ປີແລ້ວ ສີສົມບັດເຊົ່າເຊື່ອ ທຸລະກິດຂະຫຍາຍຕົວເກີນເປົ້າໝາຍ

ຖືວ່າຍັງຮັກສາມາດມາດຖານການບໍລິການ ແລະ ໃຫ້ບໍລິການທີ່ດີຫລາຍ ສໍາລັບບໍລິສັດ ສີສົມບັດ ເຊົ່າສິນເຊື່ອ ຈໍາກັດ ສາຂານະຄອນປາກເຊ ແຂວງຈໍາປາສັກ ເຖີງຈະພົບອຸປັກສັກຫລາຍຢ່າງ ແຕ່ກໍ່ສາມາດເຮັດໃຫ້ທຸລະກິດຂະຫຍາຍຕົວ ແລະ ເກີນຄາດເປົ້າໝາຍທີ່ວາງໄວ  ພ້ອມຕັ້ງເປົ້າປີນີ້ຈະສູ້ຊົນຊົນເຮັດໃຫ້ທຸລະກິດສືບຕໍ່ຂະຫຍາຍເພີ່ມຂື້ນອີກ.

ທ່ານ ຈັກກະວານ ພະຈະເລີນໄຊ ຫົວໜ້າໜ່ວຍບໍລິການບໍລິສັດ ສີສົມບັດ ເຊົ່າສິນເຊື່ອງ ຈໍາກັດ ສາຂານະຄອນປາກເຊ ແຂວງຈໍາປາສັກ, ໄດ້ເປີດເຜີຍຕໍ່ນັກຂ່າວໜັງສືພິມ ເສດຖະກິດ-ສັງຄົມ ເມື່ອບໍ່ດົນມານີ້ວ່າ: ຄວາມເປັນມາຂອງບໍລິສັດເບື້ອງຕົ້ນ ເປັນພຽງໂຮງຊວດຈໍາເຂັມພອນທໍາມະດາ ແຕ່ພານຫລັງທີ່ເຫັນວ່າທຸລະກິດມີການຕອບຮັບ ແລະ ນັບມືຂະຫຍາຍຕົວເພີ່ມຂື້ນ ຈົນເຮັດບໍ່ສາມາດຮອງຮັບສະຖານທີ່ຈອດລົດຂອງລູກຄ້າທີ່ມາຈໍາໄດ້ພຽງພໍ, ດັ່ງນັ້ນມາໃນປີ 2015 ຈີ່ງໄດ້ຫັນປ່ຽນທຸລະກິດ ມາເປັນບໍລິສັດ ສີສົມບັດ ເຊົ່າສິນເຊື່ອ ຈໍາກັດ ແລະ ໄດ້ເປີດໃຫ້ບໍລິການຢູ່ນະຄອນຫລວງວຽງຈັນ, ພາຍຫລັງທີ່ໄດ້ເປີດໃຫ້ບໍລິການກໍ່ເຫັນວ່າລູກຄ້າໃຫ້ຄວາມສົນໃຈຍິ່ງຂື້ນ ທຸລະກິດມີການຂະຫຍາຍຕົວຫລາຍຂື້ນ ສະນັ້ນບໍລິສັດຈີ່ງໄດ້ຂະຫຍາຍໜ່ວຍບໍລິການເພີ່ມຂື້ນຢູ່ແຂວງຈໍາປາສັກ ແລະ ສືບຕໍ່ຂະຫຍາຍໜ່ວຍບໍລິການຕື່ມອີກຢູ່ແຂວງສະຫວັນນະເຂດ.

ຫົວໜ້າໜ່ວບໍລິການກ່າວຕື່ມວ່າ: ໃນສົກປີ 2022 ຜ່ານມາ ການດໍາເນີນງານຕົວຈີງໃນໄລຍະ 1ປີ ເຫັນວ່າທາງໜ່ວຍບໍລິການແຂວງຈໍາປາສັກ ມີທັງສີ່ງທ້າຍທາຍ ແລະ ສິ່ງເອື້ອອໍານວຍຄວາມສະດວກ ໃຫ້ແກ່ການດໍາເນີນງານເຊັ່ນ: ສະພາບການແຜ່ລະບາດຂອງເຊື້ອພະຍາດໂຄວິດ-19 ໄດ້ສືບຕໍ່ຫລຸດລົງ ປະຊາຊົນສາມາດກັບມາດໍາລົງຊີວິດໄດ້ເກືອບແບບປົກຄະຕິ, ບັນດາບໍລິສັດຮ້າງຮ້ານກັບມາເປີດບໍລິການ, ທຸລະກິດເລີ່ມຟື້ນຕົວ ເຮັດໃຫ້ປະຊາຊົນ ຫລື ບັນດາທຸລະກິດຕ່າງໆກ້າທີ່ຈະກູ້ຢຶມເງິນ ເພື່ອມາລົງທຶນໃສ່ທຸລະກິດຂອງຕົນຫລາຍຂື້ນ, ຊຶ່ງເຮັດໃຫ້ຈໍານວນລູກຄ້າໝົດປີ 2022 ເພີ່ມຂື້ນ 8%, ສ່ວນຈໍານວນເງິນກູ( ເອົາລົດມາຈໍາ ) ກໍ່ເພີ່ມຂື້ນເຖີງ 15%, ສ່ວນໜີ້ຄົງຄ້າງເນື່ອງຈາກການແຜ່ລະບາດຂອງເຊື້ອພະຍາດໂຄວິດ-19 ໃນປີຜ່ານກໍ່ສາມາດແກ້ໄຂໄດ້ທັນໝົດໃນປີ 2022, ຕໍ່ສິ່ງອໍານວຍຄວາມສະດວກນີ້ກໍ່ຍັງມີສີ່ງທ້າທາຍອັນໄໝ່ ໃຫ້ແກ່ບໍລິສັດຂອງພວກເຮົາກໍ່ຄືບັນດາບໍລິສັດອື່ນໆ ໂດຍສະເພາະແມ່ນບັນຫາເງິນເຟີ້ທີ່ສູງຂື້ນ, ເຮັດໃຫ້ປະຊາຊົນ ຫລື ບັນດາທຸລະກິດຕ່າງໆມີຄວາມກັງວົນຫລາຍຂື້ນທີ່ຈະລົງທຶນ ເພາະຍັງບໍ່ໝັ້ນໃຈວ່າທ່າອ່ຽງຂອງເງິນເຟີ້ ຈະສືບຕໍ່ຝັນປ່ຽນໄປໃນທິດທາງໃດ.

ຢ່າງໃດກໍ່ຕາມທ່ານ ຈັກກະວານ ພະຈະເລີນໄຊ ກ່າວວ່າ: ໃນສົກປີ 2023 ທາງສໍານັກງານໃຫຍ່ໄດ້ກໍານົດແຜນໃຫ້ທຸກໜ່ວຍບໍລິການ ຕ້ອງໄດ້ສືບຕໍ່ເຮັດໃຫ້ຈໍານວນລູກຄ້າເພີ່ມຂື້ນ ແລະ ຈໍານວນເງິນກູ້ໃຫ້ໄດ້ຫລາຍກວ່າປີຜ່ານມາ, ໂດຍທາງສໍານັກງານໃຫຍ່ໄດ້ອອກນະໂຍບາຍຕ່າງໆທີ່ພັກດັນໃຫ້ໄດ້ຕາມແຜນເຊັ່ນ: ຫລຸດດອເບ້ຍເງິນກູ້ຈາກ 1,5% ລົງມາເຫລືອພຽງ 1,1%, ໃຫ້ນະໂຍບາຍພິເສດແກ່ລູກຄ້າທີ່ຈະປິດຍອດກ່ອນກໍານົດ ໂດຍຫລຸດດອກເບ້ຍທີ່ຍັງເຫລືອໃຫ້ເຖີງ 50% ພ້ອມກັນນັ້ນລູກຄ້າທີ່ຢູ່ຄົບສັນຍາ ທາງບໍລິສັດມີນະໂຍບາຍຈ່າຍເງິນຄ່າໂອນທະບຽນຄືນໃຫ້ລູກຄ້າ, ນອກນີ້ໃນຊ້ວງເທດສະການພິເສດເຊັ່າ: ປີໄໝ່ລາວ ຫລື ວັນອອກພັນສາ ກໍ່ຍັງມີນະໂຍບາຍຫລາຍກວ່ານີ້ອີກ.

ໂດຍ: ໂພທິລາດ

แชร์