ສວນຊາ 36 ໄດ້ຮັບລາງວັນນັກທຸລະກິດຊັ້ນນຳດີເດັ່ນ

ໃນວັນທີ 23 ມັງກອນ 2023, ພິທີມອບລາງວັນນັກທຸລະກິດຊັ້ນນຳດີເດັ່ນ ສຄອຊ ປະຈໍາປີ 2022 ໄດ້ຖືກຈັດຂຶ້ນຢູ່ຫໍປະຊຸມແຫ່ງຊາດ, ນະຄອນຫຼວງວຽງຈັນ. ຫຼັງຈາກການລາຍງານຫຍໍ້ກ່ຽວກັບມອບລາງວັນສິ້ນສຸດລົງ, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະການຄ້າ ໄດ້ມອບລາງວັນກຽດຕິຍົດໃຫ້ແກ່ບໍລິສັດ ລາວ ທີຊິກ ມາເນີ ການຄ້າຂາອອກ-ຂາເຂົ້າ ຈໍາກັດຜູ້ດຽວ (ສວນຊາ 36) ແລະບັນດາບໍລິສັດອື່ນໆ ເພື່ອຊົມເຊີຍ ແລະຂອບໃຈສໍາລັບການປະກອບສ່ວນທີ່ດີເດັ່ນໃນວຽກງານຕ່າງໆທີ່ຜ່ານມາໂດຍມີພະນະທ່ານນາຍົກລັດຖະມົນຕີ ພ້ອມຄະນະໃຫ້ກຽດເປັນສັກຂີພະຍານ.

ພາຍໃນງານພະນະທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ພ້ອມດ້ວຍຄະນະໄດ້ໃຫ້ກຽດມາຢ້ຽມຢາມພວກເຮົາພ້ອມມີຄຳເຫັນໂອ້ລົມ ແລະ ຊິມຊາບູຮານລາວຈາກປາກຊ່ອງ. ທ່ານ ຢຽນ ຢົງ, ຮອງປະທານບໍລິສັດ ລາວ ທີຊິກ ມາເນີ ການຄ້າ ຂາອອກ-ຂາເຂົ້າ ຈໍາກັດຜູ້ດຽວ ຍັງໄດ້ມອບຊາ ເພັດປາກຊ່ອງ ໃຫ້ແກ່ພະນະທ່ານນາຍົກລັດຖະມົນຕີ ເພື່ອເປັນທີ່ລະນຶກອີກດ້ວຍ.

ສວນຊາ 36 ເປັນໜຶ່ງໃນບໍລິສັດຊັ້ນນໍາດ້ານອຸດສາຫະກຳຊາໃນລາວ, ພວກເຮົາໄດ້ນຳໃຊ້ຊາບູຮານຈາກທຳມະຊາດຂອງລາວປະສົມປະສານເຕັກໂນໂລຢີການຜະລິດຊາພື້ນເມືອງແບບດັ້ງເດີມຂອງຈີນເພື່ອໃຫ້ກາຍເປັນຜະລິດຕະພັນທີ່ເຕັມໄປດ້ວຍຊັບພະຄຸນພ້ອມທັງຮັບປະກັນດ້ານຄຸນນະພາບເພາະຊາຂອງພວກເຮົາໄດ້ຜ່ານການກວດກາ ແລະຢັ້ງຢືນມາດຕະຖານຂອງສະຫະພາບເອີຮົບ, ມີໃບຢັ້ງຢືນປອດສານພິດ ແລະຮັບຮອງແຫຼ່ງກຳເນີດຈາກລາວເປັນຕົ້ນ. ຍິ່ງໄປກວ່ານັ້ນ, ຊາສວນຊາ 36 ຍັງໄດ້ຮັບເລືອກເປັນຂອງຂວັນປະຈຳຊາດໂດຍລັດຖະບານລາວ, ຊາສຳລັບງານກິດຈະກຳຕ່າງປະເທດເປັນທາງການຂອງຫ້ອງວ່າການນາຍົກລັດຖະມົນຕີລາວ, ສຳລັບງານສະເຫຼີມສະຫຼອງສາຍພົວພັນການທູດຈີນ-ລາວຄົບຮອບ 60 ປີ ແລະສຳລັບງານປີທ່ອງທ່ຽວລາວ-ຈີນ ແລະຍັງໄດ້ຮັບລາງວັນຊະນະເລີດໃນການແຂ່ງຂັນຊາໂລກປີ 2021 ອີກດ້ວຍ.

• 30/01/2023