ບໍລິສັດ ຄຳມະນີ ບໍລິການທົ່ວໄປສ່ວນບຸກຄົນ ຮັບລາງວັນນັກທຸລະກິດຊັ້ນນຳດີເດັ່ນ

ໃນພິທີມອບ-ຮັບລາງວັນນັກທຸລະກິດຊັ້ນນຳດີເດັ່ນປະຈຳປີ 2022 ຂອງສະພາການຄ້າ ແລະອຸດສະຫາກຳແຫ່ງຊາດລາວ ທີ່ຈັດຂຶ້ນເມື່ອວັນທີ 23 ມັງກອນ 2023 ຜ່ານມາທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ຫນື່ງໃນນັ້ນກໍແມ່ນບໍລິສັດ ຄຳມະນີ ບໍລິການທົ່ວໄປສ່ວນບຸກຄົນ ໄດ້ຮັບລາງວັນໃນງານຄັ້ງນີ້ໂດຍໃຫ້ກຽດມອບຂອງທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສະຫາກຳ ແລະ ການຄ້າ ຊຶ່ງເປັນກຽດຂຶ້ນຮັບຂອງທ່ານ ຄຳມະນີ ຣາຊະພົນ ປະທານບໍລິສັດ ຄຳມະນີ ບໍລິການທົ່ວໄປສ່ວນບຸກຄົນ.

ໂດຍໃຫ້ກຽດເປັນປະທານ ແລະເຂົ້າຮ່ວມໂອ້ລົມກອງປະຊຸມຂອງພະນະທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ພ້ອມນີ້ກໍມີບັນດາລັດຖະມົນຕີ, ຕະຫລອດນັກທຸລະກິດໃນຂອບເຂດທົ່ວປະເທດເຂົ້າຮ່ວມຢ່າງຫຼວງຫຼາຍ.

ທ່ານ ຄຳມະນີ ຣາຊະພົນ ກ່າວວ່າ: ການໄດ້ຮັບລາງວັນຄັ້ງນີ້ນັບເປັນຄວາມພາກພູມໃຈຂອງໂຮງງານພວກເຮົາທີ່ສະແດງເຫັນເຖິງຄວາມມານະອົດທົນໃນການດຳເນີນຂອງພະນັກງານຂອງບໍລິສັດທີ່ໄດ້ພ້ອມກັນຜ່ານຜ່າຄວາມຫຍຸ້ງຍາກຈາກສະພາບການແຜ່ລະບາດຂອງພະຍາດໂຄວິດ-19, ການຂາດເຂີນເງິນຕາ, ເງິນສະກຸນເງິນກີບອ່ອນຄ່າ, ການເພີ່ມຂື້ນຂອງລາຄານໍ້າມັນເຊື້ອໄຟ ແລະເຄື່ອງບໍລິໂພກ-ອຸປະໂພກ ຈໍານວນໜື່ງຢູ່ພາຍໃນປະເທດເຮົາ.

ບໍລິສັດ ຄຳມະນີ ບໍລິການທົ່ວໄປ ກໍ່ຕັ້ງຂຶ້ນໃນປີ 2014, ພວກເຮົາໃຫ້ການບໍລິການທໍາຄວາມສະອາດທົ່ວໄປ ແລະອຸດສາຫະກຳ, ການບຳລຸງຮັກສາສວນ, ການບໍລິຫານຈັດການແມງໄມ້ ແລະບຳລຸງຕິດຕັ້ງ-ສ້ອມແປງແອໃນອາຄານ ແລະໃນປີ 2020, ສາຍທຸລະກິດຂອງພວກເຮົາໄດ້ຂະຫຍາຍໄປສູ່ ບໍລິການອາຫານ-ເຄື່ອງດື່ມ.

ວິທີທີ່ພວກເຮົານຳພາ, ເຮັດວຽກ ແລະພຶດຕິກຳແມ່ນຖືກຂັບເຄື່ອນໂດຍຄຸນຄ່າຫລັກຂອງພວກເຮົາຄຸນຄ່າເຫຼົ່ານັ້ນມີອິດທິພົນຕໍ່ວິທີການທີ່ພວກເຮົາຕອບສະໜອງຄວາມຕ້ອງການຂອງລູກຄ້າໃນຂະນະທີ່ເຄົາລົບຂໍ້ກໍານົດດ້ານກົດລະບຽບ ແລະວິທີທີ່ພວກເຮົາສົ່ງເສີມການປະຕິບັດທີ່ມີຈັນຍະບັນພາຍໃນອົງກອນທີ່ໄດ້ນຳໃຊ້ລະບົບມາດຕະຖານຄຸນນະພາບກັບມາດຕະຖານດ້ານສິ່ງແວດລ້ວມ; ISO 9001:2015 ISO 14001:2015 ແລະ ຍັງມຸ່ງໝັ້ນທີ່ຈະນໍາໃຊ້ລະບົບມາດຕະຖານຄວາມປອດໄພ ແລະລະບົບຄວາມປອດໄພດ້ານທາງອາຫານ; OHSAS 18001 & GHP's System.

ສຳລັບບໍລິສັດຄຳມະນີ ບໍລິການທົ່ວໄປສ່ວນບຸກຄົນແມ່ນໄດ້ຮັບລາງວັນຫລາຍລາງວັນນີ້ຕິດຕໍ່ກັນມາຫລາຍປີ ນັບແຕ່ປີ 2019 ເປັນຕົ້ນມາ ໂດຍບໍລິສັດຄຳມະນີ ບໍລິການທົ່ວໄປສ່ວນບຸກຄົນມີສຳນັກງານຕັ້ງຢູ່ບ້ານສົມຫວັງໃຕ້ ເມືອງຫາດຊາຍຟອງ ນະຄອງຫວງວຽງຈັນ.

แชร์