ເປີດໂຕ Oppo F11 ແລະF11 Pro ໜ້າຈໍໄຮ້ຂອບ

Oppo  ເປີດໂຕສະມາດໂຟນລຸ້ນໃໝ່ຫຼ້າສຸດຂອງບໍລິສັດໃນລຸ້ນ  F11  ແລະF11 Pro  ໂດຍຈະເລີ່ມ ວາງຈຳໜ່າຍໃນປະເທດອິນເດຍຊຶ່ງກ່ອນໜ້າຈະເປີດໂຕກໍມີຂ່າວ ຫຼຸດອອກມາຫຼາຍພໍສົມຄວນ.

ຂໍ້ແຕກຕ່າງສຳຄັນລະຫວ່າງ F11 ແລະF11 Pro ຄືດິໄຊໜ້າ  ຈໍ ໂດຍລຸ້ນ F11 ຈະມີຮອຍບາກ ເປັນຮູບຢອດນ້ຳໃນຂະນະທີ່ລຸ້ນ F11 Pro ຈະໃຊ້ດິໄຊເປັນກ້ອງ ແບບປ໊ອປອັບ Oppo F11 ແລະ F11 Pro ໃຊ້ໜ້າຈໍ IPS LCD ຂະໜາດ  6,53  ນິ້ວຄວາມລະອຽດ 1080x2340  ພິກເຊລຊຶ່ງ Oppoຢືນຢັນວ່າໃຊ້ແຣມຂອງຕົວເອງ ເພື່ອປະຢັດແບັດເຕີຣີໃຫ້ຫຼາຍຂຶ້ນ  ກ້ອງໜ້າຄວາມລະອຽດ 16  ລ້ານພິກເຊລ f/2.0 ດ້ານຫຼັງມີກ້ອງ ສອງຕົວກ້ອງຫຼັກມີຄວາມລະອຽດ 48 ລ້ານພິກເຊລ f/1.8 ແລະອີກ ເລນເປັນກ້ອງຄວາມລະອຽດ 5 ລ້ານພິກເຊລ f/2.4 ສຳລັບຖ່າຍ ໜ້າແຈ້ງຫຼັງເບີກ້ອງຫຼັກຈະມີຄ່າ ເລີ່ມຕົ້ນທີ່ 12 ລ້ານພິກເຊລດ້ວຍ ເຕັກໂນໂລຊີການລວມພິກເຊລຈະ ເຮັດໃຫ້ພາບທີ່ໄດ້ຄົມຊັດ ແລະນອຍ ສ໌ຕໍ່າ ແລະຍັງມີ Ultra Night Mode  ທີ່ທຳງານຄ້າຍຄືກັບ  Night Sight ຂອງ Google ຫຼື Night Mode ຂອງ Huawei  ແລະຍັງ ມີ AI ຮອງຮັບການເລືອກສາກ ຕ່າງໆຫຼາຍເຖິງ 23 ແບບພ້ອມຍັງມີໂໝດເພີ່ມຄຸນນະພາບສີ ຊຶ່ງ Oppo ເອີ້ນວ່າ Color Mapping Oppo F11 ແລະOppo F11 Pro ມີແບັດເຕີຣີຄວາມຈຸ 4000mAh ຮອງຮັບ Fast Charge VOOC 3.0 ແຕ່ໜ້າ ເສຍດາຍທີ່ຍັງໃຊ້ພອດແບບ micro USB ຢູ່ຄືເກົ່າດ້ານສະເປັກ F11 ແລະF11 Pro ໃຊ້ຊິບປະມວນຜົນ MediatekHelio P70 ແຣມ  4GB  ຄວາມຈຸພາຍໃນເຄື່ອງ 64GB ແລະ128 GB  ບໍ່ຮອງຮັບ microSD ຫຼື ແມມໂມຣີກາດເພີ່ມຄວາມຈຸພາຍນອກທຸກຊະນິດ.

Oppo  ຈະວາງຈຳໜ່າຍ  F11 ແລະF11 Pro ໃນອິນເດຍກ່ອນ ລາຄາເລີ່ມຕົ້ນ 24.990 ຣູປີປະ ມານ 328,57 ໂດລາສະຫະລັດ ໂດຍລຸ້ນໂປຣຈະໃຊ້ດິໄຊແບບໄລ່ເສດສີໄດ້ແກ່ Thunder Black ແລະAurora Green  ສ່ວນ  F11 ມີໃຫ້ເລືອກ 3 ສີຄື: Flourite  Purple, Marble Green ຫຼື Jewelry White.

แชร์