ເຈົ້າພາບຄອງເຈົ້າຫຼຽນຄຳ ກິລາກະຕໍ້ຊິນລອນ ຊຽງຂວາງເກມ 2022

ປິດສາກແລ້ວສຳລັບການແຂ່ງຂັນກິລາກະຕໍ້ຊິນລອນ ໃນງານມະກາກຳກິລາແຫ່ງຊາດ ຄັ້ງທີ XI ຫຼື ຊຽງຂວາງເກມ 2022 ພາຍຫຼັງດຳເນີນການແຂ່ງຂັນມາເປັນເວລາ 2 ວັນ ທີ່ສະໂມສອນໃນຮົ່ມ ວິທະຍາໄລຄູຄັງໄຂ ເມືອງແປກ ແລະໄດ້ສຳເລັດຢ່າງເປັນທາງການໃນວັນທີ 10 ທັນວາ 2022 ນີ້. ມີນັກກິລາ ເຂົ້າຮ່ວມແຂ່ງຂັນຊີງໄຊທັງໝົດ 6 ພາກສ່ວນຄື: ແຂວງຊຽງຂວາງ, ຫຼວງພະບາງ, ແຂວງສະຫວັນນະເຂດ, ແຂວງຄຳມ່ວນ, ນະຄອນຫຼວງວຽງຈັນ ແລະ ກະຊວງປ້ອງກັນປະເທດ. ການແຂ່ງຂັນກະຕໍ້ຊິນລອນຄັ້ງນີ້ ຊີງ 8 ຫຼຽນຄຳ; ປະເພດຍິງ 4 ຫຼຽນຄຳ ຈາກອີເວັນ1 ຫາ ອີເວັນ 4 ແລະປະເພດຊາຍ 4 ຫຼຽນຄຳ ອີເວັນ 1 ຫາ ອີເວັນ 4 ເຊັ່ນດຽວກັນ.

ຜົນການແຂ່ງຂັນ ປະເພດຊາຍ ອີເວັນ 3 ຫຼຽນຄຳໄດ້ແກ່ເຈົ້າພາບແຂວງຊຽງຂວາງ, ຫຼຽນເງິນໄດ້ແກ່ກະຊວງປ້ອງກັນປະເທດ, ຫຼຽນທອງຮ່ວມໄດ້ແກ່ນະຄອນຫຼວງວຽງຈັນ ແລະ ແຂວງຫຼວງພະບາງ, ອີເວັນ 1 ຫຼຽນຄຳໄດ້ແກ່ແຂວງຫຼວງພະບາງ, ຫຼຽນເງິນໄດ້ແກ່ແຂວງຊຽງຂວາງ, ຫຼຽນທອງຮ່ວມໄດ້ແກ່ກະຊວງປ້ອງກັນປະເທດ ແລະ ນະຄອນຫຼວງວຽງຈັນ. ປະເພດ ອີເວັນ 2 ຊຽງຂວາງຄວ້າຫຼຽນຄຳ, ສ່ວນຫຼຽນເງິນໄດ້ແກ່ ກະຊວງປ້ອງກັນປະເທດ ແລະ ຫຼຽນທອງຮ່ວມໄດ້ແມ່ນ ແຂວງຫຼວງພະບາງ ແລະ ນະຄອນຫຼວງວຽງຈັນ. ປະເພດ ອີເວັນ 4 ຫຼຽນຄຳໄດ້ແກ່ກະຊວງປ້ອງກັນປະເທດ, ຊຽງຂວາງໄດ້ຮັບຫຼຽນເງິນ ແລະ ຫຼຽນທອງຮ່ວມໄດ້ແກ່ແຂວງຫຼວງພະບາງ ແລະ ນະຄອນຫຼວງວຽງຈັນ. ສຳລັບປະເພດຍິງ ອີເວັນ 3 ຫຼຽນຄຳໄດ້ແກ່ ແຂວງຊຽງຂວາງ, ຫຼຽນເງິນໄດ້ແກ່ ນະຄອນຫຼວງວຽງຈັນ, ຫຼຽນທອງຮ່ວມໄດ້ແກ່ ແຂວງຄຳມ່ວນ ແລະ ແຂວງສະຫວັນນະເຂດ, ປະເພດ ອີເວັນ 1 ແຂວງຄຳມ່ວນຄວ້າຫຼຽນຄຳ, ຊຽງຂວາງຄວ້າຫຼຽນເງິນ, ຫຼຽນທອງຮ່ວມແມ່ນ ນະຄອນຫຼວງວຽງຈັນ ແລະແຂວງສະຫວັນນະເຂດ, ສ່ວນປະເພດ ອີເວັນ 2 ແລະອີເວັນ 4 ແມ່ນ ຊຽງຂວາງຄອງຫຼຽນຄຳ,ແຂວງຄຳມ່ວນຄອງຫຼຽນເງິນ ແລະ ຫຼຽນທອງຮ່ວມແມ່ນ ນະຄອນຫຼວງວຽງຈັນ ແລະ ແຂວງສະຫວັນນະເຂດ. ຜ່ານການແຂ່ງຂັນ ແຂວງຊຽງຂວາງເຈົ້າພາບສາມາດຄອງເຈົ້າຫຼຽນຄຳ 5 ຫຼຽນ ແລະ 3 ຫຼຽນເງິນ ເຊິ່ງພິທີມອບຫຼຽນລາງວັນກໍໄດ້ສຳເລັດຢ່າງເປັນທາງການແລ້ວໂດຍການມອບຫຼຽນລາງວັນຂອງຄະນະຮັບຜິດຊອບງານມະຫາກຳກິລາ ຄັ້ງທີ XI ຜັດປ່ຽນກັນຂຶ້ນມອບ.
ພາບ-ຂ່າວ: ສີວອນ ຈັນມາລີ

แชร์