ອາດສະພອນ ຈັດຄາລາວານທ່ອງທ່ຽວ ທຳມະຊາດດານຜາເຜິ້ງ

ຄາລາວານທ່ອງທ່ຽວທຳມະຊາດຜາເຜິ້ງ ທີ່ບ້ານນາຍອນ ເມືອງອາດສະພອນ ແຂວງສະຫວັນ ນະເຂດ ໄດ້ຈັດຂຶ້ນໃນລະຫວ່າງວັນ ທີ 29-30 ມີນາ 2019 ນີ້, ໂດຍການນຳທ່ຽວຂອງທ່ານ ແສງທອງ ວັງແກ້ວມະນີ ເຈົ້າເມືອງອາດສະ ພອນ, ມີບັນດາທ່ານພະນັກງານ ການນຳຂອງເມືອງ, ນັກທ່ອງທ່ຽວ ຈາກແຂວງ, ນັກທ່ອງທ່ຽວພາຍໃນ ເມືອງອາດສະພອນ ເຂົ້າຮ່ວມຢ່າງ ຫຼວງຫຼາຍ.

ທ່ານ ສີສຸກ ເທບທານີ ຮອງ ເຈົ້າເມືອງອາດສະພອນ  ໄດ້ລາຍງານໃຫ້ຮູ້ວ່າ: ການຈັດງານຄາລາວານທ່ອງທ່ຽວທຳມະຊາດດານຜາເຜິ້ງໃນ                   ຄັ້ງນີ້ກໍ່ເພື່ອເປັນການສົ່ງເສີມໃຫ້ພໍ່ແມ່ປະຊາຊົນທີ່ຢູ່ໃນພາກພື້ນຮູ້ຮັກສາຊັບ ພະຍາກອນທຳມະຊາດພູຜາ-ຜ່າໄມ້ ແລະວັດທະນະທຳຮີດຄອງປະເພນີ ອັນດີງາມເພື່ອເອກອ້າງໃຫ້ສັງຄົມ ພາຍນອກໄດ້ຮັບຮູ້, ອີກທັງເປັນການ ສ້າງລາຍຮັບໃຫ້ແກ່ຊຸມຊົນ ແລະເປັນການດຶງດູເອົານັກລົງທຶນທາງດ້ານ ການທ່ອງທ່ຽວເຂົ້າມາລົງທຶນໃນ ເມືອງອາດສະພອນໃຫ້ຫຼາຍຂຶ້ນ.

ໃນພິທີດັ່ງກ່າວກໍ່ໄດ້ຮັບຟັງແຜນ ການເຄື່ອນໄຫວຂອງຂະບວນຄາລາ ວານທ່ອງທ່ຽວໃນຄັ້ງນີ້ໄດ້ກຳນົດ ຈຸດທ່ອງທ່ຽວຈາກເທສະບານເມືອງ ອາດສະພອນຫາບ້ານນາຍອນ  ໂດຍ ຕອນເຊົ້າຂອງວັນທີ 29 ມີນາ ຫຼັງຈາກທີ່ເປີດພິທີສຳເລັດແມ່ນຈະໄດ້ ໄປສັກກາລະບູຊາພະທາດດອກແກ້ວ ທີ່ວັດທາດດອກແກ້ວ ຊຶ່ງເປັນພະທາດທີ່ຊາວເມືອງໃຫ້ການສັກກາລະບູຊາ, ຈາກນັ້ນກໍ່ໄດ້ເດີນທາງຕໍ່ໄປທີ່ບ້ານນາປອດ ເພື່ອທ່ຽວຊົມຕົ້ນຂາມ ເປ້ຍຈາລຶກຮອຍຊ້າງນາງລາວ ຕາມ ທີ່ປະຫວັດສາດໄດ້ຈາລຶກໄວ້ວ່າ: ນາງລາວ (ນາງຄຳເພົາ) ໄດ້ແຫ່ຂະ ບວນມາສຳຫຼວດເຂດເດນເມືອງວັງ-ອ່າງຄຳ ເມືອມາຮອດຈຸດນີ້ຊ້າງຂອງນາງລາວກໍ່ໄດ້ມາຢຽມຕົ້ນຂາມ ເຮັດໃຫ້ຕົ້ນຂາມເປ້ຍ ຈຶ່ງເອີ້ນຕົ້ນ ຂາມນີ້ວ່າ: ຕົ້ນຂາມເປ້ຍ, ພ້ອມນັ້ນ ກໍ່ໄດ້ມີການມອບອຸປະກອນການ ຮຽນໃຫ້ນ້ອງນັກຮຽນໂຮງຮຽນປະ ຖົມປອດ, ຈາກນັ້ນຂະບວນຄາລາວານກໍ່ໄດ້ເດີນທາງໄປທີ່ບ້ານນາ ຍອນເພື່ອມອບອຸປະກອນການຮຽນ ການສອນ ແລະອຸປະກອນກີລາໃຫ້ໂຮງຮຽນປະຖົມນາຍອນ, ແລ້ວກໍ່ ເດີນທາງໄປທ່ຽວຊົມວັດເກົ່າແກ່ ຂອງບ້ານນາຍອນ ທີ່ສ້າງຂື້ນໃນ ສະໄໝຂອມ, ຈາກນັ້ນ ກໍ່ເດີນທາງຕໍ່ ໄປທ່ຽວຊົມທຳມະຊາດຍອດເຊຈຳ ພອນຊຶ່ງເປັນຈຸດທີ່ຈະສ້າງເປັນອ່າງ ເກັບນ້ຳເພື່ອຮັບໃຊ້ເຂົ້າໃນການຜະ ລິດຂອງພໍ່ແມ່ປະຊາຊົນ, ຂະບວນ ໄດ້ເດີນທາງຕໍ່ໄປທີ່ດານຫ້ວຍໄຟ ທ່ຽວຊົມຂຸມສະຄຶ, ເຮືອຊາວວາ ແລະ ຕັ້ງແຄ້ມພັກຜ່ອນແຮມຄືນແລະຮ່ວມ ກັນສ້າງກິດຈະກຳອ້ອມກອງໄຟໃນ ຍາມຄ່ຳຄືນ.

ຈາກນັ້ນໃນວັນທ ີ 30 ມີນາຂະ ບວນຄາລາວານທ່ອງທ່ຽວກໍ່ໄດ້ເດີນທາງດ້ວຍການຍ່າງໄປທີ່ຜາເຜິ້ງຊຶ່ງຈາກຈຸດພັກແຮມປະມານ 4 ກິໂລ ແມັດ, ເພື່ອທ່ຽວຊົມຄວາມສວຍງາມ ຂອງພູຜາປ່າໄມ້, ຈຸດພິເສດແມ່ນ ຜາເຜິ້ງ ແລະຖ້ຳເພຍຫົດ-ເພຍໄຊຜາເຜິ້ງເປັນໜ້າຜາທີ່ສູງຊັນຄາດວ່າສູງປະມານ 70 ກວ່າແມັດ, ຕາມການ ບອກເລົ່າຂອງເຖົ້າແກ່ບ້ານນາຍອນ ທີ່ເອີ່ນຊື່ວ່າ: ຜາເຜີ້ງ ກໍ່ຍ້ອນເມື່ອ ກ່ອນໜ້າຜາດັ່ງກ່າວມັກມີເຜິ້ງມາອາໄສຢູ່ຈຳນວນຫຼາຍເລີຍພາກັນ ເອີ້ນວ່າຜາເຜິ້ງ.

 

แชร์