 37+500-ກມ41+500,ມີລວງຍາວ 4 ກິໂລແມັດ; 5. ທາງຫຼວງແຫ່ງຊາດເລກທີ 18 A: ຊ້ວງທາງ (ບ້ານໃໝ່ (ເຊປຽນ)-(ບ້ານປີນດົງ) ກມ 41+500-ກມ 47+500, ມີລວງຍາວ 6 ກິໂລແມັດ; 6. ທາງຫຼວງທ້ອງຖິ່ນເລກທີ 9004 ຕອນທາງ: ແຍກທາງ 18A (ບ້ານສະໝອງໃຕ້)-(ບ້ານຕະມໍຢອດ) ກມ 00+00-ກມ 9+00, ມີລວງຍາວ 9 ກິໂລ ແມັດ; 7. ທາງຫຼວງທ້ອງຖິ່ນເລກ ທີ 9004 ຕອນທາງແຕ່ (ບ້ານຕະ ມໍຢອດ)-(ບ້ານໜອງຫີນເກົ່າ ກມ 9+00-ກມ 24+00, ມີລວງຍາວ 15 ກິໂລແມັດ; 8. ທາງຫຼວງທ້ອງຖິ່ນເລກທີ 9004 ຕອນທາງແຕ່ (ບ້ານໜອງຫີນເກົ່າ)-(ຊາຍແດນເມືອງປາກຊ່ອງ) ກມ 24+00-ກມ 42+800, ມີລວງຍາວ 18,8 ກິໂລແມັດ; 9. ທາງຫຼວງທ້ອງຖິ່ນເລກທີ 9004 ຕອນ ທາງ: ແຍກທາງ 18A (ບ້ານໂຄກ ກ່ອງ)-(ບ້ານແທໃຫຍ່ (ຄຸ້ມບ້ານມ່ວງ)) ກມ 0+00-ກມ 6+00, ມີລວງຍາວ 6 ກິໂລແມັດ; 10. ທາງຫຼວງທ່ອງຖິ່ນເລກທີ 9041 ຕອນທາງ (ບ້ານໃຫຍ່ແທ (ຄຸ້ມ ດອນມ່ວງ))-(ບ້ານດອນບົກ (ຈຸດສ້າງທີ່ພັກຊົ່ວຄາວ)) ກມ 6+00-ກມ 11+00 ມີລວງຍາວ 5 ກິໂລແມັດ; 11. ທາງຫຼວງທ້ອງຖິ່ນເລກທີ 9041 ຕອນທາງ (ບ້າ ນດອນບົກ (ຈຸດສ້າງທີ່ພັກ)) - (ບ້ານທ່າແສງຈັນ) ກມ 11+00-ກມ 14+000 ມີລວງຍາວ 3 ກິໂລແມັດ; 12. ກໍ່ສ້າງເສັ້ນທາງ ປູດິນເເດງຈຸດບ້ານປິນດົງມີລວງ ຍາວ 6,73 ກິໂລແມັດ; 13. ກໍ່ສ້າງ ເສັ້ນທາງປູດິນແດງຕາຜ້າຜັງບ້ານ ຈຸດຕະມໍຢອດມີລວງຍາວ 8,54 ກິໂລແມັດ; 14. ກໍ່ສ້າງເສັ້ນທາງ ປູດິນແດງຈຸດບ້ານດອນບົກ ມີລວງຍາວ 13,1 ກິໂລແມັດ; 15. ກໍ່ສ້າງເສັ້ນທາງປູດິນແດງຈຸດບ້ານດົງບາກ ມີລວງຍາວ 19,27 ກິໂລແມັດ; 16. ການຖົມແຮ່+ຊາຍ ເຂດຈຸດບ້ານພັກຊົ່ວຄາວ 4 ຈຸດຄື: ຈຸດດອນບົກ; ຈຸດບ້ານຕະມໍຢອດ; ຈຸດບ້ານປິນດົງ ແລະ ຈຸດດົງບາກມີເນື້ອທີ່ທັງໝົດ 16,70 ເຮັກ ຕາ; 17. ກໍ່ສ້າງຄອງລະບາຍນ້ຳ, ອ່າງເກັບນ້ຳເສຍເຂດຈຸດພັກຊົ່ວຄາວ 4 ຈຸດຄື: ຈຸດບ້ານດອນບົກ; ຈຸດບ້ານຕະມໍຢອດ; ຈຸດບ້ານປິນດົງ ແລະ ຈຸດດົງບາກ.

  ເສັ້ນທາງຈຳນວນດັ່ງກ່າວທີ່ວ່ານັ້ນແມ່ນເປັນເສັ້ນທາງທີ່ມີຄວາມສຳຄັນຕໍ່ການສັນຈອນຂອງພາຫານະເຂົາອອກລະຫວ່າງຊານເມືອງ ແລະຕົວເມືອງທັງເປັນເສັ້ນທາງດຳລຽງເຊື່ອມຕໍ່ຂົນສົ່ງຄ້າຂາຍສິນຄ້າພາຍໃນ ແລະຕ່າງປະເທດລະຫວ່າງພາກໃຕ້ກັບບັນດາແຂວງທີ່ໃກ້ຄຽງ, ທັງເປັນໂອກາດສ້າງເຂດພື້ນທີ່ຖືກຜົນກະທົບຢູ່ເມືອງສະໜາມໄຊ ເປັນເຂດບໍລິການດ້ານການທ່ອງທ່ຽວທາງທຳມະຊາດ, ວັດທະນະທຳ ແລະ ປະຫວັດສາດໃນພູມີພາກຕອນໃຕ້ເປັນຕົ້ນຕາດແຊພະ -ເເຊປ້ອງໄລ, ການດຳລົງຊີວິດຂອງປະຊາຊົນ, ຮູບພາບອັນທີ່ສະເທືອນໃຈໃນເຂດພື້ນທີ່ຖືກຜົນກະທົບ ແລະ ແຫຼ່ງທ່ອງທ່ຽວອັນລືຊື່ຕ່າງໆຢ່າງຫຼວງຫຼາຍປະຈຸ ບັນການສັນຈອນໄປມາບົນເສັ້ນທາງຍັງມີຄວາມຫຍຸ້ງຍາກຫຼາຍຍ້ອນເສັ້ນທາງຊຸດໂຊມ, ມີຫຼາຍບ່ອນເປັນຂຸມເລິກເມື່ອມີຝົນຕົກກໍ່ເປັນບວກຂຸມເປິເປື້ອນ, ເວລາແດດກໍ່ເປັນຂີ້ຝຸ່ນປີວໃຫງ່ໄປບໍລິເວນກວ້າງອັນໄດ້ສ້າງຄວາມລຳບາກແກ່ການດຳລົງຊີວິດຂອງຜູ້ອາໄສຢູ່ໃກ້ຄຽງ.

ໂດຍ: ມາລາທິບ

แชร์