ກຽມສ້າງແຜນພັດທະນາສາທາລະນະສຸກ 5 ປີ

  ລັດຖະບານກໍຄືກະຊວງສາທາລະນະສຸກກຳລັງກະກຽມສ້າງແຜນພັດທະນາສາທາລະນະສຸກ 5 ປີ ຄັ້ງທີ IX ທັງນີ້ກໍເພື່ອສ້າງມາດຕະຖານຄຸນນະພາບການບໍລິການສຸຂະພາບທີ່ີຄົບຊຸດ, ທັນສະໄໝ ແລະເຮັດໃຫ້ປະຊາຊົນໄດ້ຮັບການບໍລິການປິ່ນປົວຢ່າງທ່ົວເຖິງ ແລະ ມີຄຸນນະພາບ.

  ວັນທີ 4 ເມສາ 2019 ທີ່ນະຄອນຫຼວງວຽງຈັນ ກະຊວງສາທາລະນະສຸກໄດ້ຈັດສໍາມະນາປະກອບແນວຄວາມຄິດການກະກຽມສ້າງແຜນພັດທະນາສາທາລະ ນະສຸກ 5 ປີ ຄັ້ງທີ IX ໂດຍການເປັນປະທານຂອງທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ທ່ານ ຄໍາພອນ ພຸດທະວົງ ຮອງລັດຖະມົນຕີກະຊວງສາທາລະນະສຸກ, ມີບັນດາຫົວໜ້າຫ້ອງການສາທາລະນະສຸກ, ຮອງຫົວໜ້າກົມແຜນການ ແລະການຮ່ວມມື, ກົມປິ່ນປົວ ແລະຟື້ນຟູໜ້າທີ່ການ, ກົ ມຈັດຕັ້ງ ແລະກົວການເງິນເຂົ້າຮ່ວມ.

  ທ່ານ ບຸນກອງ ສີຫາວົງ ກ່າວວ່າ: ການຈັດສໍາມະນາຄັ້ງນີ້ເພື່ອກະກຽມສ້າງແຜນພັດທະນາສາທາລະນະສຸກ 5 ປີ ຄັ້ງທີ IX ແລະປຶກສາຫາລືກອບວຽກປະ ຕິຮູບສາທາລະນະສຸກໄລຍະ III (2021-2025) ເພື່ອບັນລຸການປົກຄຸມສຸຂະພາບທົ່ວປວງຊົນ (UHC) ເພື່ອກະກຽມສ້າງແຜນ ແລະ ວາງທິດທາງການປະຕິບັດວຽກຂອງກຸ່ມວິຊາການເພື່ອບັນລຸການປົກຄຸມສຸຂະພາບທົ່ວປວງຊົນ (UHC) ເພື່ອສ້າງຄວາມເຂັ້ມແຂງໃຫ້ກົມມະຫາພາກສາມາດກໍານົດສ້າງແຜ ນພັດທະນາສາທາລະນະສຸກ 5 ປີ ຄັ້ງທີ IX (2021-2025) ສ້າງແຜນພັດທະນາສາທາລະນະສຸກ ແລະກໍານົດທິດທາງກອບວຽກຂອງກຸ່ມວິຊາການ, ຮ່ວມປະສານງານຂັ້ນສູນກາງ, ທ້ອງຖິ່ນ ແລະຄູ່ຮ່ວມພັດທະນາ ແລະ ອົງການຈັດຕັ້ງສາກົນ, ເພື່ອເປັນການສະຫຼຸບການຈັດຕັ້ງປະຕິບັດຍຸດທະສາດປະຕິຮູບສາທາ ລະນະສຸກໄລຍະ I ແລະ II ແລະສ້າງແຜນກອບວຽກງານປະຕິຮູບສາທາລະນະສຸກໄລຍະ III (2021-2025) ໂດຍສຸມໃສ່ບັນລຸການປົກຄຸມສຸຂະພາບທົ່ວປ ວງຊົນ (UHC) ແລະ ການພັດທະນາແບບຍືນຍົງ (SDGs) ປີ 2030 ແລະ ການກໍານົດໃນການສ້າງມາດຕະຖານຄຸນນະພາບການບໍລິການສຸຂະພາບຄົບຊຸດໃຫ້ມີຄຸນນະພາບ ແລະ ທັນສະໄໝ, ເພື່ອເຮັດໃຫ້ປະຊາຊົນໄດ້ຮັບການບໍລິການໃຫ້ທົ່ວເຖິງ ແລະ ມີຄຸນນະພາບໃນເວລາຈໍາເປັນ.

ຂ່າວ: ວົງມະນີ   

แชร์