ຄຳມ່ວນ ຍາດໄດ້ 1 ຫລຽນຄຳ ກິລາດອກປີກໄກ່ ປະເພດທີມຍິງ

ການແຂ່ງຂັນກິລາຕີດອກປີກໄກ່ ໃນງານກິລາຊຽງຂວາງເກມ 2022, ຮອບຊີງຊະນະເລີດ ປະເພດທີມຍິງ ແຂ່ງຂັນໃນວັນທີ 17 ທັນວາ 2022 ແຂວງຄຳມ່ວນ ສາມາດເອົາຊະນະ ນະຄອນຫລວງວຽງຈັນ 3-1 ເຊັກ, ຍາດໄດ້ ຫລຽນຄໍາ ໄປຄອງ.

ການແຂ່ງຂັນກິລາດອກປີກໄກ່ ໄດ້ເລີ່ມແຂ່ງຂັນມາແຕ່ວັນທີ 15 ທັນວາ 2022 ແລະຈະດຳເນີນການແຂ່ງຂັນໄປຈົນເຖິງ ວັນທີ 22 ທັນວາ 2022, ເຊິ່ງແຂວງຄຳມ່ວນ ໄດ້ສົ່ງນັກກິລາເຂົ້າຮ່ວມແຂ່ງຂັນ ຈຳນວນ 7 ລາຍການ, ແຂ່ງຂັນໄປແລ້ວ 2 ລາຍການ ແລະ ຍັງຈະໄດ້ສືບຕໍ່ແຂ່ງຂັນຕື່ມອີກ 5 ລາຍ ການ ຄື: ປະເພດ ທີມຄູ່ຍິງ, ທີມຄູ່ຊາຍ, ປະເພດດ່ຽວຍິງ, ດ່ຽວຊາຍ ແລະປະເພດຄູ່ປະສົມ, ເຊິ່ງແຂວງຄຳມ່ວນ ຈະສູ້ຊົນໃຫ້ໄດ້ເພີ່ມອີກ 1 ຫລຽນຄຳ ເພື່ອໃຫ້ບັນລຸຕາມເປົ້າໝາຍທີ່ວາງໄວ້ 2 ຫລຽນຄຳ.

แชร์