ເບຍລາວເປີດໃຊ້ຂົວຂ້າມທາງ

ວັນທີ3 ເມສາ ຜ່ານມາທີ່ບໍລິສັດເບຍລາວ ຈຳກັດໄດ້ຈັດພິທີເປີດນຳໃຊ້ຂົວຂ້າມທາງເພື່ອອຳນວຍຄວາມສະດວກປອດໄພໃຫ້ພະນັກງານ-ກຳມະກອນລະຫວ່າງສຳນັກງານໃຫຍ່ຫາໂຮງງານຂອງບໍລິສັດໂດຍເຂົ້າຮ່ວມມີ ທ່ານ ປານ ນ້ອຍມະນີ ປະທານສູນກາງສະຫະພັນກຳມະບານລາວ, ທ່ານ ສູນທອນ ພົມມະຈັກ ປະ ທານບໍລິ ສັດເບຍລາວ ຈຳກັດ, ພ້ອມດ້ວຍພະນັກງານ ແລະສື່ມ່ວນຊົນເຂົ້າຮ່ວມ.

  ທ່ານ ສູນທອນ ພົມມະຈັກ ກ່າວວ່າ: ເພື່ອຄວາມປອດໄພໃຫ້ກັບພະນັກງານ-ກຳມະກອນສະນັ້ນບໍລິສັດເບຍລາວຈຳກັດຈຶ່ງເລັງເຫັນຄວາມສຳຄັນ ແລະ ຮຽ ກຮ້ອງໃຫ້ມີການລົງທຶນເຂົ້າໃນໂຄງການກໍ່ສ້າງຂົວຂ້າມທາງລະຫວ່າງຕຶກຫ້ອງການສຳນັກງານໃຫຍ່ຫາເຂດໂຮງງານເພື່ອໃຫ້ຮັບປະກັນຄວາມສະດວກ, ປອດໄພໃຫ້ແດ່ບັນດາພະນັກງານກຳມະກອນໄປມາແຕ່ລະມື້ມີຄວາມສະດວກ. ຊຶ່ງໂຄງການດັ່ງກ່າວໃຊ້ເວລາທັງໝົດ 7 ເດືອນແມ່ນສຳເລັດໂດຍໃຊ້ງົບປະມານທັງ ໝົດ 8 ຕື້ກວ່າກີບ ເປັນການລົງທຶນຂອງບໍລິສັດເອງ,

  ແນວໃດກໍຕາມແຕ່ລະປີຜ່ານມາບໍລິສັດ ເບຍລາວ ຈຳກັດຈັດຕັ້ງປະຕະບັດຕາມນະໂຍບາຍຂອງພັກລັດຄົບຖ້ວນໂດຍໄດ້ຈ່າຍພັນທະງົບປະມານແຕ່ລະປີຊຶ່ງປີ 2018 ຜ່ານມາໄດ້ຈ່າຍ2.200 ຕື້ ກວ່າກີບ ແລະ ແຜນການຕໍ່ໜ້າບໍລິສັດຈະສ້າງເປັນສະຖານທີ່ທ່ອງທ່ຽວໃຫ້ແຂກໄດ້ມາຢ້ຽມຢາມບໍລິສັດເພື່ອສົ່ງເສີມການທ່ອງທ່ຽວຕື່ມອີກ.

ຂ່າວ: ບຸນນິກ     

• 05/04/2019