ກະຊວງປ້ອງກັນປະເທດ ເປັນເຈົ້າຫລຽນຄໍາ ກິລາ ປັນຈັກສີລັດ

ການແຂ່ງຂັນກິລາ ປັນຈັກສິລັດ ໃນງານມະຫາກຳກິລາແຫ່ງຊາດ ຄັ້ງທີ XI ຫຼື ຊຽງຂວາງເກມ 2022 ໄດ້ສຳເລັດລົງຢ່າງເປັນທາງການໃນວັນທີ 12 ທັນວາ 2022 ນີ້ ພາຍຫຼັງທີ່ເປີດການແຂ່ງຂັນມາແຕ່ວັນທີ 8 ທັນວາ 2022 ທີ່ສະໂມສອນໂຮງຮຽນພອນສະຫວັນ ເມືອງແປກ ແຂວງຊຽງຂວາງການແຂ່ງຂັນກິລາປັນຈັກສິລັດ ມີຈຳນວນ 9 ທິມເຂົ້າຮ່ວມແຂ່ງຂັນ ມາຈາກ 6 ແຂວງ ແລະ 3 ກະຊວງ ປະກອບມີ: ແຂວງຊຽງຂວາງ ເຈົ້າພາບ, ນະຄອນຫລວງວຽງຈັນ, ແຂວງຄຳມ່ວນ ,ແຂວງສະຫວັນນະເຂດ, ແຂວງສາລະວັນ, ແຂວງວຽງຈັນ, ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ແລະກະຊວງພະລັງງານ ແລະ ບໍ່ແຮ່, ຊີງໄຊທັງໝົດ 20 ຫຼຽນຄຳ ໃນນັ້ນ ຊາຍ 10 ຫຼຽນ, ຍິງ 10 ຫຼຽນ ໃຊ້ເວລາແຂ່ງຂັນ 5 ວັນ.

ຜົນການແຂ່ງຂັນ ກະຊວງປ້ອງກັນປະເທດໄດ້ອັນດັບ 1 ໄດ້ 5 ຫຼຽນຄຳ, 3 ຫຼຽນເງິນ, 8 ຫຼຽນທອງ ລວມ 16 ຫຼຽນ, ແຂວງຊຽງຂວາງເຈົ້າພາບ ໄດ້ອັນດັບ 2 ໄດ້ 4 ຫຼຽນຄຳ 2 ຫຼຽນເງິນ 9 ຫຼຽນທອງ ລວມ 15 ຫຼຽນ, ນະຄອນຫຼວງວຽງຈັນໄດ້ອັນດັບ 3 ໄດ້ 2 ຫຼຽນຄຳ 5 ຫຼຽນເງິນ 4ຫຼຽນທອງ ລວມ 11ຫຼຽນ, ແຂວງ ສະຫວັນນະເຂດໄດ້ 2 ຫຼຽນຄຳ 2 ຫຼຽນເງິນ 3 ຫຼຽນທອງ ລວມ 7 ຫຼຽນ, ກະຊວງປ້ອງກັນຄວາມສະຫງົບໄດ້ 2 ຫຼຽນຄຳ 2 ຫຼຽນເງິນ 2 ຫຼຽນທອງ ລວມ 6 ຫຼຽນ, ແຂວງຄຳມ່ວນໄດ້ 2 ຫຼຽນຄຳ 2 ຫຼຽນເງິນ 1 ຫຼຽນທອງກະຊວງພະລັງງານ ແລະບໍ່ແຮ່ ໄດ້ 1 ຫຼຽນຄຳ 3 ຫຼຽນເງິນ1 ຫຼຽນທອງ ລວມ 5 ຫຼຽນ,ແຂວງສາລະວັນ ໄດ້ 1 ຫຼຽນຄຳ 1ຫຼຽນເງິນ 1 ຫຼຽນທອງ ລວມ 3 ຫຼຽນ ແລະແຂວງວຽງຈັນໄດ້ 1 ຫຼຽນຄຳ 3 ຫຼຽນທອງ.
ຂ່າວ: Lao national radio.

แชร์