ລາວ ແລະອາເມລິກາ ຮ່ວມຫາລືທະວີພາຄີຄັ້ງທີ 9

   ໃນທ້າຍເດືອນມີນາ 2019 ສະຫະລັດອາເມລິກາ ແລະ ສປປ ລາວ ໄດ້ຮ່ວມປຶກສາຫາລືທະວີພາຄີຄັ້ງທີ 9 ທີ່ວໍຊິງຕັນດີຊີ ເພື່ອສະທ້ອນໃຫ້ເຫັນເຖິງສາຍພົວພັນຂອງສອງຊາດທີ່ນັບມື້ນັບຂະຫຍາຍໂຕຢ່າງກວ້າງຂວາງຊຶ່ງນຳໂດຍ ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ສປປ ລາວ ພ້ອມດ້ວຍຄະນະ, ມີທ່ານ ຄຳພັນ ອັ່ນລາວັນ ເອກອັກຄະລັດຖະທູດແຫ່ງ ສປປ ລາວ ປະຈຳ ສ.ອາເມລິກາ ທ່ານ Patrick Murphy ຜູ້ຊ່ວຍລັດຖະ ມົນຕີກະຊວງການຕ່າງປະເທດປະຈໍາພາກພື້ນອາຊີ ແລະປາຊີຟິກ ແລະ ທ່ານເອກອັກຄະລັດຖະທູດສະຫະລັດອາເມລິກາປະຈຳ ສປປ ລາວ ເອກອັກຄະລັດຖະ ທູດສະຫະລັດອາເມລິກາປະຈຳລາວ, ທ່ານ ນາງ ຣີນາບິດເຕີ ມີທັງຜູ້ຕາງຫນ້າອາວຸໂສຈາກກະຊວງປ້ອງກັນປະເທດ, ກະຊວງຄຸ້ມຄອງພົນລະເຮືອນ, ກະຊວງການຄ້າ ແລະກະຊວງກະສິກຳລວມທັງຫ້ອງການຕາງໜ້າການຄ້າ ສ. ອາເມລິກາ ແລະ ອົງການພັດທະນາສາກົນອາເມລິກາເຂົ້າຮ່ວມ.

 ການພົບປະຄັ້ງນີ້ເຈົ້າຫນ້າທີ່ທັງສອງຝ່າຍໄດ້ຕົກລົງເຫັນດີໃນການສືບຕໍ່ເສີມຂະຫຍາຍການຮ່ວມມືແບບກວມລວມໃນຖະແຫຼງການຮ່ວມວ່າດ້ວຍການຮ່ວມ ມືແບບກວມລວມໃນປີ 2016 ລະຫວ່າງ ສ.ອາເມລິກາ ແລະ ສປປ ລາວ ພ້ອມທັງໄດ້ຮ່ວມກັນຊອກຫາວິທີທາງໃນການຮ່ວມມືດ້ານຂະແໜງການໃຫມ່ນໍາອີກ. ທັງສອງຝ່າຍຍັງໄດ້ປຶກສາຫາລືກ່ຽວກັບການລົງທຶນທາງດ້ານເສດຖະກິດທີ່ມີຄຸນນະພາບສູງ, ການພັດທະນາພ້ອມທັງຊີ້ໃຫ້ເຫັນບັນດາໂອກາດຕ່າງໆເພື່ ອທີ່ຈະໄດ້ຂະຫຍາຍວຽກງານທາງດ້ານການຄ້າ ແລະທຸລະກິດໃຫ້ນັບມື້ນັບເພີ່ມຂື້ນ.

  ນອກຈາກນັ້ນເຈົ້າຫນ້າທີ່ທັງສອງຝ່າຍຍັງໄດ້ພ້ອມກັນປຶກສາຫາລືກ່ຽວກັບສິດທິມະນຸດ, ການສະໜັບສະໜູນຈາກສະຫະລັດ ສ. ອາເມລິກາ ໃນການເກັບກູ້ລະເບີດທີ່ບໍ່ທັນແຕກ, ສາຍພົວພັນລະຫວ່າງປະຊາຊົນທັງສອງຊາດ ແລະຮ່ວມມືກັນເພື່ອຍຸດຕິການຄ້າມະນຸດ, ບັນຫາຢາເສບຕິດ ແລະບັນຫາການຄ້າຂາຍສັດປ່າ. ສ.ອາເມລິກາ ແລະ ສປປ ລາວ ຍັງໄດ້ເຫັນພ້ອມກັນວ່າການປົກຄອງດ້ວຍລັດແຫ່ງກົດໝາຍ, ບັນດາພົນລະເຮືອນໃນສັງຄົມແມ່ນມີບົດບາດຫນ້າທີ່ອັນສຳຄັນໃນການປົກປ້ອງອະທິປະໄຕ, ຄວາມໂປ່ງໃສ່ ແລະການຮ່ວມຜົນປະໂຫຍດອັນເທົ່າທຽມກັນທາງດ້ານຄວາມຜາສຸກໃນຂົງເຂດອິນໂດຍປາຊິຟິກ.

ຂ່າວ: ນສພ ເສດຖະກິດ-ສັງຄົມ

• 04/04/2019