ສ້າງຄວາມເຂົ້າໃຈໃຫ້ຜູ້ປະກອບການເຂົ້າຫາແຫຼ່ງທຶນ

  ຫວ່າງບໍ່ດົນມານີ້ທະນາຄານພັດທະນາລາວສາຂາແຂວງ ສະຫວັນນະເຂດ ໄດ້ຈັດຊຸດສຳມະນາພາຍໃຕ້ຫົວຂໍ້ “ການເຂົ້າຫາແຫຼ່ງທຶນ” ໂດຍມີບັນດານັກທຸລະ ກິດ ແລະຜູ້ປະກອບການພາຍໃນແຂວງເຂົ້າຮ່ວມ.

  ທ່ານ ໄລທອງ ວົງຕັນບາ ຫົວໜ້າສາຂາທະນາຄານພັດທະນາລາວ ແຂວງສະຫວັນນະເຂດໄດ້ໃຫ້ຮູ້ເຖິງຈຸດປະສົງຂອງການຈັດສຳມະນາຄັ້ງນີ້ວ່າ: ແມ່ນເພື່ອນຳສະເໜີຜະລິດຕະພັນຕ່າງໆ,ການບໍລິການ ແລະການເຂົ້າຫາແຫຼ່ງທຶນຂອງບັນດາວິສາຫະກິດ,ໂດຍອີງໃສ່ແນວທາງນະໂຍບາຍຂອງພັກ-ລັດຖະບານໃນການສົ່ງເສີມຜະລິດຕະພັນພາຍໃນໃຫ້ກາຍເປັນສິນຄ້າ ແລະຫັນເປັນອຸດຫະກຳທີ່ທັນສະໄໝເທື່ອລະກ້າວໂດຍນຳໃຊ້ຍຸດທະສາດເອົາທ່າແຮງທີ່ມີຢູ່ພາຍໃນເປັນຫຼັກ.

  ໃນຍຸກປະຈຸບັນ, ເຫັນໄດ້ວ່າຜູ້ປະກອບການທຸລະກິດຂະໜາດນ້ອຍ ແລະກາງແມ່ນກວມເອົາອັດຕາສູງ ແລະຍັງຂາດແຄນທາງດ້ານເຕັກນິກວິຊາການ,ດ້ານເຕັກໂນໂລຊີທີ່ທັນສະໄໝ ແລະ ທຶນຮອນເພື່ອນຳມາຂະຫຍາຍທຸລະກິດໃຫ້ມີປະສິດທິຜົນສູງຂຶ້ນ. ສຳລັບທະນາຄານພັດທະນາລາວໂດຍເຫັນໄດ້ຄວາມສຳຄັນຂ ອງວຽການສົ່ງເສີມ SME ແລະ ທັງເປັນການສືບຕໍ່ປະກອບສ່ວນຜັນຂະຫຍາຍນະໂຍບາຍຂອງພັກ ແລະ ລັດຖະບານໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດໃຫ້ບັນລຸຕາມແຜນການ ແລະເປົ້າໝາຍທີ່ວາງໄວ້. ທະນາຄານພັດທະນາລາວໄດ້ຮັບການສະໜອງທຶນຈາກກອງທຶນສົ່ງເສີມ S ME ບ້ວງ ທີ 1 ຈຳນວນ 14 ຕື້ກີບ (ໄດ້ມີການຕໍ່ສັນຍາ ແລະເພີ່ມວົງເງິນເປັນ 16 ຕື້ກີບ ເມື່ອບໍ່ດົນມານີ້), ບ້ວງທີ 2 ຈຳນວນ 16 ຕື້ກີບ ລວມທັງໝົດ 32 ຕື້ກີບ, ຮອດປະຈຸບັນເງິນທັງສອງບ້ວງສາມາດປ່ອຍກູ້ອີກ 8 ຕື້ກີບ ເພື່ອນຳມາປ່ອຍກູ້ຕໍ່ໃຫ້ວິສາຫະກິດ SME ທີ່ຕ້ອງການນຳໃຊ້ທຶນດັ່ງກ່າວໃນການຂະຫຍາຍທຸລະກິດໃນອັດຕາດອກເບ້ຍຕ່ຳ.

  ຊຸດສຳມະນາຄັ້ງນີ້ຍັງໄດ້ມີການສົນທະນາໃນຫົວຂໍ້ການເຂົ້າຫາແຫຼ່ງທຶນໂດຍມີບັນດາທ່ານຜູ້ມີປະສົບການທາງດ້ານການດຳເນີນທຸລະກິດຈາກພາກສ່ວນຕ່າງເຂົ້າຮ່ວມສົນທະນາທັງນີ້ກໍ່ເພື່ອເຮັດໃຫ້ຜູ້ເຂົ້າຮ່ວມໃນຊຸດສຳມະນາຄັ້ງນິ້ໄດ້ຮັບຂໍ້ມູນທີ່ຖືກຕ້ອງ ແລະສ້າງຄວາມເຂົ້າໃຈເພີ່ມຕື່ມໃຫ້ກັບບັນດາທ່ານຈາກພາກທຸລະກິດຕ່າງໆຕື່ມອີກ.

ຂ່າວ: ນສພ ເສດຖະກິດ-ສັງຄົມ

แชร์