ໄຊຍະບູລີ ມີຄອບຄົວວັດທະນະທຳ 60 ພັນກວ່າຄອບຄົວ

  ຕາມການໃຫ້ຂໍ້ມູນຈາກພະ ແນກ ຖວທ ແຂວງໄຊຍະບູລີ ໃຫ້ຮູ້ ວ່າມາຮອດປະຈຸບັນທົ່ວແຂວງໄຊ ຍະບູລີ ສ້າງຄອບຄົວວັດທະນະທຳ ໄດ້ແລ້ວ 64.540 ຄອບຄົວ ແລະ ໄດ້ປະກາດເປັນບ້ານວັດທະນະທຳ ໄດ້ 368 ບ້ານ. ໃນຈຳນວນບ້ານ ທັງໝົດໃນທົ່ວແຂວງ 432 ບ້ານ, ແຂວງໄຊຍະບູລີ ມີທັງໝົດ 11   ເມືອງ ມີ 432 ບ້ານ, ມີພົນລະ ເມືອງທັງໝົດ 396,496 ຄົນ, ຍິງ 193.950 ຄົນ ປະກອບມີ 8 ຊົນເຜົ່າຢູ່ຮ່ວມກັນ.

ໃນໄລຍະ 1 ປີ ຜ່ານມາວຽກ ງານສ້າງຄົນ,  ຄອບຄົວ, ບ້ານວັດທະນະທຳ, ກຸ່ມບ້ານ, ກົມກອງວັດທະ ນະທຳ ແລະບ້ານວັດທະນະທຳແບບ ຢ່າງທີ່ຮັບຮອງເປັນບ້ານວັດທະນະ ທຳໄປແລ້ວໃຫ້ມີການປົກປັກຮັກສາ ນາມມະຍົດໄວ້ພ້ອມສຶບຕໍ່ກວດກາ ປະເມີນຜົນບ້ານ  ແລະຄອບຄົວທີ່ຈະ ປະກາດຮັບຮອງໃໝ່ຕາມ 5 ມາດ ຖານເງື່ອນໄຂຂອງຄອບຄົວວັດທະນະທຳເຊັ່ນ: ຕ້ອງມີເຮືອນຢູ່ເປັນຂອງຕົນເອງແຕ່ເຄິ່ງຖາວອນຂຶ້ນ ໄປ,ມີອາຊີບໝັ້ນທ່ຽງຖືກຕ້ອງຕາມກົດໝາຍ ແລະກຸ້ມກິນຕ້ອງເປັນ ຄອບຄົວມີຄວາມສາມັກຄີຖືກຕ້ອງ ປອງດອງກັນສະເໜີພາບ ແລະບໍ່ສ້າງຄວາມຫຍຸ້ງຍາກໃຫ້ແກ່ອຳນາດການປົກຄອງ, ຕ້ອງເອົາໃຈໃສ່ ລ້ຽງລູກໃຫ້ຖືກຫຼັກອານາໄມອົບຮົມສັ່ງສອນລູກເປັນຄົນດີມີຄວາມກະ ຕັນຍູຕໍ່ຜູ້ມີພະຄຸນ ແລະສົ່ງລູກໃຫ້ ໄດ້ຮັບການສຶກສາຮໍ່າຮຽນ; ຕ້ອງເປັນຄອບຄົວທີ່ດຳລົງຊີວິດປອດໃສຂາວສະອາດບໍ່ເຊື່ອຖືງົມງວາຍ, ຮັກສາວັດທະນະທຳ-ຮີດຄອງປະເພນີອັນດີງາມຂອງຊາດ ແລະ ນັບຖືລະບຽບກົດໝາຍ; ຕ້ອງເປັນຄອ ບຄົວ ທີ່ມີຄວາມສາມັກຄີຊ່ວຍເຫຼືອເພື່ອແຜ່ເຊິ່ງກັນ ແລະກັນພາຍໃນບ້ານປະກອບສ່ວນວຽກງານສາທາລະປະໂຫຍດຂອງບ້ານເມືອງຊຶ່ງມາຮອດປະຈຸບັນໃນທົ່ວແຂວງໄຊຍະບູລີ ແມ່ນສ້າງຄອບຄົວວັດທະນະທຳໄດ້ 64.540 ຄອບຄົວ ທຽບໃສ່ປີຜ່ານມາປະຕິບັດໄດ້ 2.206 ຄອບຄົວ ເທົ່າກັບ 87,08% ຂອງຄ ອບຄົວທັງໝົດຫຼຸດຄາດໝາຍທີ່ວາງໄວ້ 1.509  ຄອບຄົວ. ໄດ້ປະກາດບ້ານວັດທະນະທຳແລ້ວ 368 ບ້ານທຽບ ໃສ່ປີຜ່ານມາປະຕິບັດໄດ້ 21 ບ້ານ ເທົ່າກັບ 83,76% ຂອງບ້ານທັງ ໝົດຫຼຸດຄາດໝາຍ 3 ບ້ານ. ສ້າງກົມ ກອງວັດທະນະທຳໄດ້  32  ກົມກອງ ແລະກຸ່ມບ້ານວັດທະນະທຳໄດ້ 3 ກຸ່ມພ້ອມນີ້ຍັງກຽມປະກາດເປັນບ້ານ ວັດທະນະທຳແບບຢ່າງ 4 ບ້ານ.

  ເພື່ອຮັບປະກັນໃຫ້ວັດທະນະທຳເປັນພື້ນຖານຢືນຍົງເສີມຂະຫຍາຍອະລິຍະທຳທາງດ້ານຈິດໃຈເພື່ອພັດທະນາໄປຄຽງຄູ່ກັບການຂະຫຍາຍຕົວຂອງເສດຖະກິດຕ້ອງໄດ້ເອົາໃຈໃສ່ພັດທະນາມູນມໍລະດົກທາງທຳມະຊາດ, ປະຫວັດສາດ ແລະທຳມະຊາດໃຫ້ຕິດພັນກັບການທ່ອງທ່ຽວສູ້ຊົນສຸມໃສ່ຂະບວນການສ້າງຄອບຄົວວັດທະນະທຳໃຫ້ໄດ້  3.000 ຄອບຄົວ, ບ້ານວັດທະນະທຳໃຫ້ໄດ້ 28 ບ້ານ, ບ້ານວັດທະນະທຳແບບ ຢ່າງຢືນຍົງຕິດພັນກັບການທ່ອງ ທ່ຽວໃຫ້ໄດ້ 20 ບ້ານ   ແລະກົມກອງວັດທະນະທຳໃຫ້ໄດ້ 39 ກົມກອງ, ນັບແຕ່ປີ 2019-2020 ສ່ວນຄາດໝາຍສູ້ຊົນໃນປີ 2019 ຕ້ອງສ້າງຄອບຄົວວັດທະນະທຳໃຫ້ໄດ້   1.500 ຄອບຄົວ,  ບ້ານວັດທະນະທຳໃຫ້ໄດ້ 14 ບ້ານ, ບ້ານວັດທະນະທຳແບບ ຢ່າງຢືນຍົງຕິດພັນກັບການທ່ອງ ທ່ຽວໃຫ້ໄດ້  10  ບ້ານ ແລະກົມກອງ ວັດທະນະທຳໃຫ້ໄດ້ 19 ກົມກອງ.

ຮຽບຮຽງໂດຍ: ບຸນທີ

แชร์