ບໍລິສັດ ພັດທະນາເຂດນິຄົມອຸດສາຫະກຳ ລັດຕະນະພອນ ຮັບລາງວັນທຸລະກິດຊັ້ນນຳດີເດັ່ນ

ໃນວັນທີ 23 ມັງກອນຜ່ານມານີ້ ຢູ່ຫໍປະຊຸມແຫ່ງຊາດ ນະຄອນຫຼວງວຽງຈັນ,ສະພາການຄ້າ ແລະອຸດສາຫະກຳແຫ່ງ ຊາດລາວ ໄດ້ຈັດພິທີມອບ-ຮັບລາງວັນທຸລະກິດດີເດັ່ນປະຈໍາປີ 2022, ເຊິ່ງໃຫ້ກຽດເຂົ້າຮ່ວມເປັນປະທານໂດຍທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ.

ເຊິ່ງພິທີດັ່ງກ່າວນີ້ໄດ້ຈັດຂຶ້ນໃນແຕ່ລະປີ ເພື່ອເປັນການຍ້ອງຍໍສັນລະເຊິນບັນດາຫົວໜ່ວຍທຸລະກິດທີ່ເປັນຈຸນລະວິສາຫະກິດ, ວິສາຫະກິດຂະໜາດນ້ອຍ-ກາງ ແລະ ວິສາຫະກິດຂະໜາດໃຫຍ່ ທີ່ມີຜົນງານການເຄື່ອນໄຫວທຸລະກິດດີເດັ່ນໃນແຕ່ລະປີ ໃນຂະແໜງການຜະລິດ,ການຄ້າ ແລະ ການບໍລິການ. ດັ່ງນັ້ນ, ໃນປີ 2022 ຜ່ານການຄັດເລືອກແບບຟອມສະໝັກຂອງຄະນະກຳມະການຮັບຜິດຊອບສາມາດຄັດເລືອກໄດ້ຫົວໜ່ວຍທຸລະກິດຈຳນວນ 80 ຫົວໜ່ວຍ ທີ່ມາຈາກນະຄອນຫຼວງວຽງຈັນ 61 ຫົວໜ່ວຍ,ແຂວງວຽງຈັນ 1 ຫົວໜ່ວຍ,ຫຼວງນໍ້າທາ 4 ຫົວໜ່ວຍ,ບໍລິຄໍາໄຊ 1 ຫົວໜ່ວຍ,ສະຫວັນນະເຂດ 6 ຫົວໜ່ວຍ, ສາລະວັນ 1 ຫົວໜ່ວຍ, ຈໍາປາສັກ 5ຫົວໜ່ວຍ ແລະແຂວງອັດຕະປື 5 ຫົວໜ່ວຍ;ໃນນີ້ລວມມູນຄ່າຕົວເລກເສຍພັນທະອາກອນໃຫ້ລັດຖະບານຂອງ 80 ຫົວໜ່ວຍທຸລະກິດປະມານ 2.000 ຕື້ກີບ ແລະມີການຈ້າງງານຫຼາຍກວ່າ15.000 ຄົນ.

ທ່ານ ກົ່ວ ຈ້ງນຈົງ ໃຫ້ຮູ້ວ່າ: ບໍລິສັດ ພັດທະນາ ເຂດນິຄົມອຸດສາຫະກຳ ລັດຕະນະພອນ ຈຳກັດຜູ້ດຽວໄດ້ຮັບອະນຸຍາດ ສ້າງຕັ້ງໃນວັນທີ 13 ທັນວ່າ 2016 ຊຶ່ງທາງບໍລິສັດໄດ້ປະກອບຊ່ວຍ ເຫຼືອຜູ້ປະສົບໄພນໍ້າຖ້ວມ ຢູ່ເມື່ອງສະໝາມໄຊແຂວງອັດຕະປື ຄ້ງທີ 23 ກໍລະກົດ 2018 ຊຶ່ງມີລາຍລະອຽດຊ່ວຍກອບກູ້ຊີວິດຂອງຜູ້ປະສົບໄພ ໃນເວລາເກີດເຫດການທຳອິດ ປະກອບສ່ວນເປັນວັດຖຸ ແລະເງິນຈຳນວນໜຶ່ງບໍລິສັດປຸ່ງແຕ່ງຜະລິດຕະພັນໄມ້ສຳເລັດຮູບສົ່ງອອກພາຍໃນ ແລະຕ່າງປະເທດ.

ສຳລັບກິດຈະການເຄືອນໄຫວເປັນໂຮງງານປຸງແຕ່ງໄມ້ສຳເລັດຮູບແກະສະລັກຫີນ, ຜະລິດເຄືອງປັ້ນດິນເຜົາປຸ່ງແຕ່ງໝາກໄມ້,ສ້າງເກັບສິນຄ້າສຳເລັດຮູບ ແລະວັດທຸດັບອື່ນໆ ບໍລິການຫຸ້ມຫໍ່ຈັດສົ່ງ ແລະ ຂົນສົ່ງສິນຄ້າພາຍໃນ ແລະ ຕ່າງປະເທດ ແລະ ບໍລິການໂຊນວາງສະແດງສິນຄ້າ ແລະ ໂຊນໜອງສະ.
ບໍລິສັດ ໄດ້ປຸງແຕ່ງຜະລິດຕະພັນໄມ້ສຳເລັດຮູບ ສົ່ງອອກພາຍໃນ ແລະຕ່າງປະເທດຕັ້ງຢູ່ບ້ານ ວັດເໜືອນ ເມືອງໄຊເສດຖາ ແຂວງອັດຕະປື

แชร์