ປ່ຽນໂທລະສັບເກົ່າເປັນກ້ອງວົງຈອນປິດດ້ວຍແອັບ Alfred

ນສພ ເສດຖະກິດສັງຄົມ.

     ແອັບທີເຮົາຈະເວົ້າເຖິງໃນວັນນີ້ຄົງຖືກໃຈຫຼາຍໆຄົນທີ່ມີສັດລ້ຽງຫຼືມີເດັກນ້ອຍຢູ່ໃນເຮືອນເພາະເປັນແອັບຈະເຮັດໜ້າທີ່ເປັນກ້ອງ CCTV ຂະໜາດນ້ອຍໃຫ້ ເຮົາບໍ່ຕ້ອງມີອຸປະກອນຫຍັງ ຫຼື ບໍ່ຈຳເປັນເສຍເງິນຫຼາຍພຽງແຕ່ມີໂທລະສັບມືຖືທີ່ເຮົາໃຊ້ໃນປະຈຸບັນກັບໂທລະສັບໜ່ວຍເກົ່າອີກໜ່ວຍໜຶ່ງທີເຮົາບໍ່ໃຊ້ຈາກນັ້ນກໍພຽງມີແອັບ ”Alfred” ຕິດເຄື່ອງໄວ້ພຽງເທົ່ານີ້ກໍໄດ້ເບິ່ງຄວາມເຄື່ອນໄຫວຂອງສັດລ້ຽງເຮົາໄດ້ຕະຫຼອດເວລາແລ້ວ.

   ວິທີໃຊ້ງານແສນງ່າຍພຽງແຕ່ເຮົາດາວໂຫຼດແອັບ “Alfred” ລົງໃນໂທລະສັບມືຖືທັງ 2 ໜ່ວຍຈາກນັ້ນໃຫ້ເລືອກວ່າເຮົາຈະໃຊ້ໜ່ວຍໃດໄວ້ເບິ່ງແລະໜ່ວຍໃດຈະໃຊ້ງານເປັນກ້ອງ.

   ຈາກນັ້ນທັງ 2 ໜ່ວຍກໍເຮັດການລ໊ອກອິນດ້ວຍ Google ໂດຍໃຊ້ອິເມລດຽວກັນແລະແລ້ວທັງ 2 ໜ່ວຍກໍຈະເຮັດການເຊື່ອມຕໍ່ກັນຮຽບຮ້ອຍທີ່ເຫຼືອກໍພຽງນຳເອົາມືຖືທີ່ເຮັດໜ້າທີ່ເປັນກ້ອງໄປຕັ້ງໄວ້ຢູ່ຈຸດທີ່ເຮົາຕ້ອງການເບິ່ງແລະຢ່າລືມສາກແບັດປະໄວ້ດ້ວຍ.  

• 25/12/2018