ກຸ່ມໂຮງຮຽນມັດທະຍົມຫົງສາ ສອບເສັງນັກຮຽນເກັ່ງ ປະຈຳສົກຮຽນ 2022-2023

ແຫຼ່ງຂ່າວ ເມືອງຫົງສາ ແຂວງໄຊຍະບູລີ ໃຫ້ຮູ້ວ່າ: ກຸ່ມໂຮງຮຽນມັດທະຍົມຫົງສາ ຈັດສອບເສັງນັກຮຽນເກັ່ງ ແລະຖາມ-ຕອບ ຄວາມຮູ້ວິທະຍາສາດຂັ້ນກຸ່ມປະຈຳສົກຮຽນ 2022-2023 ໃນວັນທີ 6 ມັງກອນຜ່ານມາ ໂດຍນັກສອບເສັງທີ່ໄດ້ທີ I, ທີ II ແລະ ທີ III ແມ່ນຈະໄດ້ເຂົ້າຮ່ວມສອບເສັງຂັ້ນເມືອງ ແລະຈະຄັດເລືອກເອົາຜູ້ທີ່ໄດ້ລະດັບ I ຂອງເມືອງ ໄປສອບເສັງໃນລະດັບຕໍ່ໄປຢູ່ແຂວງ ແລະລະດັບປະເທດ.

ໂອກາດນີ້ ທ່ານ ຈັນທາ ຂັນຕິແກ້ວ ອຳນວຍການໂຮງຮຽນ ມສ ຫົງສາ ຫົວໜ້າກຸ່ມແຂ່ງຂັນສອບເສັງ ໄດ້ໃຫ້ຮູ້ວ່າ: ການແຂ່ງຂັນສອບເສັງນັກຮຽນເກັ່ງ, ຖາມ-ຕອບ ຄວາມຮູ້ວິທະຍາສາດຂັ້ນກຸ່ມໂຮງຮຽນມັດທະຍົມຫົງສາ ປະຈຳສົກຮຽນນີ້ ປະກອບມີ 5 ໂຮງຮຽນເຂົ້າຮ່ວມຄື: ໂຮງຮຽນ ມສ ຫົງສາ, ໂຮງຮຽນ ມສ ນາປຸ່ງ, ໂຮງຮຽນ ມສ ພູແລ້ງ, ໂຮງຮຽນ ມ ຕົ້ນ ປາກຫ້ວຍຍາງ ແລະ ໂຮງຮຽນ ມ ຕົ້ນ ແທ່ນຄຳ, ມີນັກສອບເສັງເຂົ້າຮ່ວມທັງໝົດ 48 ຄົນ, ຍິງ 29 ຄົນ. ໃນນີ້, ຊັ້ນມັດທະຍົມຕອນຕົ້ນ (ມ4) ມີ 31 ຄົນ, ຍິງ 19 ຄົນ ແລະ ຊັ້ນມັດທະຍົມຕອນປາຍ (ມ7) ມີ 17 ຄົນ, ຍິງ 10 ຄົນ ໂດຍ ສອບເສັງໃນ 4 ວິຊາຫລັກຄື: ວິຊາພາສາລາວ-ວັນນະຄະດີ, ຄະນິດສາດ, ເຄມີສາດ ແລະວິຊາຟີຊິກສາດ.
ຂປລ. ຂ່າວ-ພາບ: ກິດຕິສັກ ບົວໄລ

แชร์