ໂຕໂກປະກັນໄພເປີດສາຂາປາກເຊ

   ເປີດໃຫ້ບໍລິການຢ່າງເປັນທາງການແລ້ວສໍາລັບບໍລິສັດໂຕໂກຈາຢາລາວປະກັນໄພຈໍາກັດສາຂານະຄອນປາກເຊ ແຂວງຈໍາປາສັກ ພ້ອມກັບການນໍາສະເໜີຜະລິດຕະພັນໃໝ່ປະກັນໄພລາວແຄຣ໌ທີ່ມາກັບຄວາມຫຼາກຫຼາຍໃນການຄຸ້ມຄອງລູກຄ້າເພາະເປັນຜະລິດຕະພັນປະກັນໄພທີ່ວາງແຜນເລື່ອງການອອກຄ່າໃຊ້ຈ່າຍໃນການປີ່ນປົວສຸຂະພາບ.

 ພິທີເປີດສາຂາໃໝ່ຂອງບໍລິສັດໂຕໂກ ຈາຢາ ລາວ ປະກັນໄພຈໍາກັດໄດ້ມີຂຶ້ນໃນວັນທີ 3 ເມສາ 2019 ຜ່ານມາ, ສໍານັກງານຕັ້ງຢູ່ບ້ານໂພນກຸງ ຊຶ່ງມີການນໍາຈາກຫ້ອງວ່າປົກຄອງນະຄອນປາກເຊ, ບັນດາທ່ານຜູ້ບໍລິຫານຂັ້ນສູງຂອງບໍລິສັດ ແລະບັນດາທ່ານແຂກຜູ້ ໃຫຍ່ທີ່ກ່ຽວຂ້ອງຕະຫຼອດເຖິງນັກທຸລະກິດພາຍໃນແຂວງຈໍາປາສັກເຂົ້າຮ່ວມ.

 ສໍາລັບຈຸດປະສົ່ງໃນການເປີດຫ້ອງຂາຍກໍ່ຄືສາຂາແຂວງຈໍາປາສັກເທື່ອນີ້ແມ່ນເພື່ອເປີດຫ້ອງຂາຍສາຂານະຄອນປາກເຊ ທັງເປັນການແນະນໍາຜະລິດຕະພັນປະກັນໄພຄື: ປະກັນໄພລົດ,ປະກັນໄພສຸຂະພາບ,ປະກັນອັກຄີໄພ,ປະກັນໄພທີ່ຢູ່ອາໄສ ແລະ ປະກັນໄພອື່ນໆ... ພ້ອມກັບສ່ວນຫຼຸດ 15-50%, ພິເສດແມ່ນ ຜະລິດຕະພັນໃໝ່ຄືປະກັນໄພສຸຂຸພາບ ທີ່ອອກແບບມາໃຫ້ເໝາະສົມສໍາລັບຄົນລາວທີ່ມີລາຄາທີ່ເໝາະສົມກັບຜູ້ທີ່ມີລາຍຮັບໜ້ອຍແຕ່ສາມາດເຂົ້າຮັກການປີ່ນປົວໄດ້ທັງຢູ່ພາຍໃນປະເທດ, ປະເທດໄປ ແລະທົ່ວໂລກຊຶ່ງມີສາຂາໂຮງໝໍທີ່ມີຊື່ສຽງຫຼາຍກວ່າ 3 ພັນກວ່າແຫ່ງຊຶ່ງສາຂາໂຮງໝໍຂອງບໍລິສັດແມ່ນລູກຄ້າປີ່ນປົວໂດຍບໍ່ໄດ້ເສຍຄ່າ.

ຂ່າວ: ໂພທິຣາຊ

แชร์