ລາວ-ໄທ ຮ່ວມຫາລືສ້າງບ້ານວິທະຍາສາດ

  ກົມເຕັກໂນໂລຊີ ແລະນະວັດຕະກຳ, ກະຊວງວິທະຍາສາດ ແລະເຕັກໂນໂລຊີ ສປປ ລາວ ຮ່ວມກັບກະຊວງວິທະຍາສາດ ແລະເຕັກໂນໂລຊີ ຣາຊະອານາຈັກ ໄທ, ຈັດກອງປະຊຸມສຳມະນາ ແລະປຶກສາຫາລືກ່ຽວກັບການຈັດຕັ້ງປະຕິບັດໂຄງການຮ່ວມມື “ການ ສ້າງບ້ານວິທະຍາສາດ” ຢູ່ລາວ.

  ກອງປະຊຸມດັ່ງກ່າວໄດ້ຈັດຂຶ້ນໃນ ວັນທີ 4 ເມສາ 2019, ທີ່ນະຄອນຫຼວງວຽງຈັນ ໂດຍເປັນປະທານຮ່ວມຂອງ ທ່ານ ສຸມານະ ຈຸລາມະນີ, ຫົວໜ້າກົມເຕັກໂນໂລຊີ ແລະນະວັດຕະກຳ ແລະ ທ່ານ ປະຖົມສະຫວັນປັນຍາເລີດ, ຮອງຫົວໜ້າຫ້ອງການ, ກະຊວງວິທະຍາສາດ ແລະເຕັກໂນໂລຊີ ຣາຊະອານາຈັກໄທ, ມີຜູ້ຕາງໜ້າຈາກບັນດາກົມ, ສະຖາບັນຂອງກະຊວງວິທະຍາສາດ ແລະເຕັກໂນໂລຊີ, ມະຫາວິທະຍາໄລແຫ່ງຊາດ ແລະບັນດາກະຊວງຕ່າງໆ.

  ກອງປະຊຸມຄັ້ງນີ້ເປັນການຜັນຂະຫຍາຍຜົນຂອງກອງປະຊຸມຄະນະກຳມະການຮ່ວມມືດ້ານວິທະຍາສາດ ແລະ ເຕັກໂນໂລຊີ ລາວ-ໄທ ແລະກອງປະຊຸມລະດັບລັດຖະມົນຕີວິທະຍາສາດ ແລະ ເຕັກໂນໂລຊີວ່າດ້ວຍການຮ່ວມມືດ້ານວິທະຍາສາດເຕັກໂນໂລຊີ ແລະນະວັດຕະກຳລະຫວ່າງກະຊວງວິທະຍາສາດ ແລະເຕັກໂນໂລຊີ ສປປ ລາວ ແລະກະຊວງວິທະຍາສາດ ແລະເຕັກໂນໂລຊີຣາ ຊະອານາຈັກໄທເພື່ອການພັດທະນາບ້ານໃຫ້ເປັນບ້ານທີ່ທັນສະໄໝໃນຮູບແບບຕ່າງໆຄົບວົງ ຈອນ ເພື່ອຍົກຄຸນນະພາບຊີວິດ ແລະເສດຖະກິດໃນຊຸມຊົນໂດຍການນຳໃຊ້ວິທະຍາສາດເຕັກໂນໂລຊີ ແລະນະວັດຕະກຳເຂົ້າຊ່ວຍໃນການຖ່າຍທອດການພັດ ທະນາພື້ນທີ່ໄປສູ່ການພັດທະນາແບບຢືນຍົງເພື່ອໃຫ້ເກີດເປັນບ້ານຕົວແບບໃນການພັດທະນາຄົນ, ຜົນຜະລິດດ້ານກະສິກຳ, ອຸດສາຫະກໍາໃນເສດຖະກິດຄອ ບຄົວ ແລະພ້ອມທັງ ການສະໜັບສະໜູນວິສະຫະກິດທ້ອງຖິ່ນອີກດ້ວຍ.

  ນອກຈາກນີ້ກອງປະຊຸມຍັງໄດ້ມີການແລກປ່ຽນບົດຮຽນ, ກໍານົດ ແລະວາງແຜນເພື່ອດຳເນີນໂຄງການຮ່ວມມືການສ້າງບ້ານວິທະຍາສາດທີ່ຈະຈັດຕັ້ງປະຕິ ບັດຢູ່ ສປປ ລາວ ໃນອະນາຄົດເພື່ອໃຫ້ ບ້ານວິທະຍາສາດກາຍເປັນພື້ນທີ່ຕົວແບບສຳລັບການເລີ່ມດຳເນີນໂຄງການ.

ຂ່າວ: ກິ່ງລັດຕະນາ 

• 05/04/2019