ທຄຕລ 9 ເດືອນ ມີກຳໄລ 24,7 ຕື້ກີບ

ກອງປະຊຸມຜູ້ຖືຮຸ້ນສະໄໝວິສາມັນ ປະຈໍາປີ 2022 ທີ່ຈັດຂຶ້ນໃນທ້າຍເດືອນພະຈິກ 2022 ທີ່ສໍານັກງານໃຫຍ່ທະນາຄານການຄ້າຕ່າງປະເທດລາວ ມະຫາຊົນ (ທຄຕລ), ນະຄອນຫຼວງວຽງຈັນ ໂດຍຊີ້ບອກວ່າ: ໃນໄລຍະ 9 ເດືອນ 2022 ເຫັນວ່າ: ທຄຕລ ສາມາດມີກໍາໄລຫຼັງອາກອນ 24,7 ຕື້ກີບ (ຕົວເລກກ່ອນການກວດສອບ);

ກອງປະຊຸມຜູ້ຖືຮຸ້ນສະໄໝວິສາມັນ ປະຈໍາປີ 2022 ຄັ້ງນີ້ ໂດຍການເປັນປະທານຂອງ ທ່ານ ຄໍາສຸກ ສູນດາລາ ຮັກສາການປະທານສະພາບໍລິຫານ ທຄຕລ ພ້ອມດ້ວຍສະມາ ຊິກສະພາບໍລິຫານ ທຄຕລ, ມີຜູ້ຖືຮຸ້ນເຂົ້າ ຮ່ວມ ດ້ວຍຕົນເອງ ແລະ ມອບສິດຈຳນວນ 161 ທ່ານ, ເທົ່າກັບ 152.435.111 ຮຸ້ນ, ນັບທັງ 929.531 ຮຸ້ນ ທີ່ຖືກມອບສິດ, ບັນລຸອັດຕາສ່ວນ 73,384%; ໃນນັ້ນ ຕາງໜ້າຜູ້ຖືຮຸ້ນລັດຖະ ບານໂດຍ ທ່ານ ປະສົມເພັດ ຄໍາຕັນ ຮອງຫົວໜ້າກົມຄຸ້ມຄອງວິສາຫະກິດລັດລົງທຶນ ແລະ ການປະກັນໄພກະຊວງການເງິນ, ຕາງໜ້າຄູ່ຮ່ວມຍຸດທະສາດໂດຍ ທ່ານ ສະເຕຟານ ອຽກແບັງ ຜູ້ອໍານວຍການທະນາຄານລາວຝຣັ່ງ ແລະ ມີຜູ້ຕາງໜ້າຈາກຕະ ຫຼາດຫຼັກຊັບລາວ ແລະຄະນະກໍາມະການຄຸ້ມຄອງຫຼັກຊັບເຂົ້າຮ່ວມຕິດຕາມກອງປະຊຸມຕາມລະບຽບການ;

ກອງປະຊຸມໄດ້ມີການລາຍງານສະພາບການດໍາເນີນງານຂອງ ທຄຕລ ໄລຍະ 9 ເດືອນ 2022 ເຫັນວ່າມີກໍາໄລຫຼັງອາກອນ 24,7 ຕື້ກີບ (ຕົວເລກກ່ອນການກວດສອບ), ນອກນັ້ນກອງປະຊຸມໄດ້ພິຈາລະນາຮັບຮອງເອົາບົດບັນທຶກກອງປະຊຸມຜູ້ຖືຮຸ້ນປະຈໍາປີ 2021; ການແຕ່ງຕັ້ງສະມາຊິກສະພາບໍລິຫານ ທຄຕລ;ແລະການປັບປຸງນະໂຍບາຍນໍ້າມັນໃຫ້ພະນັກງານ ທຄຕລ;

ໃນກອງປະຊຸມຜູ້ອໍານວຍການ ທຄຕລ ໄດ້ໃຫ້ຄວາມ ໝັ້ນໃຈຕໍ່ຜູ້ຖືຮຸ້ນ ທຄຕລ ວ່າ: ຈະພະຍາຍາມສູ້ຊົນແກ້ໄຂບັນຫາຄົງຄ້າງຕ່າງໆ, ພະຍາຍາມສູ້ຊົນສ້າງຜົນກໍາໄລສູງສຸດໃນທ້າຍປີ 2022 ເພື່ອໃຫ້ມີເງິນປັນຜົນແກ່ຜູ້ຖືຮຸ້ນ.

แชร์