ເປີດງານ LaoStartup Festival 2022

ໃນລະຫວ່າງວັນທີ 16-18 ທັນວາ 2022 ທີ່ນະຄອນຫຼວງວຽງຈັນ ກົມສົ່ງເສີມວິສາຫະກິດຂະໜາດນ້ອຍ ແລະກາງ, ກະຊວງອຸດສາຫະກຳ ແລະການຄ້າ ຮ່ວມກັບກະຊວງເຕັກໂນໂລຊີ ແລະການສື່ສານ ແລະສະມາຄົມການຄ້າ ICT ລາວໄດ້ຈັດພິທີເປີດງານ LaoStartup Festival 2022 ໂດຍເປັນກຽດການເຂົ້າຮ່ວມຂອງທ່ານ ບຸນເຖິງ ດວງສະຫວັນ, ຮອງລັດຖະມົນຕີກະຊວງອຸດສາຫະກຳ ແລະການຄ້າ, ທ່ານ ແກ້ວວີສຸກ ໂສລະພົມ, ຮອງລັດຖະມົນຕີກະຊວງເຕັກໂນໂລຊີ ແລະການສື່ສານ, ທ່ານ ບຸນເພັງ ສີບຸນເຮືອງ, ຫົວໜ້າກົມສົ່ງເສີມ SME, ກະຊວງອຸດສາຫະກຳ ແລະການຄ້າ, ທ່ານ ພົງສະຫວັນ ພົມກອງ, ຕາງໜ້າຫ້ອງການທະນາຄານໂລກປະຈຳ ສປປ ລາວ, ຫົວໜ້າສໍານັກງານອົງການການເງິນສາກົນ ປະຈໍາ ສປປ ລາວ, ທ່ານ Melvin Spence, ຫົວໜ້າຝ່າຍ, ຕາງໜ້າ ອົງການ USAID-LBE, ທ່ານ ດາວວອນ ພະຈັນທະວົງ, ຮອງປະທານສະພາການຄ້າ ແລະອຸດສາຫະກຳ ແຫ່ງຊາດລາວ,  ທ່ານ ທະນູສອນ ພົນອາມາດ, ປະທານສະມາຄົມການຄ້າ ICT ລາວ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ບຸນເຖິງ ດວງສະຫວັນ ກ່າວວ່າ: ກົມສົ່ງເສີມ SME ກໍ່ຄືກະຊວງອຸດສາຫະກຳ ແລະການຄ້າ ໄດ້ສ້າງແຜນພັດທະນາ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (MSME) 2021-2025 ແລະໄດ້ຖືກຮັບຮອງໂດຍລັດຖະບານ ໃນເດືອນມິຖຸນາ 2022 ທີ່ຜ່ານມາ. ໃນແຜນພັດທະນາ MSME ດັ່ງກ່າວ, ໄດ້ກຳນົດ 7 ນະໂຍບາຍ ເພື່ອສົ່ງເສີມ MSME ປະກອບມີ ນະໂຍບາຍສົ່ງເສີມຜູ້ປະກອບກິດຈະການ, ນະໂຍບາຍການເຂົ້າເຖິງແຫລ່ງທຶນ, ນະໂຍບາຍດ້ານຜະລິດຕະພາບ, ເຕັກໂນໂລຊີ ແລະນະວັດຕະກຳ, ນະໂຍບາຍດ້ານການເຂົ້າເຖິງການບໍລິການໃຫ້ຄຳປຶກສາພັດທະນາທຸລະກິດ, ນະໂຍບາຍການເຂົ້າເຖິງ ແລະຂະຫຍາຍຕະຫລາດ, ນະໂຍບາຍການສ້າງສະພາບແວດລ້ອມທີ່ເອື້ອອຳນວຍໃຫ້ແກ່ການສ້າງ ແລະດຳເນີນທຸລະກິດ, ນະໂຍບາຍດ້ານພາສີ-ອາກອນ ແລະການເງິນ. ໃນນີ້, ການສົ່ງເສີມ startupແມ່ນນອນໃນນະໂຍບາຍສົ່ງເສີມຜູ້ປະກອບກິດຈະການ ເຊິ່ງໃນນັ້ນ ໄດ້ກຳນົດລາຍລະອຽດດ້ານນະໂຍບາຍ ແລະມາດຕະການ ໃນການສົ່ງເສີມໃຫ້ສັງຄົມລາວ ຫັນມາເປັນຜູ້ປະກອບກິດຈະການຫລາຍຂຶ້ນ ທັງໃນແບບທຸລະກິດ MSME ແບບດັ້ງເດີມ ແລະ ທຸລະກິດ ສະຕາດອັບ. ນອກຈາກນັ້ນ, ໃນແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ເຊິ່ງໃນເປົ້າໝາຍທີ 1 ວ່າດ້ວຍ  ເສດຖະກິດແຫ່ງຊາດຂະຫຍາຍຕົວຢ່າງຕໍ່ເນື່ອງ,ມີຄຸນນະພາບ,ໝັ້ນທ່ຽງແລະຍືນຍົງ ໂດຍສະເພາະໃນແຜນວຽກຈຸດສຸມທີ 4 ທີ່ໄດ້ກຳນົດກ່ຽວກັບ ການພັດທະນາMSME ໄປສູ່ຄຸນນະພາບໃໝ່ໃຫ້ມີຄວາມເຂັ້ມແຂງແລະສາມາດແຂ່ງຂັນກັບພາກພື້ນແລະສາກົນ.

ການຈັດງານ Startup Festival ແມ່ນຖືວ່າເປັນກິດຈະກຳໜຶ່ງທີ່ສຳຄັນ ໃນການຈັດຕັ້ງປະຕິບັດບັນດາແຜນທີ່ກ່າວມານັ້ນ. ນອກນັ້ນ, ງານໃນຄັ້ງນີ້ ຍັງເປັນງານທີ່ສຳຄັນ ເຊິ່ງຕອບສະໜອງຕໍ່ກັບການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໂດຍເນັ້ນໜັກໃສ່ການເພີ່ມຂຶ້ນຂອງປະຊາກອນທຸລະກິດ ເພື່ອສ້າງວຽກເຮັດງານທຳໃນສັງຄົມ, ເພີ່ມຖານລາຍຮັບແຫ່ງຊາດ. ພ້ອມນີ້, ງານຂອງພວກເຮົາຍັງຈັດຂຶ້ນໃນທ່າມກາງການດຳເນີນກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດຊຸດທີ IX ເຊິ່ງສະມາຊິກສະພາແຫ່ງຊາດ ກໍ່ໃຫ້ຄວາມສົນໃຈ ແລະ ເອົາໃຈໃສ່ຕໍ່ກັບວຽກງານສົ່ງເສີມ MSME ໃນສັງຄົມ.

ສໍາລັບ MSME ທົ່ວໄປຢູ່ ສປປ ລາວ ແມ່ນກວມອັດຕາສ່ວນເຖິງ 99.8% ຂອງວິສາຫະກິດທົ່ວປະເທດ. ສະນັ້ນ, Startup ຄວນຮ່ວມມືກັບ MSME ໃນການພັດທະນາທຸລະກິດຂອງຕົນ ເພື່ອຮ່ວມກັນເຕີບໃຫຍ່ຂະຫຍາຍຕົວເຊັ່ນ: ການນຳເອົາຜະລິດຄະພັນຂອງ MSME ເຂົ້າສູ່ platforme-commerce ຫຼື delivery ຂອງສະຕາດອັບ, ການພັດທະນາເຕັກໂນໂລຊີດ້ານ Agritechເພື່ອຊ່ວຍຂະແໜງກະສິກຳ ແລະລ້ຽງສັດ ປັບປຸງຜະລິດຕະພາບ ແລະສະມັດຕະພາບ ການຜະລິດ, ການພັດທະນາວິສະວະກຳດ້ານອາຫານ, ຢາ ຫຼື ສຸຂະພາບ ເປັນຕົ້ນ

 

 

แชร์