ຢູ-12 ນະຄອນຫຼວງ ໄດ້ຮັບການຍ້ອງຍໍ ຫຼັງຄວ້າທີ 2 ບານເຕະຊີງແຊ໋ມນາໆຊາດ ທີ່ປະເທດໄທ

ນັກເຕະເຍົາວະຊົນຮຸ່ນອາຍຸ 12 ປີ ຫຼື  ຢູ-12 ນະຄອນຫຼວງວຽງ ຈັນ ທີ່ຕາງໜ້າຈາກ ສປປ ລາວ ໄດ້ຮັບການຍ້ອງຍໍຊົມເຊີຍຈາກ ພະແນສຶກສາທິການ ແລະກີລານະຄອນຫຼວງວຽງຈັນຢ່າງສົມ ກຽດພາຍຫຼັງສ້າງຜົນງານໃຫ້ແກ່ ປະເທດຊາດຄວ້າອັນດັບທີ 2 ໃນ ການແຂ່ງຂັນເຕະບານເຍົາວະຊົນ ຢູ-12 ຊີງແຊ໋ມນາໆຊາດ ຫຼື ລາຍການ Bangkok International Junior Thailand 2019 ລະຫວ່າງວັນທີ 11-14 ມີນາ 2019 ຈັດຂຶ້ນທີ່ນະຄອນ ຫຼວງບາງກອກ ປະເທດໄທ ໂດຍ ມີ 6 ຊາດເຂົ້າຮ່ວມແຂ່ງຂັນ.

ເມື່ອຕອນແລງວັນທີ 29 ມີນາຜ່ານມາທີ່ຮ້ານອາຫານສະປອດວິວ ເມືອງສີສັດຕະນາກນະຄອນ ຫຼວງວຽງຈັນໄດ້ມີພິສະຫຼຸບຜົນງານຂອງນັກເຕະຢູ-12 ທີມເຍົາວະຊົນນະຄອນຫຼວງວຽງຈັນ ທີ່ ຄວ້າອັນດັບທີ 2 ເຕະບານຊີງແຊ໋ມນາໆຊາດທີ່ປະເທດໄທໂດຍໃຫ້ກຽດເຂົ້າຮ່ວມ ແລະມອບໃບຍ້ອງ ຍໍຂອງທ່ານຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະກີລານະຄອນຫຼວງວຽງຈັນ, ມີທ່ານກະເສມອິນທະລາ ຮອງປະ ທານຄະນະກຳມະການໂອແລມປິກແຫ່ງຊາດລາວ, ທ່ານ ຈັນທະວົງ ປັນຍາສິລິ ຫົວໜ້າພະແນກຈັດການ ແຂ່ງຂັນກົມກີລາລະດັບສູງກະ ຊວງສຶກສາທິການແລະກີລາ, ທ່ານ ວິໄຊ ຜາຍພະກົມມາ ຫົວໜ້າຂະ ແໜງຈັດຕັ້ງ ແລະບໍລິຫານພະແນກການເງິນນະຄອນຫຼວງວຽງຈັນ ແລະທ່ານ ວຽງສະຫວັນ ແສງຈັນ ປະທານສະຫະພັນບານເຕະນະຄອນຫຼວງວຽງຈັນ ພ້ອມດ້ວຍຄະ ນະຄູຝຶກ, ນັກກີລາ, ພໍ່ແມ່ນັກກີລາເຂົ້າຮ່ວມຢ່າງຫຼວງຫຼາຍ.

ທ່ານ ວຽງສະຫວັນ ແສງຈັນ ກ່າວວ່າ: ກ່ອນທີ່ນັກກິລາເຕະບານ ຢູ-12 ນະຄອນຫຼວງວຽງຈັນ ຈະສາມາດສ້າງຜົນງານຄວ້າອັນດັບ ທີ 2 ການແຂ່ງຂັນເຕະບານຊີງ ແຊ໋ມນາໆຊາດ ຫຼື ລາຍການ Bangkok International Junior Thailand 2019 ຈັດຂຶ້ນທີ່ປະ ເທດໄທ ມີ 6 ຊາດເຂົ້າຮ່ວມປະ ກອບມີເຈົ້າພາບໄທ, ຫວຽດນາມ, ຮົງກົງ, ຍີ່ປຸ່ນ, ອັງກິດ ແລະນະ ຄອນຫຼວງວຽງຈັນ ຕາງໜ້າ ສປປ ລາວ ພວກເຮົາໄດ້ມີການເກັບຕົວ ຝຶກຊ້ອມນັກກິລາເຖິງ 1  ເດືອນເຕັມ ໂດຍໄດ້ແຕ່ງຕັ້ງຄະນະຮັບຜິດຊອບ ແລະມີພໍ່ແມ່ຜູ້ປົກຄອງເປັນຜູ້ສະ ໜັບສະໜູນເປັນຕົ້ນຕໍ. ນອກຈາກ ນັ້ນ, ກໍ່ຍັງມີເຄື່ອງກິລາເອັບບີທີ (FBT) ເປັນຜູ້ຊຸກຍູ້ທາງດ້ານເຄື່ອງນຸ່ງຊຸດແຂ່ງຂັນ, ຊຸດຊ້ອມ ແລະອຸປະກອນກີລາເຕະບານອື່ນໆ ອີກຫຼາຍລາຍການສະນັ້ນການຈັດພິທີສະຫຼຸບຜົນສຳເລັດຂອງຂຸນພົນ ນັກເຕະຢູ-12 ນະຄອນຫຼວງວຽງຈັນ ໃນມື້ນີ້ແມ່ນມີຄວາມໝາຍ ຄວາມສຳຄັນຫຼາຍເປັນບ່ອນອີງໃຫ້ ນັກກີລາສືບຕໍ່ຝຶກຝົນຫຼໍ່ຫຼອມປະສົບການຂອງຕົນເອງເພື່ອກ້າວສູ່ຜົນ ສຳເລັດໃນຕໍ່ໃຫ້ສອດຄ່ອງກັບແຜນ ພັດທະນາການເຄື່ອນໄຫວຂອງວົງ ການກີລາເຕະບານນະຄອນຫຼວງ ວຽງຈັນ  ໃນເບື້ອງຕົ້ນຈະຈັດໃຫ້ມີ ການແຂ່ງຂັນໃນຮຸ່ນເຍົາວະຊົນທົ່ວ ນະຄອນຫຼວງວຽງຈັນ ແລະຈະຕ້ອນຮັບການມາຢ້ຽມຢາມນັກກີ ລາຈາກປະເທດເພື່ອນບ້ານທັງນີ້, ກໍ່ເພື່ອສ້າງປະສົບການໃຫ້ນັກກີລາ ໃນຮຸ່ນດັ່ງກ່າວທີ່ເປັນແບບຢ່າງທີ່ດີໃນຮຸ່ນເຍົາວະຊົນສາມາດກ້າວຂຶ້ນໄປເປັນນັກເຕະລະດັບອາຊີບໄດ້ໃນ ອະນາຄົດຢ່າງມີຄຸນນະພາບ.

ໂດຍ: ບຸນນິກ

แชร์