ເຈົ້າພາບ ຄອງເຈົ້າຫຼຽນຄຳ ກິລາໜ້າເກັກ “ຊຽງຂວາງ ເກມ 2022”

ທັບນັກກິລາໜ້າເກັກແຂວງຊຽງຂວາງເຈົ້າພາບສ້າງຜົນງານໄດ້ຢ່າງໂດດເດັ່ນຫຼັງສາມາດຍາດມາໄດ້ 3 ຫຼຽນຄຳ, 1 ຫຼຽນເງິນ ແລະ 4 ຫຼຽນທອງ ລວມ 8 ຫຼຽນ ຄອງເຈົ້າຫຼຽນຄຳ ໃນການແຂ່ງຂັນກິລາໜ້າເກັກ ງານມະຫະກຳກິລາແຫ່ງຊາດ ຄັ້ງທີ 11 ຫຼື “ຊຽງຂວາງ ເກມ 2022” ທີ່ແຂວງຊຽງຂວາງ ຮັບກຽດເປັນເຈົ້າພາບ. ຂະນະທີ່ແຂວງອຸດົມໄຊ ຍາດໄດ້ 3 ຫຼຽນຄໍາ 1 ຫຼຽນເງິນ ແລະ 1 ຫຼຽນທອງ ລວມ 5 ຫຼຽນ ເປັນອັນດັບ 2 ຂອງຕາຕະລາງ.

ການແຂ່ງຂັນກິລາໜ້າເກັກ ໃນງານມະຫະກຳກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງ ເປັນເຈົ້າພາບ ແມ່ນຈັດຂຶ້ນລະຫວ່າງວັນທີ 2-7 ທັນວາ 2022 ທີ່ສະໜາມກິລາໄຊຊະນະ ເມືອງແປກ ແຂວງຊຽງຂວາງ, ມີ 10 ແຂວງເຂົ້າຮ່ວມຊີງໄຊ ປະກອບມີ: ແຂວງຊຽງຂວາງ ເຈົ້າພາບ, ອຸດົມໄຊ, ໄຊຍະບູລີ, ຫົວພັນ, ນະຄອນຫຼວງວຽງຈັນ, ອັດຕະປື, ຫຼວງພບະາງ, ຫຼວງນ້ຳທາ, ເຊກອງ ແລະ ແຂວງວຽງຈັນ. ຜ່ານການແຂ່ງຂັນຕະຫຼອດ 6 ວັນ ຜົນປະກົດວ່າ ທັບນັກກິລາໜ້າເກັກແຂວງຊຽງຂວາງ ເຈົ້າພາບ ສ້າງຜົນງານໄດ້ຢ່າງໂດດເດັ່ນ ຍາດມາໄດ້ເຖິງ 3 ຫຼຽນຄຳ, 1 ຫຼຽນເງິນ ແລະ 4 ຫຼຽນທອງ ລວມທັງໝົດ 8 ຫຼຽນ ຄອງເຈົ້າຫຼຽນຄຳ ກິລາໜ້າເກັກ ຊຽງຂວາງ ເກມ 2022. ຂະນະທີ່ອັນດັບທີ 2 ຕົກເປັນຂອງ ແຂວງອຸດົມໄຊ ຍາດໄດ້ 3 ຫຼຽນຄຳ, 1 ຫຼຽນເງິນ ແລະ 1 ຫຼຽນທອງ ລວມ 5 ຫຼຽນາ; ອັນດັບທີ 3 ແຂວງໄຊຍະບູລີ ຍາດໄດ້ 2 ຫຼຽນຄຳ, 1 ຫຼຽນເງິນ ແລະ 2 ຫຼຽນທອງ ລວມ 5 ຫຼຽນ; ອັນດັບທີ 4 ແຂວງຫົວພັນ ຍາດໄດ້ 1 ຫຼຽນຄຳ, 2 ຫຼຽນເງິນ ແລະ 4 ຫຼຽນທອງ ລວມ 7 ຫຼຽນ; ອັນດັບທີ 5 ນະຄອນຫຼວງວຽງຈັນ ຍາດໄດ້ 1 ຫຼຽນຄຳ ແລະ 2 ຫຼຽນເງິນ ລວມ 3 ຫຼຽນ; ອັນດັບທີ 6 ແຂວງອັດຕະປື ຍາດໄດ້ 1 ຫຼຽນຄຳ ແລະ 1 ຫຼຽນເງິນ ລວມ 2 ຫຼຽນ; ອັນດັບທີ 7 ແຂວງຫຼວງພະບາງ ຍາດໄດ້ 1 ຫຼຽນຄຳ ແລະ 1 ຫຼຽນເງິນ ລວມ 2 ຫຼຽນ; ອັນດັບທີ 8 ແຂວງຫຼວງນ້ຳທາ ຍາດໄດ້ 2 ຫຼຽນເງິນ ລວມ 2 ຫຼຽນ; ອັນດັບທີ 9 ແຂວງເຊກອງ ຍາດໄດ້ 1 ຫຼຽນເງິນ ລວມ 1 ຫຼຽນ; ແຂວງວຽງຈັນ ຍາດໄດ້ 1 ຫຼຽນທອງ ລວມ 1 ຫຼຽນທອງ.

ໃຫ້ກຽດເຂົ້າຮ່ວມ ແລະມອບຫຼຽນລາງວັນໃນຄັ້ງນີ້ໂດຍ ທ່ານ ໜໍບີຫາ ຕົ່ງປາວ ຮອງເລຂາພັກແຂວງຊຽງຂວາງ, ທ່ານ ຫວາຢ່າ ໝອກພູເຂົາ ຫົວໜ້າພະແນກເຕັກໂນໂລຊີ ແລະ ການສື່ສານແຂວງ, ປະທານສະຫະພັນກິລາໜ້າເກັກແຂວງຊຽງຂວາງ ແລະ ທ່ານ ຊົງເລົາ ຍົງນູ ຫົວໜ້າຄະນະໂຄສະນາອົບຮົມນະຄອນຫຼວງວຽງຈັນ, ມີຄະນະສະຫະພັນກິລາໜ້າເກັກແຕ່ລະແຂວງ, ຄູຝຶກ ແລະນັກກິລາແຕ່ລະແຂວງຢ່າງພ້ອມພຽງ.
ຂ່າວໂດຍ: ລູກນ້ຳເຊ ອິນທະດາລິນ (ໜັງສືພິມສຶກສາ, ວິທະຍາສາດ ແລະກິລາ)

แชร์