ສະຫຼອງວັນຟຣັງໂກໂຟນີສາກົນ

ພິທີສະເຫຼີມສະຫຼອງວັນ ຟຣັງໂກໂຟນີສາກົນ 20 ມີີນາ ປະ ຈຳປີ 2019 ໄດ້ຈັດຂຶ້ນໃນວັນທີ 2 ເມສາ 2019 ທີ່ສະໂມສອນໃຫຍ່, ຄະນະເສດຖະສາດ ແລະບໍລິຫານ ທຸລະກິດ, ມະຫາວິທະຍາໄລແຫ່ງ ຊາດ ນະຄອນຫຼວງວຽງຈັນ ໂດຍ ການເປັນປະທານຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະ ມົນຕີກະຊວງສຶກສາທິການແລະກີ ລາ, ມີທ່ານ ທອງຜ່ານ ສະຫວັນ ເພັດ ຮອງລັດຖະມົນຕີກະຊວງການ ຕ່າງປະເທດ, ທ່ານ ນາງ Florence Jeanblanc-Risler, ເອກອັກຄະລັດຖະທູດຝຣັ່ງປະຈໍາ ສປປ ລາວ, ມີບັນດາທູຕານຸທູດປະ ເທດທີ່ໃຊ້ພາສາຝຣັ່ງ, ຫົວໜ້າຫ້ອງ ການມະຫາວິທະຍາໄລຟຣັງໂກໂຟນີ (AUF) ປະຈຳ  ສປປ  ລາວ,  ຄູ-ອາ  ຈານ ແລະນັກຮຽນ-ນັກສຶກສາທີ່ ຮຽນພາສາຝຣັ່ງພາຍໃນມະຫາວິ ທະຍາໄລແຫ່ງຊາດເຂົ້າຮ່ວມ.

ນາງ  ແສງເດືອນ ຫຼ້າຈັນທະບູນ ໄດ້ຍົກໃຫ້ເຫັນຄວາມໝາຍສຳຄັນ ຂອງວັນຟຣັງໂກໂຟນີສາກົນ, ການ ສົ່ງເສີມການນໍາໃຊ້ພາສາຝຣັ່ງຢູ່ ສປປ ລາວ ແລະການສົ່ງເສີມການພົວພັນຮ່ວມມືລະຫວ່າງ ສປປ ລາວ ແລະອົງການຟຣັງໂກໂຟນີສາກົນ (OIF). ສຳລັບການສະເຫຼີມສະຫຼອງວັນດັ່ງກ່າວປະຈຳປີ 2019  ພາຍໃຕ້ຫົວຂໍ້ “ກະລຸນາເວົ້າເປັນ ພາສາຝຣັ່ງ”.

ນອກນັ້ນໃນງານດັ່ງກ່າວຜູ້ເຂົ້າຮ່ວມຍັງໄດ້ຮ່ວມຊົມການສະແດງສິລະປະວັນນະຄະດີຂອງນ້ອງນັກຮຽນ-ນັກສຶກສາພາສາຝຣັ່ງ, ຕະຫຼອດເຖິງໄດ້ຢ້ຽມຊົມການວາງສະ ແດງຮູບພາບ ແລະຂໍ້ມູນຂ່າວສານກ່ຽວກັບການເຄື່ອນໄຫວກິດຈະກຳຕ່າງໆຂອງຄູອາຈານແລະນັກຮຽນ-ນັກສຶກສາພາສາຝຣັ່ງຂອງມະຫາວິທະຍາໄລແຫ່ງຊາດໃນຂອບວຽກງານຝຣັ່ງໂກໂຟນີ.

ນສພ ເສດຖະກິດ-ສັງຄົມ

แชร์